地產論壇
登入名稱
密碼
頁數:
老友的謝輸宴
瀏覽人次:13064    回應:15
老友的謝輸宴
 
湯文亮博士
紀惠集團行政總裁
2019年11月26日

  昨日早上收到老友的短訊,希望我當晚出席他的謝輸宴,我收到訊息之後覺得很奇怪,老友早已登六,仲玩什麼區議會選舉,贏了絕不光彩,輸左就很失威,不過無論他搞什麼,很明顯是輸了,點解仲要搞謝輸宴,唔通與人對賭,我去到之後才知道搞錯,原來老友的生意在這一兩年捱得很辛苦,每月都要蝕一筆錢,半年前他已經講過,如果情況沒有好轉,他最多可以捱多兩年,所以,如果有人頂手,他會將生意轉讓,至於頂手費就多多益善,少少無拘,既然老友將昨晚宴會定名為謝輸宴,估計他可以順利將生意頂讓,值得恭喜。

  在這年多,香港受中美貿易戰,社運影響,各種生意已經大不如前,尤其是以旅遊業以及零售業為甚,上星期,美國參眾兩院通過特朗普不能不簽的「香港人權及民主法案」,意味著在未來28年,美國都會向香港實施長臂管治,這對於有資產在美國的香港生意人來說,受影響程度比中美貿易戰以及社運更加嚴重,因為唔知道美國幾時會將那些生意人開刀,最佳辦法就是將資金資產搬離美國,有乜冬瓜豆腐都唔會被美國佬玩死,大家有一個疑問,點解老友可以搵到人頂手。

  原來新人亦即是舊人,老友一班伙記知道老友有心將生意頂讓,大家夾份將老友的生意頂過來,而且通過一連串精簡節約的措施之後,生意是可以繼續維持下去,老友見到這個情況亦非常開心,認為這是一個雙贏局面,因為他知道,如果由他繼續經營下去,所有精簡節約措施都不能實行,現在舊伙計搵到一條生路,他輸亦輸得開心,所以才出現昨晚的謝輸宴。

  大家話題轉入區議會選舉,有很多人非常擔心,今次泛民大勝,建制大敗,以後社會就會變得很暴戾,老友唔同意,他認為要社會回復正常,一定要讓反對派進入議會,就算是區議會都好,讓他們學習怎樣為市民服務,如果暴戾就毋須走入議會,反過來說,如果今次是建制大勝,反建制的政黨一定會以激烈方法來表達他們的意思,所以,讓非建制派進入區議會甚至立法會亦非壞事。

老友的謝輸宴
2. 一班伙記通過一連串精簡節約的措施之後
2019-11-26 10:49
伙記包唔包括業主先?
3. 十一哥
2019-11-26 10:52
建制9官…家賊難防…出手教訓好難睇…唔嗲唔吊最煩!反民通外敵…擺明車馬倒轉輕鬆,重手就冇洗怕你痛,唔洗就住…依絲啅!短痛真係好痛…長痛就打壞難醫,唔好以為阿爺唔敢打断再駁番呀。
座稳D等收買佬啦!

5. 鳥5
2019-11-26 13:42
橫睇掂睇都係要攬炒...
6. 鳥5
2019-11-26 13:45
一係民主當歸片中國... 一係就23條加 雙普選.. 而家大家鬥 磨爛蓆... 再拖半年 癱瘓
8. 鳥5
2019-11-26 13:54
阿爺同埋香港 反對黨 兜磨爛蓆... 時間己響大陸一方
9. 鳥5
2019-11-26 14:00
香港人權法 ,美國佬狗噏 嘅嘢 求嚇就得... 一路23條 cia 要撤退台灣.. 美國佬係香港生意 其實只佔兩成gdp.. 大陸 東盟歐洲 嗰啲先係大比數... 香港潛在嘅破壞力 美國先至係比較多...民主黨錯判形勢
10. 鳥5
2019-11-26 14:04
中央 其實唔係好介意有反對黨, 但係要效忠中華人民共和國。 呢個係根本嘅基本法。 全世界都係㗎啦唔係淨係香港.. 唔好蝦膠阿爺 唔識
11. 鳥5
2019-11-26 14:06
同埋美金其實都唔係好信得過.. 只係時辰未到 香港交美國嗰兩成生意 都唔係好穩陣
12. 鳥5
2019-11-26 14:10
民主黨靠唔住 阿爺係 經過長時間嘅觀察 得出嘅結論 唔係一日半日
13. 民主當歸片中國
2019-11-26 14:16
民主當歸一早埋左堆架啦, 一直都係同民見亂逢叉叉, 民見亂行開一陣, 跟住係民主當歸同勇武派逢叉叉啦。
14. 鳥5
2019-11-26 20:58
而家阿爺 睇住... 反腐之後 而家團隊 醒 好多㗎... 強兵係 識得 用 有賊心 睇件事。。。 唔係七下七下
15. 真真薯片
2019-11-26 22:41
將犯民變成建制,可以令泛民唔再暴力,但係到時可能變左保皇黨走去搞暴力,但無論邊個搞暴力,企前排既永遠都係學生
16. 鳥5
2019-11-26 22:58
23條輻射香港 顛覆政府顛覆國家係罪 範圍就細好多
17. 十一哥
2019-11-26 23:31
雀仔   㩜邊個炒 ? 阿爺就係由得香港自拆自炒…唔出手就冇位比對手屈做醜人、座定定等拆散哂檔…大條道理照自己心水重組。

18. 引刀一快
2019-11-27 14:56
真真薯片兄

已經準備集體搞亂檔,有冇睇到“先皇”發微博講乜?未睇快啲睇。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。