地產論壇
登入名稱
密碼
頁數:
中美重啓貿易談判之謎
瀏覽人次:20661    回應:43
中美重啓貿易談判之謎
 
湯文亮博士
紀惠集團行政總裁
2019年8月28日

  我在較早前發表了一篇文章話中美貿易戰會隨時結束,不過在結束前會出現最壞狀況,不少人不相信,當特朗普公布提高中國關稅,以及中國提出反制措施後,不少老友話我又睇錯,我不敢說不,因為特朗普真的很難捉摸。

  隔了幾日,特朗普話中國來電邀請重啟談判,仲預言今次會有成果,雖然談判還未開始,我的老友們又讚我先知先覺,其實我並不是先知先覺,而是我了解歷史,所以可以作出預言。記得多年前,美國有一隻太空梭機升空時火箭發生爆炸,事後發覺是韓國的零件出事,我當時不明白以美國的強大實力,點解要用韓國的零件,有開廠的老友話俾我知,一間工廠不能夠獨自生存,要倚賴很多物料及零件供應商,如果太空穿梭機所有零件都是美國自己生產,這將會拖慢建造速度,這是今次中美重啟貿易談判原因之一。

  在中國宣布反制後,特朗普非常嬲,揚言要所有在中國生產的美國商人撤離中國,其實,已經有不少美商早已撤離,改到越南、柬埔寨等國家生產,但是他們發覺到,即使工廠搬到那些國家,但不少零件仍然要靠中國生產,這不但在生產價格上沒有著數,還會拖慢生產速度,我認為在特朗普公開叫美商撤離中國之後,一定有美商向他反映意見,撤離中國的事萬萬不能,所以,當中國發出邀請,他便立刻應承,當然,特朗普一定會話中國捱不住,這是他的性格使然,大家不要認真,無論如何,重啟談判不但對雙方有利,對香港以至全世界都有利,而事實上只有特朗普以為對美國不利。

  至於另外一個原因,就是中國是生產大國,同時亦是消費大國,試問那一個國家會幫美國生產而又大量購買由自己生產的產品,基於上述兩個理由,在今次重啓談判之後,中美雙方很快會達成協議,信不信由你。

中美重啓貿易談判之謎
1. 明鏡止水
2019-08-28 12:45
如果美國認真起上來,好似八十年代對付日本,例如東芝事件,結果或未可知。
2. 吹水吾抹嘴
2019-08-28 12:50
特普跟本系一個吹水吾抹嘴既人,信佢半成都死,正所謂吹水吾抹嘴,攞友比人o隧... 
3. Johnny
2019-08-28 12:57
中方澄清左無打電話比特朗普
4. 鳥5
2019-08-28 12:59
就算達成協議 中美博弈持續 不過真係睇返歷史 中美反枱打仗到件交 其實都係歷時最長8年左右, 中美好唔好得去邊 差亦唔會差得去邊 本身冇地緣政治唔係美俄。 不過大陸係要 做超級大國 唔介意係細嗰個。 咁要美國人 轉軚 係要啲時間。 要美國 願意合作 最基本 係要佢求你。。 打爆美債。 先係時候
5. 鳥5
2019-08-28 13:03
美國總統對外政策 顧問 框架。 受制於美國k亍。 人稱美國第二政府。 相等於香港行會。。 暫時冇即像美國對華政策會 轉軚。。 香港 橫睇掂睇 中美博弈 兩邊不是人
6. 鳥5
2019-08-28 13:05
中美博弈, 今日美國態度. 唔係一年半載嘅事。。
7. 鳥5
2019-08-28 13:09
中美同中俄相對比較... 中美嘅快樂時光 其實都係佔大多數..所以唔會全面對抗. 但貧窮嘅中國 又的而且確符合美國人嘅利益.. 要美國人接受 和平崛起超級大國。 習主席嘅 一番話 最後一公里。。。 唔好抱有幻想
8. 鳥5
2019-08-28 13:19
上年年尾, 我之所以話香港嚟緊係97+08+2000... 喺資產泡沫爆破. 源於 所牽涉嘅貨幣總量。 爆破內容 導火線。 就真係唔知
9. 鳥5
2019-08-28 13:22
香港最差嘅景象 從數字去睇 其實未到。。
10. 鳥5
2019-08-28 13:27
誰跟誰思路走. 誰才是勝利一方 唔係眼前嘅價格
11. 鳥5
2019-08-28 13:29
貿易戰 貨幣戰 最後金融戰。。 小型貨幣戰 其實已經開緊波...
12. 鳥5
2019-08-28 13:36
傻心已經好叻㗎喇, 佢洗多政府3萬億 其實佢上任以嚟 九萬億美金 從世界各地返咗美國 而家香港嘅gdp 淨係反映緊呢一個年代。 嚟緊 大陸嘅推算 你真係要爆婆 臨死前要加息 香港仲未行到嗰個時代
13. 大鄉里
2019-08-28 14:26

