【原文發表於頭条日報 Blog City 頭条网】
《
投资篇》之後,大大話話,又過咗足足八個月。
呢段期間,香港起咗翻天覆地嘅變化,真喺势估唔到,《核彈篇》会响個咁嘅社会環境之下發表。我話過出文與否,
從來都喺睇 MOOD,一連串社会事件,無疑影響我完成呢個系列嘅心情,亦令我花唔少时間,写咗啲同黄黑事件相关嘅文章,而最近仲爆埋啲唔知乜肺炎,可謂 NO TIME IS RIGHT TIME。不過依家問題似乎喺,我写嘢,究竟有幾多人睇得明?记得曾經有幾位朋友、网友,都話過我写啲嘢,
好深,或者好玄。其實要明白我嘅文章,都唔喺太難啫,但最起码,我付出咗之餘,
你都要付出返少少。我當然唔喺講錢,至於喺啲乜,就唔再重複啦!
精英、腦殘不過少人明白,都未必喺壞事,
反正精英,從來都喺少数。哈哈!我喺咪好自大?其實我所指嘅精英,唔一定喺啲好高學歷,或者响社会上身居要職、有頭有面嘅人。講真,如果你只能夠以
單一角度睇事物嘅話,咁就算你知識水平幾高、分析能力幾強,你嘅知識同分析能力,都只会成为強化你單一角度嘅工具啫。呢種人,我較早前一篇文章裡面都有剖析過,就喺所謂嘅「
獨角腦殘」。
無疑呢個世界,
喺充满假象,同無数謬誤,不過好似 831 死咗人啲咁低級嘅大話,都竟然会有人信到十足,獨角個腦有幾殘,真喺唔使多講。所以有时我都会諗,使唔使降低一下文章嘅難度?但睇嚟,對住果班腦殘,应該點降都冇用。不如講白啲,如果你喺呢種人嘅話,咁我就奉勸你,無謂再浪费时間睇落去,我啲文章又長又難明,你睇幾多次都唔会知我写乜。
講開又講,唔知大家仲记唔记得,
林子健事件?相信泛民裡面,佢都可謂最唔抵果件,依家日日撞牆,痛恨自己聰明一世,就喺输咗個 TIMING。如果佢早排先至嚟玩自釘嘅,莫講話大把人信,玩下手仲隨时做埋区議员添。我唔喺講笑,睇返最近区議会選舉,
建制大敗,攞唔夠兩成議席。呢次泛民連同激進派,借势将選舉硬推成變相公投,啲黄黑支持者可謂傾巢而出,舉哂啲珍禽異獸入区議会。不過,對比相對政治冷感嘅其他選民,
都破唔到六比四,就證明咗香港,仲未至於冇得救。
各位,我喺好認真,今日香港,至少有 120 萬個精英撐住,算喺咁啦!
末日博士其實一個社会,喺唔需要個個都好叻,皆因每個人都有自己嘅角色,多一個叻嘅腦殘,都只喺多咗隻害虫啫。响呢個时势之下,仲可以保持清醒嘅,就算只喺個冇乜學識嘅師奶阿叔,都已經喺社会嘅精英。可能你会覺得,我對精英嘅要求太低,咁不如我問下大家,
成日上鏡果位末日博士,算唔算喺精英?
关於佢過往啲末日預測有幾準,就唔方便評论啦,揭人瘡疤呢家嘢,唔喺我杯茶。不過佢离職之後,喺咁唱自己舊公司,就真喺幾冇風度。講真,如果我喺行家,見你副咁嘅格,都唔夠膽请你,唔好講到人地歧視你喺香港人。响交銀做咗成十四年,如果人地真喺好似你話,
咁介意港人代表中资銀行發言嘅,你邊坐得上首席經濟及策略師呢個位?你以前果啲出位言论、預測失準,人地唔介意,都已經好包容,點解唔檢讨一下自己,有冇作出過啲 FATAL 嘅言论或者行为,影響到公司利益,搞到人地唔炒你唔得?
