地产论坛
登入名称
密码
页数:
21. 福建大學研究生(農业系)
2014-08-08 17:03

 陸东矛盾

楼市兩年跌五成嘅預測,係基於失业率、利率一併上升,加埋金管局按揭成数限制持續,跌三、四成真係唔難。」

你要喺香港搵食、交稅,但又冇物业,就等於沽空香港。當香港係屋企,就一定要盡快有自置物业......

楼市兩年跌三、四成,但上车就要快??

22. 大寶二寶
2014-08-08 17:06
回19 亮劍兄

对呀。其實我只係報市場嘅消息,楼市升跌豈係你我可以控制或嗌到?

班九官愈出招楼价愈升, 因佢地已走錯方向。 唯有一招可令楼市即沉, 不過呢招一出, 香港也必死無夷............

共勉之, 哈哈!
23. 如風
2014-08-08 17:13

上咗小小姐,好快会跌翻落118。

低調D,唔好落井下石。

24. 福建大學研究生(農业系)
2014-08-08 17:20

楼价升,但慘在d人食得起,在嚴謹的銀行壓力測試下又借到錢,你冇佢乎,政府也冇野可做

香港有好多高級餐廳价格真的不菲,但慘在大把人去食(大把人排隊),你情我願你吹佢唔漲,人地食得起冇人会出声

25. 蜕变中嘅懒人
2014-08-08 18:13
楼价連新界西楼仔都升到呎价10000蚊,簡直离譜。
只要懶人一出招,呎价即时下跌3成,辦法係:
只准用建築呎价開單。
26. 維廉
2014-08-08 19:09
要楼价唔升有幾難啫,規定所有新买卖,楼价唔可以貴過對上一次嘅卖价,楼价马上剎停。當然其他数就要枱底俾嘞。
27. 引刀一快
2014-08-08 19:19
其實楼价升唔升都冇所謂,就係怕有日急跌深跌啫。

28. 珍惜香港
2014-08-08 23:59
珍惜香港TO:16/F 东

东兄睇咗我寻日果篇嘢

貨幣呢個 TOPIC,好技術性,我唔喺呢方面嘅專才,所以只会講慨念。另一邊有人 POST 咗太陽報篇評论出嚟,全文可以 CLICK 呢度睇

俄羅斯企业将美金兌換成港元,存放响香港嘅銀行體系裡面,如果負面咁睇,喺会對銀行體系造成壓力,因为利息幾低,都喺要俾架!所以銀行就要为呢啲资金寻找出路,即喺話,要借多啲錢出去囉!競爭之下,香港嘅利率就会再被壓低,間接加劇通脹。呢個效果,就有如 QE 一樣,因为响聯匯之下,金管局接收咗大量美元,同时發行咗大量港元。

如果啲资金只喺暫时停留,短期內就会被轉走嘅話,咁對香港就唔会有太大影響。因为到轉走果陣,個過程就会掉番轉頭,到时港元会被金管局收番。我用光速嚟比喻呢個机制,喺因为聯匯發行同回收港元,效率喺非常之高,先至可以無时無刻咁,封得住港元匯价响指定嘅範围之內。

但啲资金如果喺長期停留嘅話,利率就会有下調壓力,通脹亦会加劇。咁啲驅蝗廢青,遲下就可能唔再去驅啲內地人,而走哂去驅啲俄羅斯人啦!(講笑啫!)

錢,點会嫌多?我寻日都話持有一隻貨幣,其實就等於變相對果隻貨幣嘅發行地,作出咗投资。金管局增持美元,當然可以通過投资獲利;俄羅斯人 HOLD 咁多港元响度,又一定会做啲嘢喎!開設分公司就唔在講啦,请人出糧又喺出港幣,响香港洗錢,又喺港幣,如果搵到以港元为基礎嘅長遠投资机会,WHY NOT?呢啲,咪叫做雙贏囉!