美商已開始發覺越南柬埔塞不夠工人.

14. 十一哥
2019-08-28 15:35
茅一D都唔難捉摸、而家似阿爺玩佢多D、佢諗住抖氣…點知阿爺失驚無神篤佢一嘢…加關稅、預咗茅侵實還拖、目的就係唔比你落台、話之加稅到天一半地一半、老表今時今日塘水滾塘魚都夠吃喝、美帝就揾均地球都冇乜好得過大陸嘅招呼、債息倒掛…關稅由國民硬食…雀仔~呢D專科嘢十一哥唔識…要由你嚟論述先掂…
15. 鳥5
2019-08-28 16:19
關稅其實係雙人劍。 傻侵 會令到消費者百上加斤通脹。 通脹係廉署局個硬命令之一 近乎憲法( 國內價格穩定 就業最大化)。。 如果通脹急升 佢唔會理你美金跌定性 或者有冇錢還 首先一定係加息。 所以咁樣打發時間 企響中國一方。。 台中國l型見底 其實係美國以外相對其他 貿易 其實都係見咗底。 所以整體大局 以貨品貿易 美國其實係開始脫離 其他國家 而其他國家不包括美國 係已經見底。。 結局就係美金 響全世界 個實力變得薄弱 咪變成要還錢嘅時候囉。。。 美國最弱嘅係公民 欠債實在太多 呢個就係美國佬雖然強 但係洗腳唔抹腳你淨係見到打伊朗 就住就住 因為錢問題囉
16. 鳥5
2019-08-28 16:22
除非中國 再好似上次咁 接萬幾億 美債 再放大五至六倍貨幣響宇宙運行 但係咁樣中國幾年後 就會動盪 仲大鑊嗰香港 阿爺梗係知佢玩乜啦 真係睬你都傻
17. 鳥5
2019-08-28 16:26
  • 美國最大鑊唔係股跌 又唔係 美債 下跌 又唔係美金殿
  • 係股債 匯三煞。。冇位走 無位凳
18. 鳥5
2019-08-28 16:33
香港係兩邊不是人 呢個係事實 至於美國 係冇可能放棄香港 香港對美國 其實好重要 不下於中國... 所以 香港自己人話攬炒 對美國 唔係利益
19. 鳥5
2019-08-28 16:37
重歴史去睇。 中國冷戰時代 香港係窗口緩衝區 而家調返轉 美國發動冷戰 將來回暖 香港亦依然係一個重要嘅緩衝區。。呢個就係香港特別嘅地方。 香港瓜 對中國長遠 絕對唔係好事。 將來一旦冷戰 香港威邊中國 中國一旦出事 就冇一個城市可以代替香港 有位走 阿爺其實知。。 蛋香港響大陸隔離 唔能夠有一個反共政權 住喺屋企隔離 呢個係絕對嘅地緣政治風險 呢個亦都係事實
20. 蕭生
2019-08-28 17:22
 特朗普現在玩拖字訣, 明年 10 月美國大選前就有可能達成協議, 至於香港樓市夾在中間, 會下挫最多成, 只有天知!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。