地产论坛
登入名称
密码
页数:
反占中(21)黄金的旋律
浏览人次:75391    回应:59

反占中(21)黄金的旋律

 

汤文亮博士

纪惠集团行政总裁
2014年8月19日

  上一个星期我接受香港电台普通话台访问,当然是讲地产,第二日,主持人Apps给我,说我的访问成为当日收听龙虎榜第五位,主持人当然开心,因为除了第六位是中文歌曲龙虎榜之外,普通话台的节目亦很少上榜,我亦都很开心,不过,我有小小奇怪,点解唔见咗伍家廉的「黄金的旋律」,我问电台人士,知道伍家廉去了大班的D100,那个是数码电台,我都唔知道怎样可以收听,老实说,「黄金的旋律」与我同步成长,伍家廉主持及拣歌的功力的确深厚,昨日我睇报纸才知道,伍家廉因为做反占中的「跑步上中环」司仪被大班解雇,今次,我觉得大班太鲁莽,他虽然说D100不是一份工,而是一个理念,将理念不同者解雇是理所当然的事,大班除了鲁莽之外,实在太混帐,我从来没有听过一个传媒机构是一个理念,不能容纳不同意见,不同声音,连在香港电台打工的人,都能够发表不同声音,大班今次这样做,一定会给政府或者建制派的人反击,我又唔相信大班唔察觉得到,说到底大班做传媒做了几十年,经常将政府批评到体无完肤,甚至自封为十点前特首,不过,当有不同意见的声音打电话到电台,大班一听,觉得不妥便会收线,再加多一句说话“都唔知佢噏乜”,由此可见,伍家廉被炒,其实是有迹可寻。

  我写报章,杂志,网站,从来没有编辑要求我怎样写,2009年我为I-money写地产专栏,当时的专家,尤其是测量师已经认定楼市会大跌,我并不认同,并且与他们笔战,可能得罪了某些人,他们向总编辑投诉,总编辑打电话给我,要求我赞同他们的说法,我只是回答了一句话“乜唔系言论自由”,总编辑连番称是,至今我并没有收到任何电话,报纸更不用说,连别字都不会修改,因为我曾经对社长说,有乜所谓,王羲之「兰亭集序」一样别字多箩箩,王羲之后来才作出修改,总之,香港媒体不会因为理念不同而炒人,更加不会摆明车马说出来,最多将该人投闲置散,今次大班因不同理念而炒伍家廉,与筛选的泛民公投有异曲同工的意思,反对政府筛选特首而泛民又筛选公投方案,不但没有说服力,更加给别人话柄,大班无理由唔知道。不过,事情又未必如我所推测,或者因为泛民金主曝光,D100经营困难,伍家廉又是高薪人士,趁此机会将伍家廉开刀,实在没有政治目的,削减开支而已。

反占中(21)黄金的旋律
1. 望东楼
2014-08-19 09:39

from the web

争取民主空口讲白话

「白色恐怖」、「政治打压」,今次的主角又系泛民边一个呀?

咦,伍家廉?乜佢唔系D100既音乐节目主持人咩?政治关佢咩事呀?

啊,冇嘢既,只系伍家廉寻日为「8.17和平普选大游行」担任司仪后,

「D100」就即时送左碟豉椒炒鱿畀伍家廉叹之嘛。

原因?咪就系政治理由罗。
 「D100」既创办人咪就系前民主派立法会议员郑经翰罗,据报道话,伍家廉接个JOB做嗰时,郑经翰话明唔干涉、采开放自由态度尊重伍家廉,点知寻日就突然话反占中游行「唔公义」,要炒左伍家廉喎。

哗,因为政治立场唔同而炒咗旗下员工,咁仲唔系「政治打压」?

点解个老板仲讲到好似大义凛然咁,话所有节目主持人必须认同D100行公义既立场既?

乜喺呢件事上,「唔公义」既唔系D100咩?伍家廉呢个CASE,又系咪应该叫做「畀人灭声」呢?

相信大家仲记得,早排有个网媒执笠,同埋前商台主持李慧玲畀人炒既时候,佢地都大声疾呼「政治打压」,虽然空口讲白话咋,事后亦得到泛民金主报章、唔少议员同组织既支持,相比之下,今次D100讲到明因政治理由炒左伍家廉后,呢批人好似完全无报道、完全无出声咁嘅?
 民主,最基本就系开放同包容,容纳其他人既声音,但一个连民主素养都冇既网台,又点样自称可以帮香港争取民主呢?

某啲议员、某啲组织同某啲报章,今次既行为,亦好似话紧畀香港人知,「公义」两个字只系适用於泛民身上架咋;至於持其他立场既市民?SORRY罗,公道同公义,你哋自己去争取把啦!

