地產論壇
登入名稱
密碼
頁數:
茶餐廳亂話(564)千祈唔好替別人教仔
瀏覽人次:16640    回應:14
茶餐廳亂話(564)千祈唔好替別人教仔
 
湯文亮博士
紀惠集團行政總裁
2019年9月5日

   今早去到茶餐廳,見到一位熟客鬼殺咁嘈,原來佢讀緊中學的兒子叫佢簽一份罷課同意書,他不明白,因為在開學之前,佢個仔仲非常堅决話萬事以學業為重,不會罷課,點解上學之後又改變了原則參加罷課,他的兒子話本來是不想罷課,但在學校門口有百多位蒙了面的舊生要求他們罷課,仲話他們肩負使命,這個世界是他們的,令到有部份學生飄飄然而接受他們的建議,一於罷課,其實人數亦不是太多,全校有1,600個學生,只有80個罷課,茶餐廳熟客話那班舊生沒有權唆擺他的兒子罷課,要罷就叫自己的兒子去罷,我覺得他說得很有道理,我乜都夠膽做,但就是唔敢教別人的兒女,就算有人向我請教,我都會話我自己的兒女亦教得不好,唔夠膽替别人教兒女。


  不過,那一班所謂舊生其實不懷好意,首先,個個人都蒙了面,很難確認他是舊生,其次是陰謀論,罷課令那些中學生追不上課程,考不上大學,那些所謂舊生的子女入大學的機會就會增加,我只是希望那些舊生不要將政治帶入中學,讓那些少年靜心學習,肩負使命,遲多幾年,入了大學,或者在社會工作才說。

 

茶餐廳亂話(564)千祈唔好替別人教仔
1. 年輕人要攬炒
2019-09-05 11:31
現在大學是洗腦基地

2. 十一哥
2019-09-05 12:11
極度心術不正…深層次害人…縱人子女。


5. 路過
2019-09-05 12:36
其實學生輕易罷課,反應左現今教學許多不足之處,學生只係一路競逐教育局所定下既標準,只係為左追逐依個標準,學生已經根竭力疲,到底為咩學習,根本唔清楚,教育局亦唔尊重學生既生涯規劃,對專科毫不尊重,大學亦只注重自己大學排名,講師疲於寫論文,權鬥,如此畸形之現像,存在香港已經20多年,但大家卻毫毛感覺,如今香港如此亂局,教育局可記一功
6. 路過
2019-09-05 12:45
To 1樓 你睇依家大學O camp就知佢地用咩方法令年青人埋堆,o camp用既方法就係降低人類道德標準,從而接受不合理既事情,而家大學生有知識無常識,對於依種自尊心極高,對自己學識非常有自信既人,係極容易洗腦,因通常要拼大學既人,一般同人既交往會較小,一但有人同你好fd咁,就好易埋堆,所以大家千奇唔好幫小朋友揀朋友,好壞都要識,識完再幫佢分析,因為依種都係學習一種
8. Stephen Wong
2019-09-05 13:31
背後有高人指點,為未來儲彈藥.
專攪BAND 1名校,將來可能係呢批精英治港?

9. 反應左現今教學許多不足之處
2019-09-05 14:47
禾反而覺得問題出在而家教育局冇標準, 造成冇掩雞籠現象, 學生係冇標準之下, 迷惘到筋疲力竭, 連口號都唔識寫, 當被主持人或博士問多兩句, 都答唔上咀, 咁其實啫係反緊啲乜野呢?
10. 我有一計
2019-09-05 15:47
我有一計:可以請私人補習老師在家裏教所有科目,到時考試無90分都有80分,這一計非常有效。教育局可以實報實銷給予津貼。
13. 引刀一快
2019-09-05 17:35
上天真係唔公平,點解我讀書果時冇得罷課?恨死。
14. 十郎
2019-09-05 18:13


      亞刀 , 並非不公平呀 , 罷課係我呢d壞學生才會的。

      那一年聖誕節佈置班房 , 呢d娘娘做嘅野 , 我地男生罷課去西貢橋咀游水 , 潛到海底見到成地海星 , 嘩 !


15. 十一哥
2019-09-05 18:48
刀刀  你果時唔上堂…就落田喎 …

16. 引刀一快
2019-09-05 19:46
十一仔,落田係一種幸福,你揀落鑊?
17. 十一哥
2019-09-05 23:30
人地落田彎腰為揾食、刀刀落田係貪趷籮嘅幸福。

19. 引刀一快
2019-09-06 12:59
十郎兄

你講果種,叫做走堂,罷課非常高大上,中國過去罷課嘅人,唔少留名青史,又唔使上課,又大條道理,如果我細個每週可以罷課兩日,童年就美好喇。

你見到成海底都係海星,呢個就係香港生態環境寶貴之處。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。