末日博士又話,對中國嘅負面分析,例如「
看淡內地經濟、中方在中美貿易戰處下風」等言论,受到打壓。呢啲一面之词,好難評论,但我都問過下啲业界人士,似乎冇乜聽過話有咁嘅事。其實,依家全球各大經濟體,都冇乜邊個撈得好掂,尤其喺啲民主國家,一個個步入「
陣痛」階段。反观中國內地,社会相對穩定,人民向心力強,政策執行效率又高,就宏观而言,睇淡內地經濟,根本就唔現實。至於中美貿易戰,邊個佔上風,邊個佔下風,好多时都喺角度問題。我反而 WONDER,呢位末日精英,喺咪唔知唔覺,
變咗做腦殘?
心水太清所以點解我話,對啲評论员嘅言论同文章,喺应該當「
散文」咁去睇。睇散文,當然唔可以太認真,散文當明燈嘅話,就真喺十条命都唔夠死。我唔喺講笑,
啲師奶阿叔,心水夠清嘅話,炒股隨时準過啲唔知乜博士,真喺唔好話啲師奶阿叔,唔可以喺精英。我知你地一定会問,點先至算心水清?呢個問題,唔喺三言兩語就答得哂,不過有一點可以透露:心水清嘅首要条件,就喺具
多角度睇事物嘅能力。咦?我又算唔算心水清呢?答案喺 YES!咁有乜股票介紹呀?SORRY,
股票呢家嘢,我從來唔 BUY。车!仲唔喺老吹?NO!我唔 BUY 股票,就喺因为心水太清囉!
心水唔清,不宜炒股;心水夠清,可以炒股;心水太清,唔 BUY 炒股。
哈哈!喺唔喺好難明?無他嘅,講得太白,邊有趣味。認識我嘅人都知,
我嘅投资組合,主要喺以債券及有关債券類別嘅高息金融項目为主,當中幾乎全部都喺中港地区嘅资产。至於啲歐美鬼佬嘢,就真喺唔好搞我,低增長嘅成熟經濟體,
就算俾到息都喺燒俾你。不過,唔少人始終擺脫唔到果種崇洋心態,西方嘅月光總喺圓啲,有平嘢就一窩蜂去撈。當然,你要用自己啲血汗錢,去供養人地嘅民主自由,我唔阻你,但唔好怪我烏鴉口,玩下手,「
陣痛」隨时變長痛!
陣痛嘅威力我唔喺講笑,就睇法國,
黄背心玩咗成年幾都未停,最近仲搞埋
大罷工,真喺唔知點收科。上次唔使一個月,
就撤咗個燃油稅,人地咪一樣照玩,真喺有板你睇。所以話呢,妹仔真喺唔夠醒目,一喺就晨咁早撤咗個修例,再唔喺嘅,
响四月中見個主席位卡住咗,咪即上大会,暑假前埋佢單囉!反正妳洗濕咗個頭,撤又好,唔撤又好,硬過也好,人地照樣發癲,有乜分別?
話說近七成法國人,認为罷工合理,我地香港,
就有近六成投票者,支持黄黑。唔好話我阿 Q 精神,相比之下,我地都叫好過人地少少啦!
其實近三年前,我已經提出咗過警告,
環球經濟新常態嘅陣痛,会席捲全球,包括我地嘅香港。但好可惜,我睇好果兩件,就跌哂眼鏡。第一件,我曾冠以「
港式马克龙」之名嘅鬍鬚曾,最後淪为「
過氣大師」;至於第二件,我曾冠以「
法式鬍鬚曾」之名嘅马克龙,就一朝得志,語無倫次,對國內嘅陣痛,掉以輕心,成日掛住响外交上威威。唉!冇法啦,兩位都有化解陣痛嘅底子,但一個年纪太大,另一個就太年青。记得我曾經話過,
陣痛,可以維持幾年,至十幾年,甚至更長,亦因地区而異。所謂,
新常態嘅第三階段,唔知我有生之年,可唔可以見得到?
所以有时候,都真喺幾沮喪,我啲預言,好嘅唔靈,醜嘅就靈哂。
香港人嘅報应、
思歪主義崛起、
泛民壯大、
年輕人成魔,我真喺唔想再数。
我曾寄語持份者,唔好为咗眼前嘅利益,搞到将來嘔突。依家都只喺区議会,傷嘅都仲喺基層,但到立法会都被全面攻陷嘅話,持份者,就要付出代价。好彩我呢份人,
唔鍾意高調啫,唔喺分分鐘俾人封咗做新末日博士,就真喺大大鑊,呢啲咁嘅臭名,千祈唔好搞我!
