地產論壇
登入名稱
密碼
頁數:
不能以小人之心 度君子之腹
瀏覽人次:18639    回應:22

不能以小人之心 度君子之腹

 

湯文亮博士

紀惠集團行政總裁
2019年9月27日

  新世界突然宣佈捐地300萬呎,我收到消息之後立刻恭喜鄭志剛兄。理由很簡單,有能力才可以捐,在香港,有能力捐300萬呎土地的業主,一隻手可以數得哂。市場對新世界捐地的消息反應十分正面,就算國內亦有報導。不過,俗語話曹操都有知心友,關公都有對頭人,亦有鬼佬評論員質疑新世界捐地是別有用心,差一點可以用官商勾結來形容。我唔知道可以說什麼,只能話不要以小人之心度君子之腹。

  我小時候聽過一個故事,有一個員外吩咐廚工每次煮飯的時候都多煮一些,將那些飯菜送給一些有需要的人,員外以為一定得到讚賞。原來不是,有人話員外只不過是煮多了,他自己一家人食唔哂才會分俾大家,實在毋須多謝。員外聽到之後吩咐廚工以後煮足夠的份量便可以,食完食剩才將冷飯菜汁施捨俾人。我一向以為那些是文人亂作的故事,原來一樣會在現實生活裡出現。

  很多人不知道,究竟300萬呎可幫到政府幾多。如果以地積比率6倍計算,可以起到大約5萬個4-500呎單位。現在政府手上的土地連毛帶屎,只能起到46萬個單位。新世界今次捐地,已經多過政府10%供應量。如果有多幾個地產商跟隨,政府土地不足問題應不難解決,房屋問題當然不是問題。不過,大家要有心理準備,當供應充足,即使經濟環境因逃犯條例事件得到解决而轉好,樓價亦會下跌,而事實上現在樓價已經大幅脫離一般市民的負責能力,下降一些反面有利社會穩定,當然是不利地產商或者大業主。

  有人話新世界捐地不能即時發展,政府沒有多大興趣。我認為話不能這樣說,首先我們不知道所捐土地是否能夠即時發展,即使不能,政府亦可以撥入土地儲備,全力催谷手上的46萬個住宅單位,不用擔心用盡土地儲備。事實上這300萬呎土地影響力是非常巨大,同時亦帶出一個正面訊息,地產商是願意協助政府解决房屋問題。

不能以小人之心 度君子之腹
1. 真真薯片
2019-09-27 11:08
一年前林鄭仲反對用土地收回條例,反對派日日鬧,林鄭都一於少理,今日就變成事在必行,甚至主動捐地,同時馬云,馬代騰,柳傳志卸任,好明顯,成個中國既風向都變左
2. 自稱路人
2019-09-27 11:11
沽!沽!沽! 17號仔再見 !
3. 望東樓
2019-09-27 11:24
一隻"手?"可以數得哂
4. Admin
2019-09-27 11:48
望東樓兄, 已更正
5. 貴公子
2019-09-27 12:06
唔好理捐地有無政治目的, 對市民都是好處, 應該支持!
6. 鳥5
2019-09-27 12:21
中國係唔會有失控嘅財閥,, 佢唔係日本
7. 鳥5
2019-09-27 12:30
阿爺同班嗰幾個家族,開咗快勞幾年㗎喇... 玩得太串. 冇必要再忍。。 當香港市民傻仔咁
8. 十一哥
2019-09-27 12:30
PTU行街都比人濕、除咗班克到出汁嘅異屍…仲有冇人肯公開講心聲呢?班9官玩扮聽話…開街坊會、比更多機會班異屍宣揚發聲…擺明沉底奸細玩嘢啦 !  信唔信777真係咁7呢?


9. 鳥5
2019-09-27 12:36
若然你覺得係捐。 咁我真係覺得,你覺得呢個世界好單純。。 收地照通過 。。 空置稅 呢啲劇本陸續有嚟。。 自由同公平 如果(人人自由 )咁大隻佬一定係搵細路仔對抽 。。咁就一定唔公平。。。 自由 同平等 根本就係矛盾。 諗下係咪 ?唔好畀地產商 。。腦洗得太多, 當咗係真。 係咪再下諗嘢怪啲? 定還是睇野通透啲?
10. 鳥5
2019-09-27 12:56
中國有能力之解同碎片化香港任何一個企業.... 美國一樣... 蕃班家族做過啲乜 .. 唔好當 阿爺傻仔
11. 鳥5
2019-09-27 14:51
論價格政府係而家庫房最大收益化。。。 高地產 最高嗰個派曬貨。。 到咗修平地時候。。 輪價格具贏曬
12. 十一哥
2019-09-27 15:51
雀仔  照計阿爺冇得閒去碎片香港任何人、不過以阿爺今時今日嘅食力、香港碎片化對阿爺都唔會有乜大事…衹係有冇必要捨唔捨得啫。

13. 鳥5
2019-09-27 16:02
十一哥,當然 嗰幾個家族 做啲符合預期嘅嘢 就當然唔使用下策。。 但再唔會失控。 今日可以肯定咁答你
14. 鳥5
2019-09-27 16:04
同以前唔同, 今日係已經開咗 底牌
15. 鳥5
2019-09-27 16:22
十一哥, 肢解及 碎片化。。 只係表示渣甸一樣嘅收場啫。。制地霸制唔制? 錢照比你走, 資產畀行家。 阿爺當年就係咁夾埋香港啲地霸,分食英資。 呢個係事實。 成班家族 今日食碗底反碗麵 心知肚明, 阿爺唔係食齋...
16. 鳥5
2019-09-27 16:26
當年什麼港資好過英資 管理 質素 ,呢啲9噏嘢呃細路得啫。 玩啲嘢上嚟. 阿爺係咪食齋地霸比誰都清楚
17. 鳥5
2019-09-27 16:31
十一哥, 有啲嘢太過藍色, 不欲多言
18. 自稱路人
2019-09-27 16:55
當年樓價颷升 , 高佬麥馬上約齊所有地產商到督轅開會 , 樓價之後十年八載基本穩定 , 他說了什麼 , 能有這樣威力 , 這真是不解之謎 !
19. 鳥5
2019-09-27 16:56
十一哥, 我試下講白啲。。 廉署拉主犯。。 目標人物 見到佢嗰日,就已經係死嗰日! 已經係冇 灣轉, 完全被動之時。。
20. 引刀一快
2019-09-27 19:09
300萬呎,送就多,收就少,未有三分之一平方公里,要解決香港問題,只能飛地,一次過一兩百平方公里,可以發展好多好多項目,國家同香港相輔相成,只要發展起嚟,香港會繼續有價值,如果祗著眼於短期房屋供應,香港嘅剩餘價值都會陰乾埋。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。