地產論壇
登入名稱
密碼
頁數:
物業代理最怕客戶私了
瀏覽人次:21977    回應:21

物業代理最怕客戶私了

 

湯文亮博士

紀惠集團行政總裁
2019年11月14日

  因「逃犯條例」出現的社運已經超過五個月,不但不能夠解决,而且愈演愈烈,不少人被政見不同的人私了。當大家聽到私了這兩個字,大多數不以為意,以為他們講掂數私下解决,這真的是一個美麗誤會。私了其實是非常驚心動魄,真正的意思是執行私刑。這個情況出現次數最多應該是美國解放黑奴之後,白人不時以白罩蒙頭來向黑人執行私刑。我們小時熟悉的3K黨就是指那些白人,大家又千祈唔好以為黑人不會執行私刑,不過就沒有白人那麼多,大約1比3。現在已經沒有聽到執行私刑這個用詞,想不到在文明的香港竟然再次出現,但就用上了一非常好聽的名字,私了。

  有老友話我做了物業投資者,如果唔用物業代理,買賣由雙方私下搞掂,應該可以慳回不少金錢。老友唔知道做物業投資者首要條件,就是儘可能的話,都唔好與對方私了。否則,要買的時候就沒有物業代理提供優質筍盤,要賣的時候就唔會搵到買家,佣金是不能夠慳。雖然一般人覺得佣金是很多錢,物業代理只不過是舉手之勞,根本不值得付佣金給他們。如果有這些想法,就千祈唔好做物業投資者,佣金雖然是很高,但相比樓價亦只不過是一兩個%,唔俾佣可能會買貴或者賣平10%以上,物業投資者一般來說都不會私了,但那些只買一個單位的買家就有可能,畢竟1%樓價佣金對他們來說是很巨大,可以唔俾就唔俾。所以,物業代理要求那些買家預先簽訂睇樓紙,就是提防他們私了。

  我個人就不會傾向與相熟的買家或者賣家私了,因為這是與對方對賭,總有一方是贏家,一方是輸家,以後大家再見面時都會面左左。除非,物業代理做不到我們的要求,或者物業代理早已有買家或者賣家,而不落力去做,在這個情況下我唯有私了。老實說,我做私了的成功率很高。所以,物業代理都不會怠慢,而我已經很久沒有私了,差少少忘記有這個名詞。現在再見私了,但心情絕對不同。

物業代理最怕客戶私了
2. 鳥5
2019-11-14 15:37
十一哥而家偏低美古成千一點, 香港可能有事發生,Looking
3. 十一哥
2019-11-14 16:14
雀仔  再座一會…

4. 引刀一快
2019-11-14 20:18
從來唔會飛中介,但係中介飛公司就見唔少,尤其是細鋪,兩三個地代自立門戶果種。
5. 可可
2019-11-14 20:56
這麼文明的香港居然不斷私了,接着孩子因交通和安全不能上學,及後變無書讀,時光倒流幾十年!玩玩吓D時間浪費掉,整整吓D小孩子唔覺意變成文盲,害死下一代,毫無良知,玩攪炒
6. 鳥5
2019-11-14 23:37
唔知係唔係 十幾年前開始出現怪獸家長 令到啲小朋友唔好識諗嘢.... 唔知係咪呢種因果關係 ,再也不敢妄斷... 定係 我唔係好正常呢... 佢哋正常啲... 不過講返現實 13睇咗三次 支持香港警隊止暴制亂 仲要講到係首要... 金局勢短期我唔係太睇好啦
7. 鳥5
2019-11-14 23:41
樓市瓜咗囉... 地代嘅梗係難搵食㗎啦 12個月最少8個月食蕉...點玩呀 四個月 接近一半搵唔到成 你做咩
8. 鳥5
2019-11-14 23:42
搵唔到食少少打茅波, 唔係話啱定錯自然現象啦....
9. 鳥5
2019-11-14 23:43
依而家市況 搵到貓波打下 都算係咁啦 坐喺度食蕉 咁叫做叻仔咩
10. 鳥5
2019-11-14 23:52
人類史 東一個大型社會運動失敗... 美國 反戰運動.. 根據調查 往後青年迷失十年.. 克林頓呢啲叻仔都係食緊大麻... 不過我睇嚟睇佢 今次個社會運動 係畀人跣 書係必然
11. 引刀一快
2019-11-15 03:42
中學小學最高興喇,媲美暑假,如果我細個有啲咁嘢,開心到爆。
但係大學就唔會開心,個個都想早早畢業,如果同下屆同時畢業,好惡揾嘢做。
12. 自我陶醉
2019-11-15 08:23
引刀兄

唔驚唔驚! 中台學生撤離,其他學生拉晒、打殘晒,同墮晒樓,睇嚟未來十年都唔會好多人搵工,加埋個個準備移民,唔移都會送個仔去外國,樓都可以起少啲,要留多啲資源請警察同起監獄。
13. 乱世香港
2019-11-15 09:48
12楼,警察叔叔仔女送返大陆升学就业置业,例如光头警长
14. 細個有啲咁嘢
2019-11-15 12:30
細個日日返半晝,日日開心到爆,一個禮拜啫係返兩日半學,係回龜後才冇晒人生樂趣。
15. 怪獸家長
2019-11-15 12:54
鳥哥, 怪獸家長應該可以追溯至李麗珊郡主幫恒生拍養大一個要四百萬嘅廣告, 然後忽然大家一鍋風卯足勁累鬥累。
16. 自我陶醉
2019-11-15 13:26
樓上

好呀! 好人有好報嘛! 去乜鬼新西蘭呀! 去大灣區咪啱晒囉! 應該再起定幾條警察村,俾佢哋安享晚年。 哈哈哈!
17. 引刀一快
2019-11-15 17:27
自我陶醉兄

三四年前我一直吹大灣區,一直俾人鬧,依家有警察響應落力幫手吹,希望佢地真係身體力行。
未來十年,大把同胞嚟香港做嘢,連鬼佬法官都炒埋,香港法庭將會逐漸體現到“人情味”😂😂😂
至於香港嘅細路,唔使擔心,溫室小草變仙人掌。
18. 引刀一快
2019-11-15 17:39
鳥5兄

你同班細路睇嘢唔同,係正常呀。你係大把嘢嘅人,佢地係希望將來可以大把嘢嘅人,呢個就係根本差別。你睇見你個細路,最多係關心佢著多件衫咪冷親,驚佢錢多唔識點駛,間屋太大難打掃,開跑車唔小心撞親人,又點會真切體會其他細路憂乜呢。
最衰係社會上好多人踩大灣區,本來大灣區就係香港嘅未來,佢地對呢個未來有偏見,乃至於今日局面。
19. 自我陶醉
2019-11-15 19:10
引刀兄

係呀! 警隊顧客大大話話有三萬, 歐美台依家都拒批移民,齊齊返大灣區咪好囉!  

身為14億人民嘅偶像,佢哋為國家付出咁多,唔通阿爺唔好好招呼佢咩! 再唔係咪去山卡啦參加一帶一路發展囉! 免費住宿,花姑娘任佢捉,皇軍式待遇,正!

20. 引刀一快
2019-11-15 20:25
自我陶醉兄

唔好呀唔好呀,一帶一路全部都係穆斯林嘅兄弟,港警英雄去到果邊,分分鐘上演無頭東宮生太子,再唔係就五毒飛頭降,好危險㗎,上埋orgish就大鑊喇。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。