現在嘅基礎因素咁究竟香港,仲有乜嘢出路?关於呢個
新年錦囊,我会稍後再提返。其實将來嘅局势,點樣發展,我做投资嘅,你開大,我行 A 路,開細呢,咪行 B 路囉!
LIFE WILL FIND ITS WAY。不過,作为長線投资者,每落一注都好長遠,持貨亦喺斷年计,所以一定要
心水好清,對「
現在嘅基礎因素」,即喺唔会隨便受市場變化影響嘅長期因素,就要睇通睇透。
记得 2014 年 9 月初,我發表咗一連四節嘅《
環球經濟新常態》回应系列,裡面提到果種薄利多銷嘅環球金融结構,就喺我當时見到嘅「現在嘅基礎因素」,低息成为常態,而高息嘅定義,亦唔会再喺以前果種高。结果年幾之後,即 2015 年底,
美國開始加息,聯邦基金利率由 0.25 厘,
經歷三年共九次加息,到 2018 年底嘅 2.5 厘就结束。半年之後,即 2019 年 7 月底,
美國開始調頭減息,減咗三次到依家嘅 1.75 厘。
當年有啲磚家、財演,将美國加息講到好似洪水猛獸咁,因为佢地認为,如果唔喺聯繫匯率阻住個地球轉,香港早就应該要加息,所以美國一加息,佢地就預期香港一定会跟,到时候楼市就会大跌。點知呢班所謂磚家、財演,個個跌哂眼鏡,人地加到第八次,香港啲銀行,
先至勉強将個 P 加得果 0.125 厘,到人地調頭減到第三次啫,
就連果少少都要減返。OBVIOUSLY,根本喺香港自己嘅問題,唔好話我马後砲,早响 2013 年底,我就已經話過,
喺香港自身嘅經濟结構,冇条件加息,关個聯匯 Q 事!
七年投资回顧正正就喺睇通咗呢個「
現在嘅基礎因素」,先至会瞓哂身去建立我嘅投资事业,
成就三個十倍。咁究竟呢七年以嚟,我嘅戰績如何?就用返當时舉過嘅
一個例子,市值 300 萬磚頭,按八成融资 240 萬。大家可能会問,2013 年到依家,300 萬嘅磚頭,都应該已經升到 600 萬以上啦!不過我响《
投资篇》裡面已經提過,2015 年金管局收緊咗對融资投资嘅監管,
磚頭融资唔可以再槓桿。咁我就當升到 450 萬就唔再繼續加按,即喺個基礎融资升到 360 萬就停。當时我話以五至七成,即喺平均六成槓桿买債,但事實上我嘅槓桿比例,好快就已經升到平均七成。以 360 萬基礎融资,持貨 1200 萬債券類资产,平均收息 8.5 厘,借貸成本 2.5 厘,複息增長七年至 1800 萬,扣除借貸嘅話,就喺淨賺 600 萬。
市值 300 萬磚頭,七年投资,淨賺 600 萬,未计磚頭升值同租金收入。呢個只喺粗略计算,仲有一系列其他成本支出,以及同銀行合作,衍生出嚟嘅商机,所導致嘅其他收入。再者,我嘅原始磚頭资产,又何止 300 萬?都喺果句啦,
私隐嘢,唔方便透露。其實呢七年期間,外面好多評论,甚至一啲朋友,FROM TIME TO TIME 都会講乜沽債轉股,但對我而言,NO TIME IS RIGHT TIME。要我沽債轉股,即喺要放棄槓桿,走去玩以小搏大,講真,我寧願騎住呢隻「
現在嘅基礎因素」,順風飛馳,幾悶蛋都喺咁話啦,鬼叫我
心水太清咩!
