地產論壇
登入名稱
密碼
頁數:
港鐵發揮獅子山下精神
瀏覽人次:14688    回應:10
港鐵發揮獅子山下精神
 
湯文亮博士
紀惠集團行政總裁
2019年9月4日

  有人同我講香港電台做得最好的一件事,就是拍了一個劇集叫「獅子山下」,老實說,我不敢肯定,但現在有不少人開口埋口都講獅子山精神,究竟什麼是獅子山下精神,又冇人可以回答,或者好似羅文所唱同舟共濟,其實同舟共濟是必然的事,大家坐埋同一條船,唔通希望條船沉沒,毋須獅子山下精神。

  在「逃犯條例」示威活動開始時,香港三大交通機構包括國泰、機管局以及港鐵,或多或少都支持示威活動,在8月5日的大三罷,國泰動員3,000人,導致有大約200班航班要消,機管局有大約一半航空指導員罷工,至於港鐵,傳聞有700車長會參與罷工,後來改為200人,到最後有幾多就不得而知,雖然港鐵參與罷工的人數不多,但港鐵為示威者提供最優質最安全服務,甚至專車服務,而且仲要免費,最後的代價是人民日報一句「港鐵,出軌了」,港鐵不得不撥亂反正,但又得罪了示威人士,港鐡變成黨鐵。

  國泰由國家民航局出手,以零容忍對付參與罷工的職員,機管局則龜縮,不肯承認示威者阻礙以及暴打旅容的責任,求其以兩個中層管理人員揹了這隻鑊便算,現在國泰、機管局勉強可以說是回復正常,但絕對不能說這是獅子山下精神。嚴格來說,他們是被迫的。

  網盟發起9月2日再次大三罷,示威者為了罷工成績理想,在9 月1日大肆破壞港鐵各站,尤其作為是交通樞紐的車站。在9月1日晚所見,有多個車站的破壞情況是很嚴重,很難想像在幾個小時之後能夠啟用,但很奇怪,港鐵竟然可以在幾個小時後宣布全線通車,我估破壞者是不會相信,有人問我港鐵點解可以咁勁,是不是覺今是而作非,我話與此無關,港鐵發揮我們經常所說的獅子山下精神,在受到重創下可以極速復原,或者獅子山下精神就是自我復原能力,港鐵,10,000個讚,希望香港也可以。

港鐵發揮獅子山下精神
1. 很難想像在幾個小時之後能夠啟用
2019-09-04 11:08
網傳之前提交過報告俾阿爺, 話五個壽頭可以應承兩個, 被阿爺打回頭。如果真有其事, 則再一次彰顯港仔的打公仔性格, 樣樣灑手拎頭, 同老細講唔得, 老細鬧兩鬧唔得變左得, 然後輪迥, 所以港仔孭唔到重飛也。

5. 十一哥
2019-09-04 12:46
反送中、撕紙閂閘、普世價值…等等…等等…、都係戲匭、戲好唔好要比咗錢買飛睇先知…點引人入叠?…戲匭就係關鍵、就等於出得嚟行…打唔打得唔重要…起個猛朵先緊要。

攞住成抽戲匭…問人明唔明解…真係博士都唔識解、好似信仰…邊有人同神傾過偈吖 ?

6. 邊有人同神傾過偈吖 ?
2019-09-04 12:50
覺得係就係, 唔好問。
8. 引刀一快
2019-09-05 15:30
你唔俾神唔識廣東話?
9. 十郎
2019-09-05 16:01


      請自費學廣東話。

10. 引刀一快
2019-09-05 17:40
咁唔該你燒啲冥通先喇。
12. 十一哥
2019-09-05 18:56
God almighty創造一切…點會唔識廣東話、刀刀係老表調教出嚟嘅…神呢辦莫瀬、都係篤邊個係…擴粗乸…出嚟啦!

13. 引刀一快
2019-09-05 19:44
十一仔,你又知神識廣東話?聽佢講過呀?哈哈哈

操作員?問問almighty嘅神喇,記得用希伯來語喎。
14. Alan Pepper
2019-09-05 22:26
10,000個讚! 這才是獅子山精神!
15. 十一哥
2019-09-06 10:38
刀刀  對god有研究…溝通唔倒、

題外話、早幾日有冇聽話…£…跳出大灣返去揾契媽…

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。