地產論壇
登入名稱
密碼
頁數:
收租難,收數更難
瀏覽人次:20235    回應:13

收租難,收數更難

 

湯文亮博士

紀惠集團行政總裁
2019年10月28日

  我一向被開財務公司的老友笑我蠢,用咁多錢買樓收租,回報只得2-3%。他們又唔同,借錢俾人買樓,雖然是不出名二按,但風險很低。因為一按只能夠最多借五成,二按借兩成根本沒有風險,而且利息高,好似做有抵押私人貸款。而且還有一樣,大家可能想都未想過。現在潮流興減租,但從來未聽過債仔要求財務公司減利息,老友講法絕對正確,我都覺得自己好蠢。

  社運持續超過四個月,影響亦開始轉壞,收租佬不但被租客要求減租。而事實上收租亦有困難,有收租佬話早知做財仔,現在不但收息沒有問題,而且不會被債仔要求減息。收租佬有所不知,現在收租難,收數更難。

  在我小時候,有一個家景很好,但有九個老婆的長輩。當他自己介紹他的小老婆群給新相識朋友的時候,除了原配之外,其他都統稱二奶,並且經常對人說,當他百年歸老之後,他的身家分兩份,大婆一份,二奶一份,結果令到所有二奶都死心塌地。到了分身家當日,長輩並没有食言,真的是大婆一份,二奶一份。不過二奶有八個人,好彩長輩的身家豐厚,即使八分一都夠養老。

  由於金管局有規定,令到現在做二按的業主都沒有登記。因為如果登記,銀行一定要客戶還錢。所以,市場上的二按大多數以私人貸款方式去處理,究竟業主做了幾多個二按,財務公司並不知道。社運持續了幾個月,財務公司的二按開始拖欠還款,但是他們不擔心。因為在必要時,只要將二按登記,即是通知銀行向按揭客戶追收貸款。如果客戶冇得還就會拍賣他們所按的物業,銀行除了收回貸款外,做二按的財務公司亦可以收回全數,所以財仔並不急於追收貸款,只是讓利息複式滾存下去。以至危機出現,財務公司亦不知道。

  林鄭的新按保計劃推出之後,只有一個二按的業主立刻趁機搣甩二按,但擁有多個二按的業主,新按保對他們沒有幫助。如果有能力的話,唯有繼續俾高息;如果沒有,任由財務公司處置。不過,財務公司亦不敢輕舉妄動,因為將二按登記,銀行一定會沒收物業公開拍賣,銀行一定可以收回貸款,但財務公司就未必可以,因為唔知道有幾多間財務公司提供二按。如果資不抵債的話,那些業主根本唔擔心,亦唔打算還息還本。在市場上,有很多財務公司都是開業不久,根本唔識得怎樣追債。現在他們發覺收數比收租難得多,而且收租還有一樣優勝之處,在必要時可以收回已出租單位,損失只是租金;而二按財仔損失的不單只利是息,可能連本金都收唔到。

收租難,收數更難
1. 真真薯片
2019-10-28 10:58
財仔將會進入汰弱留強既時代
2. 十郎
2019-10-28 11:27


      收樓都好難呀。

      缺錢窮人可以一走了之 , 有錢佬冇現金仲更加閉翳。

3. 汰弱留強既時代
2019-10-28 11:49
其實咩行業都係啦, 度過了粗放嘅年代就要進入講技術同實力嘅年代, 啫係回歸需要
譬如食肆, 除左約唔齊人同唔想出街冇車返之外, 家裏一個月買豬肉差唔多要四千銀, 如果餐飯冇乜特別, 真係冇意欲為出街而出街
4. 十一哥
2019-10-28 12:34
有拖冇欠啦!而家好難揾下家莊、丟空一排…新客襟價仲狠呀!

5. 買餸
2019-10-28 12:46
而家冇事都會盡量喺屋企食飯,慳D錢。仲有,就係餐廳侍應生服務熊度認真麻麻
6. 望東樓
2019-10-28 12:53
三樓,從好方向睇就係可以搵啱時間慢慢嘆食好嘢,周末夜晚去咗間米芝蓮食肆,得一半滿。
7. 慳D錢
2019-10-28 15:13
啱啱你個 post 先放出來
其實唔係出街食唔起, 而係忽然間覺得自己好幸福
細個時幾蚊豬肉都買過
上星期在肉檔吹水, 有個後生仔行埋黎恭敬地問豬肉佬唔該請問有冇三十蚊瘦肉賣
你話出面咩世界
8. 十郎
2019-10-28 15:26


      呢幾日, 我轉變左悲觀念頭 。我感覺之後會重新振作 , 因為這是X式革命 , 並非香港人叛國 , 反對者會被清除。之後重建香港的建設帶動經濟(破窗理論) , GDP向上(跌無可跌)。捱多四個月啦。

9. 引刀一快
2019-10-28 15:38
十郎兄

重建香港,只有飛地,我呢幾日發現咗一個令我好驚訝嘅現象,最衰唔可以喺度講,反正結論係,換人計劃遠遠未如香港大部分人所想所預計。
所以,要重新出發,長遠解決方法,就係飛地。
10. 十郎
2019-10-28 16:09


      飛地當然好喇。不過多個香港做經濟同spy屏障都一定有作用。好多外國人還覺得中國是一個神秘國度 ,還好似北韓咁。烏克蘭唔少女仔去左台灣 , 何況香港係窗口 , 係跳板。各有各做啦 , 各司其職啦。



11. 鳥5
2019-10-28 21:17
關於豬肉呢 。其實以26蚊人民幣批發價計。 利錢 其實 佢大個佢大個開鐵廣。。 上年有多富商都投資包括馬雲 不過因為溫州豬。 要用 局部地區禁運 。。一個豬場要豬生豬去到最大 生產線。 用同樣方法嘅其他國家控制溫州豬 。。其實 響大陸 係需要九個月啫。 實際情況比較複雜呢度不便多談。 咁預期過咗年後, 豬肉價就會回復返正常。。 所以呢個放心 大陸都好睇呢樣嘢 豬肉價係核心 通脹 其中一部分
12. 鳥5
2019-10-28 21:23
大陸控制溫州豬 係用成本最高效果最快 一發現入城區曬 所以要啲時間理順。 預期過年後就冇問題 ,生產唔係問題。。 紫金場地都唔係問題 ,係 控制局部 運輸... 同一發現就全區滅殺 系統係需要啲時間 理 順。綜合其他國家最有效嘅方法就係咁樣。。。 至於大豆同豬肉嗰個關係 其實而家影響唔係好大
13. 鳥5
2019-10-28 21:28
啱啱開始控制溫州豬, 有部分小豬農場 ,病豬又唔舉報.. 而家玩賠償.. 開始 管理暢順 ...但係要啲時間... 新嗰啲大 豬 場已經陸續生產
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。