呢個世界,冇人有水晶球,如果你喺《
股楼篇》尾講果種,揸住隻唔知乜股,
就以为自己揀中咗件荀马嘅,咁我就奉勸你,真喺要小心啲,唔好以为
中美貿易第一階段签咗,就一天都光哂。
成個中美矛盾,响環球主導之爭,仲未塵埃落定之前,喺唔会停止,所以呢個世界,至少会動盪五至十年以上。再加上「
陣痛」漫延全球,就算唔喺啲乜嘢黄黑暴亂、唔知乜肺炎之類,個市場都会好波動,同充满不明朗性。
2019 投资成績表所以點解我話,睇清楚「現在嘅基礎因素」,包括以上提過嘅薄利多銷環球金融结構、長期中美矛盾、以及持續纏擾各地嘅「陣痛」,對投资者喺非常重要。因为無论市場有幾動盪、幾難預測,都喺坐落响呢堆可見嘅未來,都唔会改變嘅長期因素之上。而呢啲因素,就算喺改變,都只会漸變,
心水夠清嘅長線投资者,唔難观察得到,亦有足夠时間作出調整。
THAT'S WHY 我以「
悶蛋」嚟形容囉!不過悶蛋,
亦可以好忙,呢方面上次已經提及過,唔再重複啦。或者簡單啲講,自 2018 年中启動咗個「
盾」之後,我资产嘅防禦力大大提升。2019 上半年債市暢旺,可以放膽增持,而下半年就喺保本期,至於全年嘅成績表,雖然仲未计出嚟,但已經可以肯定,回報喺穩定、可观!
到 2020 年頭,債市開始回升,呢次我可能会玩玩新意思,不過就仲未敲定。正如上一節我都提過,同銀行持續合作,
喺会衍生出一啲商机,就好似 2017 年中至 2019 年底,美元對港元轉強,港匯多次觸及 7.85 弱方兌換保證。响呢兩年半期間,我地就開咗個涉及都幾大額度嘅投资項目,但作为商业机密,唔可以公開透露,惟一可以講嘅,就喺同聯繫匯率有关,所以我地對於聯匯,都有一啲體会。
聯繫匯率其實貨幣呢味嘢,本身就極具投机性,尤其香港呢個资金可以自由出入嘅國際金融中心,大手资金流出流入,有乜咁出奇?芳間有部份財演,日日盯住港匯同拆息呢兩個数字,有乜風吹草動,就大造文章。都喺果句啦,呢啲只能夠當散文咁去睇,
散文當明燈嘅話,就真喺十条命都唔夠死。或者簡單啲講,港匯反映港幣同美元之間嘅兌換需求,而拆息就反映港幣嘅借貸需求。兩者嘅关係,可以齐上齐落,亦可以各行各路,要視乎當时嘅個別情況,唔可以一概而论。
創立聯繫匯率嘅目的,就喺要簡化呢一系列貨幣关係,将港匯守住响 7.75 至 7.85 之間,防止大量资金嘅流出流入,衝擊到本土經濟。其實,真正要動用到外匯儲備捍衛嘅,只喺得 7.85 呢個弱方兌換保證,因为要保住 7.75,發行多啲港元就得。所以美國行低息同量寬果一段長时間內,港匯推至貼近 7.75 強方兌換保證,喺有利於香港嘅貨幣,以及金融體系嘅穩定性。
年幾之前,
過氣大師响一個訪問裡面,被問到中美貿易戰,会唔会引發金融風暴果陣,提到當时香港嘅外匯儲備,
三萬億唔夠找一萬億,意思即喺話,要捍衛聯繫匯率,以當时一萬億港元嘅貨幣基礎,就需要等值 7.8 萬億港元嘅外匯儲備,咁三萬億就梗喺唔夠找啦。再睇埋另一位,
當年未過氣嘅沙皇,响 97 金融風暴後,
2001 年發表嘅一篇网誌度,話香港需要嘅外匯儲備,原來仲要高過呢個最低嘅理论水平添!
