|
|
|
|
22.
蜕变中嘅懒人 |
| 2014-05-28 14:35 |
|
TO 20 肥婆四 好多謝你，希望兄台都有好消息報告。 TO 21 不明白兄 兄台唔明白唔奇，系因为你無研究過法子兄、亮劍兄、PP兄早前嘅預示爆边啓示录，不過懶人初时都唔明爆边系乜傢伙，以为系楼市全面急升，谷到楼市好似西瓜咁爆开两边，咁勁？唔信！後来忍唔住都要留言请教法子兄，先知道系讲細价楼租金先升楼价續爆升，事實上而家系靈咗，所以真系令懶人拜服三位高人，湯博士更加己經指出唔使等到7月，又中；不過讲到大价、中价楼就爆唔起並可能缩水，新盘想爆就要低市价出貨，不過點平都貴過細价二手楼上車盘好多，租同卖都供不应求下，於是爆埋一边，到今年年尾都好硬淨，兄台同意無？可以抒發吓意見。
|
|
|
23.
大寶二寶 |
| 2014-05-28 15:06 |
|
回22 懒人兄
祝賀懶兄屯門三寶大升， 雖然我冇屯門楼， 都替師兄高興。 都話細价楼呢兩年冇得输， go growth goal!
共勉之， 哈哈！
|
|
|
|
蜕变中嘅懒人----- 爆边----即等如租金或楼价喺一段中短时间内，反覆地稳步地上升。 爆升----就系喺一段短时间内以井噴式上升。 我前几日听到朋友讲，在九龙西有D百尺唔够嘅劏房，竟然可同时住三或四个男人，先先以为佢哋孖铺或瞓辘架床，原来听真啲系他们为节省租金，而玩瞓觉轮班制先真！ 每日 24小时，A就 6 – 12时睡觉，然後 B 12 – 18时揾周公，C就瞓 18 – 24时，D最正系 24 – 6时------ 其余时间大家各自开工或去老麦食嘢！ 如此負房间空置率，请問租金怎跌？
|
|
|
25.
蜕变中嘅懒人 |
| 2014-05-28 15:56 |
|
多謝大寶二寶兄，你都公布吓好消息，與网友同樂，互相鼓勵。 亮劍兄，三四个男人租一间劏房轮流用，呢種房俾个專有名词，叫做： 三人轮间房，或者叫做四人轮间房，一系索性叫做轮间房；或者避免誤会都系叫做轮瞓房好啲，掂唔掂。
|
|
|
26.
蜕变中嘅懒人 |
| 2014-05-28 16:08 |
|
亮劍兄，而家啲房名真系因用途会不斷創新，劏房个名都唔系創造咗好耐，跟住有棺材房，而家又有轮间房（轮瞓房），跟住会有乜野房名呢？
|
|
|
|
几名沙煲兄弟，包个場做洗碗，大家轮流去幹活，轮流上房休息，捱他五六年就可每人买间屋，咁先系獅子山精神，咁香港才有得救，我向四君子致敬！
|
|
|
|
|
|
29.
山高雲低 |
|
| 2014-05-28 17:33 |
|
BSD，SSD &DSD的祸害可能造成楼价暴升暴跌。超人說最快第三季出現。山高氏估计爆上的机会較大。因为超人並不急於卖楼。郭氏兄弟減价也不是真的減价。(有AVERAGE的優勢) 山高氏擔心的是到时CY如何收科?? 最可怕的是再重SSD，BSD&DSD，玉石俱焚。然則這不是港人之福。
|
|
|
|
四哥……呢D「轮间房」首先由香港的有色人種首先創造的，而根据香港打後几年市区重建步伐的推算，呢D几千银月租的劏房，真的会乾塘呀！ 到时几丁友夾租住轮间房，绝非讲笑！
|
|
|
31.
隨机应變 |
| 2014-05-28 18:53 |
|
恭喜晒懶人兄。 小弟亦都睇好細价楼 特別系200左右既，租金回報率相當可觀
|
|
|
|
|
|
33.
