地產論壇
登入名稱
密碼
頁數:
香港應該要求美國擱置人權法舉行公投
瀏覽人次:25292    回應:37

香港應該要求美國擱置人權法舉行公投

 

湯文亮博士

紀惠集團行政總裁
2019年12月9日

  昨日有老友從美國回來,問我們點睇美國推出「香港民主及人權法案」。點睇?我都唔知,唯有逆來順受,大家咬緊牙根過日子。老友話,香港的確沒有政治人才,任由美國推出人權法,而美國推出人權法的最大理由,就是有香港人要求。佩洛茜就醒目,知道如果唔急急腳通過人權法。只要香港人做一件事,就有機會阻止美國通過人權法。什麼事?就是舉行公投,如果超過一半投票的人不同意,美國就不可能通過人權法。老實說,美國人崇尚民主,絕對不會阻止香港人舉行公投。如果超過一半人同意,香港人亦無話可說,更加不會有議員被人話出賣香港人。現在機會消失,香港人唯有頂硬上。

  老友之言差矣,雖然現在不能為美國通過人權法舉行公投,但我們可以要求美國擱置通過人權法舉行公投。如果超過一半人贊成,美國應該尊重香港人的意願;如果不足一半香港人贊成,美國可以繼續進行,任意制裁香港人。我相信泛民議員亦不會反對,因為他們最近在區議會大勝。現在舉行公投應該十拿九穩,如果泛民不贊成,這就代表他們並不肯定大多數香港人支持美國推行人權法。所以,他們亦不敢反對,如果大多數香港人不贊成,以後他們就可以大大方方舉行慶功宴,沒有香港人夠膽話他們出賣香港。

  我相信香港舉行人權法擱置公投,最開心應該是特朗普。萬一大多數香港人要求美國擱置人權法,就算唔擱置,特朗普就有大條道理唔會制裁任何香港人。他可以集中精神與習主席討論中美貿易協議,而中國又無須反制美國,公投應該是一個三贏方案。佩洛茜與香港社運人士則除外,我知道公投這件事一定不可能做得到,我只是亂話亂說而已。

香港應該要求美國擱置人權法舉行公投
1. ND
2019-12-09 09:46
如果今次公投人權法, 下次就會公投選特首。
2. 最開心應該是特朗普
2019-12-09 10:01
話說老襯選總統都係靠選舉人票, 老美自己都不是行公投呢。
3. 十一哥
2019-12-09 10:28
跟人旋律玩…永遠被動…成世做和音、聞説馬交玩咗美商阿姨兩粒鈡…點解冇諗驚制財呢 ? 賭場最怕被執正…拉C唯加C靠哂馬交條大水喉養肥、所以香港要諗下點樣配合做好阿爺嘅大賭場、聚財在手…玩制裁就制財…

4. 聞説馬交玩咗美商阿姨兩粒鈡
2019-12-09 10:31
田不臣唔係話聞説美帝玩咗港商阿叔三粒鈡在先咩?
5. 向引刀‧土著‧自醉‧浪子說不
2019-12-09 12:10
又到了街鋪PK莫名興奮時段:每當見到『怡和街藥妝店提早逾年棄租』的新聞題材,心中必定欣喜若狂,你都有今天哪,街邊鋪俾天修!鬼叫你之前唔投資細價樓收租咩!

2019年12月9日

怡和街藥妝店提早逾年棄租

放大圖片 / 顯示原圖

社會運動持續,過去半年經常舉行遊行示威的銅鑼灣區,已有個別舖位在零售旺季聖誕節來臨前提早結業,當中以主打內地客的非大型連鎖式藥妝店最受影響,銅鑼灣區過去不足3個月共出現3間同類公司結業個案。位於銅鑼灣怡和街香港大廈地下、現時月租約50萬元的藥妝店,租約原本尚餘一年多才到期,但租客已提早離場。 據了解...