金融核彈不過咁,上萬億呢啲天文数字,恐怕都冇乜邊隻大鱷玩得起。你用個巨 SIZE 嚟震懾對手,正常情況之下,當然冇問題。但大家又唔好咁腦定住,上次我都講過,
SIZE,只喺得個大字,如果你撞正一個有
SCALE 嘅對手,就唔喺咁簡單啦!好似美國總統,
彈指之間,一毫子都唔使出,就可以釀成災難。记得預告《核彈篇》果陣,我話整個畫面,其實唔太複雜,
一個中興事件,就已經可以睇穿哂。
當时中興之所以咁危,喺因为佢嘅关鍵供应鍊,喺嚟自美國,只要供应鍊一被切斷,中興就 GAME OVER。香港嘅情況,其實都喺一樣,港幣掛勾美元,令美元成为香港金融體系嘅关鍵供应鍊,美國要搞你香港,真喺一毫子都唔使出,只要切斷呢条供应鍊,你就 GAME OVER 啦!我唔喺講笑,所謂「
核彈」,就喺指聯繫匯率。2018 年 4 月底,我响某 WHATSAPP 群內,第一次提出核彈,當时我話唔会出可以引發核彈嘅文章,喺唔想觸動不明嘅蝴蝶效应。就睇個半月前,有人提出過類似嘅言论,
搞到阿茂都唔知幾緊張。我呢份人,
唔鍾意高調,又最怕麻煩,太早發表嘅話,容乜易俾人擺上枱,到时就真喺大大鑊。
不過大家可以放心,我喺講核彈,唔喺核爆,好多國家都有核彈啦,又唔見世界未日?只喺香港呢個金融核彈,個開关掣响人地果度,你唔拆彈,遲早出事。可能你会問,美國佬,有冇咁癲?最近特佬派無人机,
炸死伊朗军官蘇萊马尼,都只喺一個莫须有,美國佬,有乜嘢做唔出?
當年小布殊出兵伊拉克,老屈人地有大殺傷力武器,咪又喺一個莫须有。所以唔好以为只喺特佬嘅問題,民主共和兩黨,一致支持貿易戰、一致通過香港人权法,主流美國人,普遍都唔妥我地中國人。無他嘅,
你要登上一哥呢個寶座,影響到美國嘅基礎利益,
就算換咗喺奥巴马,都唔会肯過你啦!
痴人說夢嘅泡湯今日美國佬唔噤呢個掣,當然唔喺俾面你香港人,只喺有好多美國企业,响呢度賺緊錢,
除咗龐大嘅貿易順差之外,仲可以响金融市場 CAP 水,呢個又喺一隻「
現在嘅基礎因素」。不過,人地今日唔郁你,唔代表他日唔会,個掣始終响人地果度。
當年我剎停個海外客,就喺因为個掣响人地度,而我又發現同佢之間「現在」嘅合作,原來跟自己一向嘅理解唔一樣。
隨著中西對決,漸趨白热化,美國,甚至美元,逐漸失去領導嘅地位,到时机成熟,人地就会毫不猶豫咁,一手拍落個掣度,殺你一個措手不及。但正如剛才我話,「現在嘅基礎因素」,
就算喺改變,都只会漸變,俾足时間你準備。可惜我地嘅政府,多做多錯、少做少錯、不做不錯,尤其喺妹仔上場之後,所謂「管治新風格」,
即喺比官僚,更官僚!
一日最衰都喺個 CY,你冇得連任,都搵個醒目啲嘅嚟接棒啦!如今修例搞到一鑊粥,
就喺因为唔夠決斷,人地行咗十步,妳都行唔夠一步。
內会停擺咗成三個月,一早将《國歌法》抽出嚟直上大会,個內会咪選得出主席囉!
反而将個产假草案繞過內会,根本就喺本末倒置,到时候乜叉草案,都要逐個抽出嚟繞過內会,搞到最後頂唔順先至抽起《國歌法》。真喺唔好話我烏鴉口,拖到临近立法会選舉,又一個修例翻版!
想當年,我話改革聯匯,以港元頂上國際貨幣嘅地位,睇嚟呢個「
痴人說夢」,应該可以攞嚟泡湯。香港市民,咁樣對自己嘅祖國,阿爺仲點会再指擬你?但家陣要拆呢個金融核彈,似乎已經由「痴人說夢」,變成燃眉之急,要指望個咁官僚嘅政府,应該冇乜希望,我地香港市民,惟有食自己啦!
CHOOSE YOUR SIDE咁即喺點?CHOOSE YOUR SIDE 囉!呢個就喺我 2020 年俾大家嘅
新年錦囊。其實自 2015 年起到依家咁多年以嚟,我响好多篇文章裡面,
都多少提及過呢個錦囊。總之,對中國人而言,任何同美國,以及美國盟友有关係嘅投资、生意,甚至喺交流,以及一切瓜葛,都已經變成極高風險。我唔喺講笑,就算你移民咗去美國,成为正式嘅美國公民,只要你喺中國血統,人地都唔会當你美國人。
正如華裔科學家,接觸到一啲科技,就算只喺为咗學術或者技術需要,唔喺乜嘢間諜,都可能会惹上官非,但如果喺一個鬼佬,做同一樣嘢呢,又唔会有事喎!
