地產論壇
登入名稱
密碼
頁數:
茶餐廳亂話(586)關公也曾做過區議員
瀏覽人次:9593    回應:6
茶餐廳亂話(586)關公也曾做過區議員
 
湯文亮博士
紀惠集團行政總裁
2019年11月29日

  今早天氣清涼,非常適合跑步,之後去到茶餐廳,見到老闆大娘,佢話我「見多識講」,有事相問,咁大頂高帽,一定要必恭必敬話盡我所能回答,老闆大娘問,區議員是什麼,重唔重要,老實說,區議員是什麼,我的確唔知,但一定很重要,否則就唔會咁多人爭,但係怎樣同老闆大娘解釋,突然間,我望到茶餐廳裡面關公像,二哥給我靈感,於是話,當然重要,關公也曾做過區議員,老闆聽到,立刻話我大話西遊,千祈唔好點佢老母,我話我講真,有史為記。

  關公在張遼游說之下,終於降漢不降曹,三國演義話曹操對關公寵愛有加,封了一個「漢壽亭侯」俾佢,其實搵關公老襯,壽亭侯等於現在區議員,漢朝那些有名無實的侯分四級,最高級是縣侯,跟著鎮侯,鄉侯,最後是亭侯,關公封號是壽亭這個地方一個候,大約等於灣仔區議員,老闆大娘話明白哂,大家亦應該明白,關公點解要離開曹操,有人話義氣,義氣幾多錢一斤。

茶餐廳亂話(586)關公也曾做過區議員
1. 123321
2019-11-29 09:46


2. 引刀一快
2019-11-29 09:55
今時今日,千金易得,義氣難求,值幾錢?要睇被出賣嘅時候,老細可以慳番幾多囉。

3. 引刀一快
2019-11-29 09:56
湯博士之前好似話過有個“城侯”。
4. 自我陶醉
2019-11-29 10:29
博士果然見多識講,哈哈哈! 咁關公有冇權投票選特首?
5. Admin
2019-11-29 11:02
謝謝1樓指正, 文章已修改。
6. 乜春
2019-11-30 11:22
劉邦斬白蛇起義之前都做過亭長,即係區議員。哈哈
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。