蜕变中嘅懒人 |
| 2014-05-28 19:19 |
|
TO 31 隨机应變兄 懶人今日好似做新郎哥，好多人恭喜，开心到極，希望网友人人辦喜事，个个开心。 兄台話亦都睇好細价楼，特別系200左右既，租金回報率相當可觀。
但系200左右既細价楼好似無乜，都几難揾，好似屯門三寶偏廦啲屋邨可能重有机会揾到，不過其他边度重有就真系好難諗到，兄台有乜好介绍？
|
|
|
34.
蜕变中嘅懒人 |
| 2014-05-28 19:27 |
|
TO 小陽 懶人知道，鍚老婆系想有幸福家庭第一守則，錫仔女系第二守則，听老婆話至有發達系家傳秘笈，懶人全部做足100分，不過得一个仔，但系無女唔知使唔使扣分。
|
|
|
|
美聯:啟德地造价勝預期突顯市区地有价有市
欄名:香港經濟
地政總署公布，大埔市地段第214號大埔白石角科研路及新九龙内地段第6541號九龙啟德地盘1H3，分別以24.12億元及25.2億元售出。美聯測量師行董事林子彬称，啟德市区地獲12份標书，反应踴躍，成交价亦高於市場預期，楼面尺价高逾6千元，突顯市区地「有价有市」，獲發展商垂青。然而，同日截標的大埔白石角地皮儘管避過流標情況，但由於区内不乏同類中密度豪宅地的供应，在發展商審慎的入標反应下，以遠低於市場預期尺价成交，日後同区的招標地皮依然備受考验。
地政總署公布剛公布招標結果，鷹君（041）以24.12億元奪得大埔白石角科研路地皮。地皮在招標前早已被市場看淡，只不過今次較市場預期的更低，以最高可建楼面將達73.09萬方尺计算，平均楼面尺价3,300元，为同区眾地皮歷年来最低，以麵粉价计，仲平過2007年天賦海灣第2期的溋玥！
白石角附近落成的楼盘過去都不是天价拍出，不過由信和置业（083）、南豐發展、嘉華國際（173）及永泰地产（369）合作發展天賦海灣，就示範點樣平买貴卖，天賦海灣第二期（溋玥）的地皮在2007年以35億成交，楼面尺价是4668元，但發展商在2012年以接近一萬元尺价發售。
|
|
|
|
鹰君以AV价3300投得白石角科研路地皮，信和好大鑊！ 但政府呢次擺明打横来，明明添富隔離呢几幅地系预你做科技園，現在轉住宅，豬孖根到無朋友……信和真是衰得好唔抵！！！
|
|
|
|
信和無情白事唔見几拾億，最多喺科研路打後果几幅地低吸報仇，但小业呢鑊先惨惨豬，本来想將層楼租俾附近做的人，但現在呢区將会大把供应，焗自住啦！ 我提議买咗添褲嘅小业主，組織関注組，揾律師睇下政府有冇漏招。 理论上，可效法長毛，提司法覆核呢😎 就算唔贏出啖气都好，一人夾几皮已足够玩殘路母西！
|
|
|
38.
隨机应變 |
| 2014-05-29 02:55 |
|
懶人兄，小弟唔敢話有好介紹，而且系呢度揚出来又要惹人非議，可以提示兄台既系該区系有荃灣旺角通宵紅Van經過 ，少大型私人屋苑，多公屋同單幢式舊洋楼。小弟一个月前都睇啱一件中低層迷你兩房190唔洗，280實尺，翻新完市值租金大约可達7300-7900。 近几日該区亦剛剛成交咗一件200w278實尺， 中層，市值租金亦可達7900左右。
|
|
|
39.
蜕变中嘅懒人 |
| 2014-05-29 11:48 |
|
多謝隨机變兄暗示位置所在，懶人諗到，嗰處的確系有200M左右嘅舊楼單位分散各處，俾啲心机真系執到高回報筍野，不過南亞裔租客应該唔少，多謝晒。
|
|
App下载