雖然好無奈,但呢個喺現實,華人移民到美國,以及美國嘅盟友國家,都只会俾人當做二等公民。以前澳洲、加拿大,喺華人嘅移民天堂,如今美國要打壓華为,第一时間舉手附和嘅,就喺呢兩個國家,真喺諷刺!响果邊生活嘅中國人,包括香港人,唔会有运行,人地最終都会排斥你。世界上每一個國家,都要被迫 CHOOSE THEIR SIDE,
就睇杜魯多,竟然斗膽話,如果美國冇搞中东,烏克蘭客机裡面果 57 個加拿大人就唔会死。唉!算吧啦!你可以點?放咗孟晚舟囉,你敢咩?美國,FRIEND 嚟嘛!
講開華为,上星期六,我正式由 iPhone 6 Plus,轉咗用華为
Mate 30 Pro。呢部新手机對我嚟講,意義重大,除咗因为佢喺華为最新嘅旗艦型號之外,仲喺美國打壓華为之下,受影響嘅第一部手机,唔 SUPPORT GOOGLE,而我亦寧願唔要 GOOGLE,都唔会好似一啲人咁,用旁门左道夾硬裝返上去。雖然愛國愛港人士,唔一定要用呢部手机,但用得呢部手机嘅香港人,唔会喺黄黑之徒。有朋友甚至叫我小心啲,唔好咁招搖,當心俾黑衣人打喎!哈哈!邊有咁誇?
其實你用乜嘢手机,唔緊要,但就一定要 CHOOSE YOUR SIDE。
十郎兄話,走为上着,我想問,你走得去邊?留返响香港,阿爺会照住你,唔喺嘅,返內地又得,
YOU ARE WELCOME!講真,做香港人,都算好幸福啦!但如果你喺要揀忘本嘅,都喺果句,
唔会有好下場,去到天涯海角,
都只会喺二等公民,仲要去唔到澳门,返唔到內地,即喺話留响香港,都一樣喺二等公民!
结語各位,我已經警告過好多次,唔好話我冇預先通知。「
核彈」唔喺最恐怖,就算呢個官僚政府,做唔到啲乜嘢,大家都仲有足夠时間準備,以及調節自己嘅投资。CHOSEN THE WRONG SIDE,先至喺最恐怖,天下兩分之局,已經成形,站錯邊嘅話,就真喺十条命都唔夠死!
話时話,呢個系列嘅主題,
都真喺幾衰,我唔鍾意正月流流写衰嘢,所以一定要响過年之前,趕起呢篇文章。《
十条命都唔夠死》系列,終於正式完结。
结語(地产网)
呢段附加结語,喺为地产网嘅朋友同网友而写,《核彈篇》嘅原文,今日較早时候已經發表,我思考咗一陣子,決定都喺抄一份响呢邊。我做人,唔鍾意冇頭冇尾,既然《十条命都唔夠死》系列,源於《缘结.天玑》嘅回应箱,自然就应該終於呢個回应箱。其實好想同大家講,我早响三個月前,就已經轉咗去另一個平台發文,但鑒於寧人負我,莫我負人嘅原則,我响果邊嘅《序》一文裡面承諾過,写响地产网嘅回应或文章,唔会連结去果邊,而我亦唔会响呢邊,提及关於果邊嘅一切。
但原來,响《缘结.天玑》嘅尾段,我早就已經应承過,将來有任何動態,例如唔知去邊處再写嘢嘅話,我会預先响呢度通知大家。我想同各位鄭重道歉,为咗原則,我忘记咗自己嘅承諾。所以今日呢篇文章,会喺一個例外,依家正式通知大家,我已經轉咗去【頭条网 BlogCity】呢個平台發文。不過,我都会間中返嚟睇睇,或者偶然回应一下,但唔会再响地产网写文章。
「前後七年光景,彷彿喺轉眼之間 ...」 我会永遠懷念呢個地方 ...
預祝大家鼠年,身體健康,心想事成!
各位再見!
BLEACH 死神:Here to Stay(織姬之离別)