所以呢件事本身,一定喺好事,而引發嘅意義,亦好重大。如果香港啲財金官员夠醒嘅話,就应該採取相应嘅措施,为啲俄羅斯企业,提供以港元为基礎嘅國際性交易方案,同誘發佢地响香港作更大同更長遠嘅投资

美國佬趕啲客過嚟,我地梗喺要諗點樣 HOLD 住啲客啦!
29. 引刀一快
2014-08-09 00:03
会唔会係跳板呀?
30. 蜕变中嘅懒人
2014-08-09 07:06
懶人雖然經濟理论屎到極,但係可以當人之常情咁諗,斷估無辛苦,中俄关係好估唔到会令香港直接得益,鳥克蘭地緣政爭、引發歐美制裁俄國竟間接令香港得益,俄國资金避險,照理首選必然係背靠中國嘅香港,唔会以新加玻为先,理由係香港资金進出自由,而中俄关係好,中國唔会受美國指揮,令俄國富豪更有安全感,而且以投资角度睇,中港有好多選擇同机会,反之,新加玻同美國係军事聯盟关係,美國佬做事以自利为主,無所不用其極,歐盟都係無奈地跟隨,萬一事態悪化,美國佬蠻起上嚟,以戰略利益理由要凍結埋喺新加玻嘅俄國资金豈不是大煲飯,我諗俄國富豪同專家識點做。

推而廣之,以後逢係美國想制裁嘅國家,例如伊朗咁,啲资金當晒香港做保險箱都有可能,香港政府真係要勤力啲喺嘅方面諗諗,等呢類龐大资金落地生根,益埋內地,無啦啦又突顯咗香港對袓國嘅重要性,香港係福地唔到你唔信。

可能俄國佬見到香港班佔中集團一敗塗地,英美势力在港起不了作用,因而對中、港政治穩定更具信心,全港中产及所有支持反佔中人仕应记一功,出力为反佔中人仕抽吓水先,CY,唔得淨係你先至係抽水專家,不過你应該識做啦!

睇嚟烏克蘭呢單濕滯野唔係一时三刻搅得掂,俄资金应該唔会咁快班師回朝,揾投资出路势在必行,金股滙楼都有可能得益,中、高价物业同商业楼有运行,年尾口水戰CCL想低過118就難咯,懶人喺窗口扯定白旗,输硬了!
31. 亮劍
2014-08-09 08:44
香港呢幾個星期因受俄资進駐关係而水浸, 情況有如上世纪國共內戰、文化大革命、越南赤化、印尼排華等一樣,香港要麼成为资金聚實盘;要麼成为人材或人力收容港;喺度大發「災難財」!
俄國富豪並非儍瓜,他们肯定会因应国际时局發展,而将他们的资金作出合理安排。
香港作为一個重要金融中心,资金進出限制非常寬鬆,而且背靠有政經影響力的祖國,大型俄资企业唔将部份家當放喺香港分散風險,根本講唔通。
要是呢D俄资的進駐,唔係一时权宜之计,而是長遠资产調配,咁香港政府就唔好十下十下,最少要作出比較長遠的部署。
這次新地夠姜開宇宙价卖山頂屋仔,劍指可能並非大陸同胞,而是俄羅斯超級富豪喎。
32. 回 懒人老師
2014-08-09 08:49



我都有留意最近俄企在香港股票的表現,嗰D俄鋁00486、嘉能可0080500327...,表現跑输大市。


33. 亮劍
2014-08-09 08:54
蜕变中嘅懒人 ……
貼完篇嘢先發覺,原來兄台所見與我大同小異,小弟呢次真係獻醜。
真的想同你把酒论政經呀!
你好似仲爭我一餐喎……

34. Oscar Lam
2014-08-09 09:09
除非港府有實質的行動吸引俄资在港進行實質投资,如開公司、做生意、上市融资等,不然的話,俄资很可能是由於政治原因短暫停留在香港,當政治穩定後便会离開。

大家試想想看港府有做過甚麼去吸引外资投资香港?雙辣招簡直是趕客,更不要說吸引外资!
35. 珍惜香港
2014-08-09 11:12
珍惜香港TO:30/F 蜕变中嘅懒人、31/F、33/F 亮劍

我都只喺話以港元为基礎嘅長遠投资啫,唔使写到咁明喺磚頭架?哈哈!希望庸梁班子唔会咁傻加辣趕客啦,最好就梗喺減辣,如果怕俾人話影響民生,咪针對住超級豪宅減辣先囉!