2. 蜕变中嘅懒人
2014-08-19 10:00
大班何许人也,咁蠢到极嘅事都会做?忍一阵迟啲揾个藉口去移动伍家X系基本步,咁系代表后台老细俾反占中大好形势搞到抑郁症爆发,好似嗰个尼汉斩继母,失晒章法,老细有命伍家X唔即走,即时断水断粮,就历史重演,大班如何是好。理念?佛谒而己!
3. 大班唔喺善男信女
2014-08-19 10:46

小心哦,你同大班瞎聊佢随时将所有对话内容录音留档日后慢慢用。

4. 珍惜香港
2014-08-19 10:55
珍惜香港

今日又可以懒啲,抄番寻日篇嘢出嚟啦!

反占中运动,终於告一段落。我曾经问过各位,经过今次呢个运动之后,体会咗几多嘢?

我见到嘅,就喺一系列所谓民主嘅真面目。有人慨叹,民主已死;我就话,民主,本来就喺虚;所谓,菩提本无树,既然无生过,又何来会死?

每年七一游行,都喺用嚟表达对政府各种各样嘅素求,亦冇乜既定嘅主题,好多香港人,年年都喺咁去行。不过唔知点解,今年去游行嘅人,个个都俾啲泛民骑劫哂,话佢地全部都喺支持公民提名,甚至全部都支持哂占中添!哗!本来我自己都有闪过一丝冲动,想走去行一行,反对一下庸梁消极施政嘅,好彩冇去啫!所以点解我话,香港人,真喺唔应该再去七一游行啦;不过我咁讲,又俾人话我叫人唔好游行,冇资格用珍惜呢个名喎!唉!我又唔喺叫人乜游行都唔好去,只喺叫人唔好去埋哂啲好似七一果种冇既定主题嘅游行啫,真喺!

不过,反占中游行,主题就好清晰,只喺得「保普选、反占中」呢样嘢,完全冇夹杂其他主题。如果咁,都仲要俾人话冇代表性,都仲要俾人话啲游行人仕,唔知行嚟为咗啲乜嘅话,果个冇既定主题嘅七一游行,唔知又算喺乜嘢?又喺嘅,呢啲,咪叫做民主罗!

你搞出个八十万有找嘅网上笃手指,就讲到自己天下无敌;依家人地成就百多万用脚行出嚟嘅签名,就话人地冇代表性。嗱!呢啲,咪又叫做民主罗!

话说,前日伍家廉因为走去做咗反占中游行嘅司仪,就俾郑大班炒咗;大班话,主持人要认同电台嘅理念喎!咦?伍兄主持嘅,只喺音乐节目啫,佢嘅取向,同个节目有冲突咩?如果调番转,有传媒人仕,因为参与占中活动,俾人炒咗,唔知郑大班又会唔会开哂大咪咁,大吵大闹话人地打压言论自由,白色恐怖呢?哦!乜原来大班认为,传媒,都喺要有取向嘅!咁就唔好大大声咁闹其他传媒,话佢地喺乜嘢官方喉舌啦!

民主,原来都喺有取向嘅!总之,啱嘴形,就喺 GOOD,唔啱嘴形嘅,你就喺 BAD;顺我者生,逆我者亡嘛!人数?重要咩?依家好多传媒,都已经变哂做泛民嘅喉舌,就套用揸住民主旗帜啲人咁话,香港,已经进入咗白色恐怖嘅年代啦!其实,你同我都可以搞个唔知乜党出嚟,只要个党名有「民主」呢两个字嘅话,咁你就做乜都得。民主嘛!公义嘛!使鬼理法律咩?「和平」占你屋企都得架!

响呢度,有两位留言者,睇得通,同江湖隐士,好努力咁鼓吹各位中产人仕,去组织一个中产议政联盟。虽然我曾经泼过佢地冷水话,从政,喺一条不归路,又话,中产,仲有几团结,但其实我心底里面,喺好敬佩佢地,因为呢个世界,有心人,真喺好难得!我谂佢地应该将个党名,改为「中产民主联盟」,因为有「民主」呢两个字,喺会好 SELL 啲嘅!

所以,中国要发展民主,其实都好简单。话说,中共内部有两个权力集团,互相制衡,轮流钦点领导班子。就不如咁啦,将其中一个集团,取名叫「中国民主党」,另一个集团,取名叫「中国共和党」;五年一次,两党各推一个候选人,一人一票选中国总统。反正中国都唔再行共产主义啦,中国共产党,就从此消失罗!化解埋啲人嘅历史心魔之余,仲有「美国标准」嘅民主喎!唔知我呢个建议,阿爷点睇?

