|
21.
自我陶醉 |
| 2014-08-15 08:39 |
|
Oscar 兄，
我都有啲修訂， 不知你認为如何？
1，如果是第一間屋，供得起又输得起， 仲有份穩定嘅工就唔怕买
2，楼价短期有起跌，但長期就唔会跌， 只要有心理準備依家买可能要捱价三五七年， 不過提提大家， 97摸頂入市嘅人， 例如愉景新城， 要等十七年， 依家先打和， 只係蝕通脹啫， 所以一定要有心理準備
3，一早卖咗自住楼嘅人係不是太聰明的， 但升咗四五成在超高价再追入可能会更笨。
|
|
|
|
引刀兄…… 其實呢度一路主流意見主要係3點 1，供得起就唔怕买……在香港如果你成家夾埋都只能揾万零，那麼你一係努力上進賺多D，否則叠埋心水等公屋；又要是你揾万幾到幾万，咁今年年尾有新居屋發售；上述兩堆人，我近呢年零已無叫佢哋進入私楼市場。
2，楼价唔会跌，或有排先跌……短期楼市有起有落，有如潮汐漲退，希望大家以平常心待之，但中長期來睇，銀纸会貶值係常態。
3，卖咗自住楼嘅人係傻瓜……我的观點係自住楼集合自用、保值、抗通漲等用途，如非必要盡量唔好搅呢D高難度动作。當然如果你的投资技巧有巴菲特咁嘅级数，係例外！
所以好容易混淆并綜合出一種睇法：“依傢入市喇！”…………現在租緊楼的人，要是租约就來到期，会面對十字路口的決定，我亮劍真係鄧佢哋難過！
|
|
|
23.
Oscar Lam |
|
| 2014-08-15 11:52 |
|
21/f 自醉兄，
Your theory is interesting, but reasonable。哈哈！
|
|
|
24.
to 14/f |
| 2014-08-15 17:00 |
|
又有人on9鳥...我深信楼市冧基層未必死,死嗰班一定係楼市大好友! 楼市好香港未必好,楼市差你班好友一定福佳!
放長雙眼睇!
|
|
|
25.
蜕变中嘅懒人 |
| 2014-08-15 18:52 |
|
懶人覺得係度咁落力唱楼市冧嘅兄台们，好似一羣剛學識啼嘅幼稚午夜雄雞，以为愈大声、愈落力叫，太陽就一定会、而且快啲從东方昇起，當东方好似出現一啲微弱鱼肚白光，就興奮莫明，以为自己對雞眼洞察将來会發生嘅事，鬆毛鬆翼，昻首濶步，顧盼自豪，天真幼稚得嚟可笑又可愛。
楼市週期起跌因应經際環境有理有序，就如太陽亦依其規律循環，日出日落並不会因一羣儍雞嘅幼稚舉動而稍受影響，枉作小雞而己。
或許落力唱楼市冧嘅，選本网站日夜呐喊，係因为本网站网友多数斯文有禮，唔多理佢哋咁就覺得有少少英雄感，自我慰藉一番，可能呢班兄台们唔敢嚟出名英雄地嘅高燈讨论网放肆、或者已經俾嗰度啲英雄用三字經、千字文炳到失暈、驚魂甫定爬過嚟落腳，以为可以喺度嚇鬼，挽回啲脆弱嘅自信，懶人靜靜話你知，本网站网友個個投资經验豐富、身經百戰、外表斯斯文文，無懼殺氣騰騰，根本當你哋absent無嚟過。
仲有啲野想唔講都講埋俾落力唱楼市冧嘅兄台知，本网站网友個個睇楼市起跌都心中有数，點会要你哋班剛學識啼嘅幼稚午夜雄雞嘥咁多时間日夜喔喔啼醒，悶声發大財嘅道理係儲定錢等跌市掃平貨，唔会咁張揚，你班儍雞其實唔係咒緊本网站网友，而係祝福緊人哋執平貨呀儍雞。
想唱楼市冧嘅兄台们，你哋嘅毒咒係想害比你哋好一啲，剛啱死慳死抵搏盡上咗车個班等唔到跌市嘅人，佢哋曾經係你哋嘅戰友，稍为意見有啲分岐啫，你哋就日咒夜咒想老友死，同你哋做戰友真係要搭飛机，唔係马航都唔上机，講真、其實你哋班舊戰友俾你哋咒死晒，你哋都無得益架啦，就算平過03沙士价你哋都係無錢买，咪盞益咗本网站网友悶声發大財，到时激到兄台们撞頭埋牆就無謂啦。忠告報告係咁多！
|
|
|
26.
引刀一快 |
|
| 2014-08-15 19:10 |
|
To 20楼 Oscar Lam 兄，21楼自我陶醉兄，22楼 亮劍兄
睇晒三位補充之後，完善了好淡兩方對現階段楼市嘅睇法，我嘅綜結略嫌簡單了。
|
|
|
27.
引刀一快 |
|
| 2014-08-15 19:12 |
|
|
|
|
|
|
29.
引刀一快 |
|
| 2014-08-15 19:59 |
|
|
|
30.
引刀一快 |
|
| 2014-08-15 20:00 |
|
|
|
31.
蜕变中嘅懒人 |
| 2014-08-15 20:53 |
|
TO 30楼 引刀一快兄懶人貼錯咗再貼過，令引兄誤会在此先致歉，其實俾個沙煲懶人做胆都唔夠胆咁樣批評兩位兄台，何况懶人时常覺得兩位嘅意見好值得参考，其實睇淡睇好都有道理，但係用文字暴力，以無禮粗言穢語侮辱人嘅啦啦隊班人就唔係咁啱，忠告吓啲無知雄雞啫。
|
|
|
|
我也是受害者,早前约1月份，有地产發展商給我來電，說有意收購本人物业，我當时覺得比正价多35%，我很满意接受，而且經理已收集了约65%同意，但我問他如果楼价向上，其他业主一定不卖，他說不会因为价已很好，但到今個月這名經理同我說,有一半业主不聽電話，剩下其他的要再加10%以上才签名。本人其實卖或不卖無所謂,价合理便可，但很多人很貪心，單位明明值$700萬,要人$1400萬,根本無利可圖，所以楼价太高令很多人看得自己好高.
|
|
App下载