咁餐飯,有冇我份先?
36. 亮劍
2014-08-09 11:32
珍惜香港兄……
我叫咗法子约銳變兄,希望佢賞面參加啦。
如果銳變兄答应出席,点会唔預埋你呀,哈哈……
37. 蜕变中嘅懒人
2014-08-10 21:33
TO 33楼 亮劍兄
懶人老婆生日,呢兩日同同事一齐狂歡,今晚返來先發覺到兄台留言要同懶人把酒论政,嚇咗一跳,懶人自問把酒有餘、论政不足,皆因學術底子差,口才唔掂,花甲宅男不修邊幅,不善应酬,懶刨资料乜都靠估,自怕失禮有負兄台所望,但有机会同前輩聚会確係賞心樂事,如能有幸與本网站前輩高人如之前一起聚首一堂,懶人就有勇氣敬陪末座,聆聽前輩面授机宜,而亮劍兄又有對手高談暢论,不亦樂乎,敬请亮劍兄諗諗。
38. 華为租都匯20伙 近年最大宗
2014-08-11 06:50

華为租都匯20伙 近年最大宗
辣招打擊买楼 中资轉买为租

【明報專讯】政府推出辣招壓抑外资購买住宅,有中资財團轉投租赁市場,本報發現,据土地注册處资料顯示,老牌發展商裕泰興旗下的太子道西單幢新楼都匯,獲中國大型電讯网絡供应商華为技術,一口氣租用约20個單位,约涉整個楼盘的三分之一,平均月租为2.2萬元,實呎租逾30元,總月租達44萬元,租期共4年,包括兩年死约及兩年生约期,为近年中资承租新盘最大宗個案。有业界指出,隨中资机構積極在港擴展业务,預料企业租用住宅作员工宿舍将有增無減。

由昔日老牌上海澡堂浴德池拆卸後重建而成的都匯,最新录得財團大手租入20個住宅單位,约佔整幢單位總数逾三成,新租客是華为技術投资(母公司是華为技術),其中10個單位租期由今年8月起,另外10個單位租期則由今年10月起,兩份租约均是兩年死约,其後兩年为生约。

平均月租2.2萬 租期4年

裕泰興董事總經理羅守耀接受查詢时指出,該租客首批先承租20伙,平均月租为2.2萬元,實用呎租逾30元水平;是次未因大手成交而提供優惠租金,只按租客要求为該批單位作內部輕微改動,以及配置電器等。

他指除上述20伙外,該租客另再預留数伙,料整項租赁成交将涉逾20伙;以平均月租计算,估计總金額约50萬元。羅氏称該盘亦有另一知名企业客落實租用10伙,惟未有進一步透露詳情。

對於有中资大手租用住宅單位,羅氏指中资机構過去在港購入全幢住宅,作员工宿舍之餘同时亦作長線投资,但絕少大手租用物业,現时大手承租,相信因近年本港楼价太高,加上政府针對外地客推出买家印花稅及雙倍印花稅等,令中资財團买楼成本增加,因而轉租。

3年前以實呎1.67萬元開售

资料顯示,都匯曾於2011年底以平均建築呎价12,716元推售,入場單位實用呎价为16,787元,定价媲美當年奥运站大型屋苑,結果無人問津。發展商及後把物业轉作全幢收租。現时以當日推售呎价计算,估计發展商可享租金回報率约2.3厘。

中资租楼作宿舍 料有增無減

高力國際住宅买卖部行政董事潘偉基称,中资机構除購买單位作员工宿舍外,個別中资机構亦有在港租用西九龙一帶屋苑單位供海外僱员住宿,以方便他们在環球貿易廣場(ICC)上班,單位每月租金介乎2萬至4萬元不等。近月住宅租金明顯回升,部分海外企业已漸轉为承租細單位,但暫未見租用旺角区一帶物业,不過隨中资机構積極在港擴展业务,預料企业租用住宅作员工宿舍将有增無減。

明報记者 劉詠怡

39.
2014-08-11 11:02
to 楼上幾位

每日睇博士的文章同大家的留言, 真係令我獲益良多~~~
页数:
我要回应
我的称呼
回应 / 意見
验証文字
 
回应 / 留言規則
  1. 禁止撰写粗言穢語、誹謗、渲染色情暴力或人身攻擊的言论;
  2. 禁止以名称/暱称/綽號/同音字等批評或映射任何人士、机構、公司;
  3. 禁止發布有关招聘、推销、廣告等內容;
  4. 禁止公開任何個人资料(如電話號码、電郵地址、即时通讯帳號等)。

敬请留言者自律。本网站保留删除/堵截任何留言的权利。

声 明

所有議題/文章由其作者提供,大部份回应/留言是即时上载,少部份未注册为会员的回应/留言会經我们的系統過濾,所有議題/文章/回应/ 留言/资讯及評论並不代表地产资讯网(Property.hk)立場和观點。由於本【地产论坛】受到「即时上载留言」运作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我们聯絡(admin@property.hk),我们有权删除/堵截任何留言 (删除/堵截留言前不会作事先警告及通知), 如有任何爭議,本网站管理员擁有最終的詮釋权 。