4/4
社會衝突升級,零售業遭重挫,核心商業區銅鑼灣及旺角,都出現藥房及鐘錶店在租約屆滿前結業的情況,為近年罕見。有舖位投資者認為,零售市場「有排衰」,料未來一至兩年租金需要回落三至五成,甚至冧七成也不是夢。
近月訪港旅客人數顯著減少,主要購物區內的零售商生意備受打擊。消息透露,銅鑼灣利園山道一個面積約700方呎街舖,鄰近羅素街行人專用區,由藥房自去年9月起,承租兩年租約,租期至明年9月,每月租金約38萬元。不過該舖上月底已結束營業,即租約期尚餘1年未完成。業主現時將該舖以約33萬元重新放租,租金較前低約13%。
同街兩個單號地舖,面積分別約750方呎,合共約1,500方呎,原由一間鐘錶店以每月約30萬元一併租用,租期至明年4月,惟上月底已結業,尚餘7個月合約未完成。業主重新將該兩個舖位在市場放租,意向月租約25萬元,較舊租平約17%。
此外,珠寶及金飾行林立的旺角彌敦道舖市同樣嚴峻。據土地註冊處資料,旺角彌敦道單號地舖,由本地錶行以每月35萬元承租,租約原期由2017年5月至2020年5月。不過該舖位受近社會動盪影響,於上月初已提早結業,租約期尚餘8個月未履行。該舖位面積約2,200方呎,現時以每月約30萬元放租,亦劈租約14%。
持續多個月的示威遊行,令核心區商戶對前景心灰意冷。旺角山東街一家藥房的負責人彭先生表示,十一假期時有開店營業,但沒有內地客光顧,而全日相信只是有數千元生意額,形容為近年營業額最差的一日。
他又表示,自7月份起,該舖日常生意額只餘下四成,意味著生意跌幅高達五至六成。他又估計,近年積極開店的藥房,快將「撐唔住」,估計未來會出現多宗結業個案。
舖位投資者也認為舖市或進入漫長跌勢。盛滙商舖基金管理行政總裁李根興表示,現時市況非常差,舖位租賃市場更加惡劣,不少業主需要請求租戶留低繼續營業,坦言「希望留住租客唔好走、唔好執笠。」
他又指出,目前受到最大衝擊,是開設在核心區從事遊客生意的商店,該批商店主要售賣中高檔產品、耐用品或乾貨零售類型商品等,他估計核心購物區零售商舖生意「有排衰」,預計未來一至兩年舖租,需要回落三成至五成,若舖位轉為短租,租金更將回落七成。
------

6. 真真薯片
2019-12-09 12:17
如果有得公投,晨早就公投決定送唔送中啦,洗乜搞到依家咁

反對派又好,正苦又好,建制浪好,人人都話自己有“大多數民意”支持,但係就冇人敢搞公投
7. 有得公投
2019-12-09 12:34
有都未必好架, 好似老英咁, 傻吓傻吓投脫歐, 已經兩任首相離任啦。
8. O
2019-12-09 12:59
李光耀有句話民主: 因為大部份人都係比較平庸, 所以民主選舉不可避免引致國家走向平庸。
9. 十一哥
2019-12-09 13:10
4樓   美姨係自己爆响口、田二臣就係用8婆講秘聞…比人去想象断估。

10. 比人去想象断估
2019-12-09 13:12
美姨係打份工, 港商據聞是 business owner
11. 引致國家走向平庸
2019-12-09 13:24
公投唔係投是就係投非
投是者以為自己妥協左非
投非者以為自己妥協左是
大家在扯對方後腳
治理國家是中有非非中有是, 也可以是是, 或非非, 或是是非非

12. 十一哥
2019-12-09 13:28
故事係真嘅話…就…確認+肯足…擺筹碼喺美帝果度係…送羊入虎口…插入牀板嘅自虐行為。

13. 擺筹碼喺美帝果度
2019-12-09 13:53
美帝鍾意 take control 唔 take ownership 啫
14. 鳥5
2019-12-09 17:19
法理工頭可以。。不過要包括 14億人 憲法 基本法 全中國都要遵守呢個係國際法。。。 唔好聽民主黨 老點
15. 鳥5
2019-12-09 17:21
就算你全港公投... 一律無效... 違反法律 ... 上庭都係照 判決.. 公投有效 趙判誤導 所有法律責任... 搞清楚件事先
16. 鳥5
2019-12-09 17:24
乜嘢五區公投電子宮球 全部誤導 其實一上 法庭 即死。。。 呢啲偷換概念 法官到時話你聽 乜嘢叫做違法刑期
17. 鳥5
2019-12-09 17:28
刀兄  ,國內 琴日班報 多12 項 利益有港人北上做先 遲啲陸續再嚟。。。 如我所料 一早有預案
18. 引刀一快
2019-12-09 18:42
鳥5兄

俾條link睇睇,唔該嗮!
19. 十郎
2019-12-09 19:03


      最迫切要公投的是 , 派唔派錢 ? 派幾多錢 ?


20. 鳥5
2019-12-09 19:36
尋日東方網頁. 大灣區年呢個深圳前海 12個項目優惠港人北上....
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。