都喺果句,民主?虚名而已!
5. 亮剑
2014-08-19 11:45

上一个星期我接受香港电台普通话台访问,当然是讲地产------

请问汤博士於那天及那时直播?我希望翻听!

6. 范大夫
2014-08-19 12:06
to 亮剑

http://programme.rthk.org.hk/channel/radio/programme.php?name=pth/ezone&d=2014-08-12&p=795&e=273643&m=episode


7. 反占中, 更反对游行派钱
2014-08-19 12:11
我本身反对占中, 本来周融搅反占中签名有成120万个签名已经非常成功, 可惜他犯了中国人之恶习, 即是好大喜功, 来一个大游行, 今次真系输得好肉酸 :
1. 事前话有20万人游行, 实际有几多大家心中有数
2. 将班公公婆婆系维园暴晒, 真无阴公
3. 派钱, 河源认左就话取消200人人数(咁都得?) 青年会唔认就话人移花接木告有线, 点解唔报警拉果个假冒青年会者 ? 真系比人此地无银既感觉
4. 大批大陆人来游行, 如果他们有收钱即是黑工, 入境处要做野。

我是一个商人, 本来不谈政治, 但今次我见到好多歪理说成真理
8. 啦啦队
2014-08-19 12:30
老TOM做咩甘快又出文,你之前个片系咪比人笑到面都黄
9. Ignore 啦啦队
2014-08-19 12:31
肥佬黎的废青
10. 派钱?
2014-08-19 12:38
可能时肥佬找临记做新闻
果张报纸做新闻,喺人都知
仲搵埋D 废物做啦啦队
11. 派钱?
2014-08-19 12:39
 派钱? 2014-08-19 12:38:32
可能肥佬找临记做新闻
果张报纸做新闻,喺人都知
仲搵埋D 废物做啦啦队
12. A货啦啦队
2014-08-19 12:50


汪 汪 汪  汪 汪 汪

13. 元朗人
2014-08-19 13:10
政改民意行到今日,令泛民知道沈默港人是会发声的。亚爷亦知道支持占中不是大多数港人意愿。

我厌恶泛民捆绑式手法去表达政改意见,如果将来泛民做到特首,比CY更吓人,宣布港独都有可能。
14. 元朗人
2014-08-19 13:10
政改民意行到今日,令泛民知道沈默港人是会发声的。亚爷亦知道支持占中不是大多数港人意愿。

我厌恶泛民捆绑式手法去表达政改意见,如果将来泛民做到特首,比CY更吓人,宣布港独都有可能。
15. 李金华
2014-08-19 13:11

威逼利诱去游行喺事实,地盘老板叫我地一定要去,星期日当2工计,唔去唔得......

16. To: 啦啦队
2014-08-19 13:20
Ha!! Ha!!! Ha!!! Haa!!!!!
17. xx
2014-08-19 13:25
如果将来泛民做到特首, they will send all people with different opinion from them to jail for the whole life or even kill them immediately. This is the so-call 泛民's way of handling matter.
18. 今年的我打倒昨天的我
2014-08-19 13:50

周融称无指控有线报道造假

http://cablenews.i-cable.com/webapps/news_video/index.php?news_id=439564

保普选反占中大联盟召集人周融说,《有线新闻》日前报道被指移花接木只是引述香港青年会批评,并指无说《有线新闻》「造假」。

仲话派钱既只系小数人同19万游行人数相比冇问题, 香港人既道德观念在哪里 ?
19. 啦啦队
2014-08-19 14:20
https://www.youtube.com/embed/40ntEt0Tqis?html5=1

嘉实,刘梦熊,都睇唔过睇,老TOM又点解释
20. 代理仔
2014-08-19 14:25

To:4楼

比100个赞你,你应该讲出好多无政治立场人仕心声。

我反占中,反泛民民粹理念,反梁振英民粹治港破坏自由经济,反"爱"字头班盲毛。

於现时香港政治环境,我地呢类会比人叫"两面不是人"

页数:
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

声 明

所有议题/文章由其作者提供,大部份回应/留言是即时上载,少部份未注册为会员的回应/留言会经我们的系统过滤,所有议题/文章/回应/ 留言/资讯及评论并不代表地产资讯网(Property.hk)立场和观点。由於本【地产论坛】受到「即时上载留言」运作方式所规限,故不能完全监察 所有留言,若读者及用户发现有留言出现问题,欢迎以留言或电邮方式与我们联络(admin@property.hk),我们有权删除/堵截任何留言 (删除/堵截留言前不会作事先警告及通知), 如有任何争议,本网站管理员拥有最终的诠释权 。