地產論壇
登入名稱
密碼
頁數:
減租,非不為也,實不能也
瀏覽人次:27099    回應:22

減租,非不為也,實不能也

 

湯文亮博士

紀惠集團行政總裁
2019年8月26日

  有老友話我在明報的專欄,只是講近日局勢,很少講地產,陸振球很難做。老友唔明白,在地產市場上,我是出名的大淡友,市况不錯我仍然睇淡。現在咁嘅時勢,叫我講地產,我驚大家俾我嚇到鼻哥窿都冇肉。既然要我講,我就順下大家意思。

  有人話雖然局勢很亂,但中原指數不跌反升,距離高位只是差些少,稍為有一些好消息。例如特朗普話延遲加關稅,或者勇武者變和理非,指數會隨時破頂。老實說,事實勝於雄辯,指數擺在眼前,我的確無話可說,但在另一方面,零售業協會要求業主減租五成,為期半年。有投資者問我意見,我話非不為也,實不能也。在2008年金融海嘯時,有不少業主願意與租客共度時艱,大幅減租三成,後來他們發覺對別人仁慈就是對自己殘忍,不少外資銀行以租金下跌為理由向他們追收差額。當時有不少業主被迫出售一些物業,我相信今日很少業主會減租,否則除了自尋煩惱之外,還會累及他人。雖然大部分的物業投資者都有能力減租,就算在減租後銀行追收差額亦可以捱得住,但有很多小業主就未必有能力。如果因為有物業投資者減租而被銀行追差額,間接來說是受到投資者所害。這就是我所說的非不為也,實不能也。

  其實,如果市况在六個月後沒有大幅改善,那些租客仍然要結業,而事實上六個月後的市况不比現時差已經是還得神落,還敢奢望有大幅改善。所以,要求減租的租戶不如早一些結業,除了自己輸少一些之外還可以幫助其他人生存。理由很簡單,就是市場根本唔夠客,一定要有人作出犧牲,這才可以令剩下來的人生存。如果沒有人犧牲,大家以割喉式方法競爭,最後的結果大家攬炒。所以,在現時環境,犧牲部分人是必須的。大家睇完之後唔好鬧,我唔想寫。

減租,非不為也,實不能也
1. 十一哥
2019-08-26 10:01
門口生意早已經氣氣喘、而家係送一程…引刀一快、早了斷…仲可以袋番多少錢種、捱耐D…嘥藥費…延苦痛…輸乾淨。

2. Ben
2019-08-26 10:06
"犧牲部分人是必須"完全同意。詳細不用解釋、讀者自行解讀。
3. 我有一計
2019-08-26 11:57
我有一計:舖租免費,人工減半,物價加一倍,這一計非常有較。

4. 鳥5
2019-08-26 12:15
刀兄,坐下(年頭)稱人仔。7.1至7.2區間。。今日到。。D 專家 今日吹喇。。 我係贏家定專家?。。 我講嘅嘢呀.. 陸續發生... 人仔嘅真實貨幣價格,根本就係呢個區間。。
5. 鳥5
2019-08-26 12:20
而家香港嘅資產價格.. 只係啱啱進入 急速 調整嘅第一波 。。其實香港係最後一個 地區進入。。 其他以美元結算。。 早兩年已經入咗。。。 香港急,因為香港遲入。。 導火線係黃絲 在下真係估5到。。。 其他美元結算嘅地區 見底都要幾年 仲未有反彈嘅跡象
 呢幾年唔好上車
6. 鳥5
2019-08-26 12:23
中美貿易戰 ..反彈地區勢估唔到係台灣 睇條數係咁樣
7. 鳥5
2019-08-26 12:27
博士所講。。。 我咁樣表述 唔係唔想平 係冇能力平。。 劈租就call窿 ,保margin.. 諗計班水。 時間唔係無限。 是況稍為好 斬其他物業 保margin.. 金主係銀行 都仲好啲 金主係財仔 咁嘅時間係更加有限... 自己畫上下 而家事奉財仔諗緊乜
8. 鳥5
2019-08-26 12:29
更正 自己還想下 金主銀行財仔而家 諗緊乜。。 下一步你又會見到乜..
9. 鳥5
2019-08-26 12:34
如有人接。。劈4成出, 根本唔係傻... 其實發生咗好耐㗎喇
10. 鳥5
2019-08-26 12:39
美元收債 ..大陸唔玩 量化寬鬆 .其實香港已經係經濟...空轉 上年年頭 已經係出現 大規模散水 不過貨幣 還在咁解㗎咋.. 成個香港 只係得番(價格 )。。估㗎咋。。 收租2厘 冇投資價值。只有賭嘅價值。。 升。只係得番個信仰。
11. 鳥5
2019-08-26 12:45
人 錢, 可以世界走不動產。。 無腳走 ,上年年頭, 在下通咗水㗎喇。。 變現能力低嘅產品, 我試下再咁表述一次
你揸架車 , 煞掣 距離100米。 
你個人視嘢得50米。 見到障礙物,其實已經死咗。 你超煞車距離100米 佢個視野 超過120米.. 佢咪走先囉
12. 鳥5
2019-08-26 12:51
大戶 而家要散貨 一下劈死自己 唔係最佳利益 最大利益化 係要睇下自己荷包 所以在下 都好難精確計算 佢哋會點樣分階段做... 平 大手出 係戰術。。。 發展商 手揸百萬十萬貨。。 點樣登住出 ,係最佳選擇。。 呢幾年千祈唔好上車
13. 鳥5
2019-08-26 12:56
犧牲一部分人... 呢個邏輯好似合理... 其實係唔得.. 過一兩日我諗一諗點表述 呢個自然現象
14. 鳥5
2019-08-26 13:26
犧牲一部分人 呢個邏輯。。
 火藥桶爆緊, 救熄支火柴。 等於冇事發生? 
得唔得呢? 在下先唔畀答案
15. 鳥5
2019-08-26 13:30
倒果為因。。
16. 十郎
2019-08-26 13:41


      鳥哥--------落左定嘅新樓買家 , 好似官塘果班人 , 入伙時上唔上到會 ?地橙箱駛唔駛考慮埋中空寶 ?

      呢一輪冇人講父幹喎 , 玩margin 好有塊感。

18. 鳥5
2019-08-26 14:34
發展商 等, 市場情緒平復。 佢哋會再諗計。 點樣Long點樣出兩大題目. (大戶轉身都要時間啦). 但總有人計錯數 自己唔夠褲著。 抆棚。 而家係要睇銀行 金主 條數頂得幾耐。 阿爺包底。。 內房都要十厘。 發展商個個都話自己大把錢㗎啦。融資成本急升。 有冇超出預期 ,玩呢條槓桿遊戲。。 咁我就唔知喇。 阿爺會清楚啲, 同埋水畀你啦。 市場而家最有水 其實係政府。 高地價政策, 高位清曬貨。 想平價收地搞單咁野。。 睇真啲邊個大贏家呢?
19. 鳥5
2019-08-26 14:38
比左訂,想甩身。 甩唔甩到? 要視乎地產商, 點睇盤數 銅實力。。 放唔放你走。 以上兩點都係 考慮因素。 合約內容呢個就真係唔清楚
20. 鳥5
2019-08-26 14:46
如果一個父親, 為咗兒子。 去做一啲事情。 咁我唔覺得 同價格有關係。 如果D種事情,係價格產生 變化。 其實係兩樣嘢。 不過價格變人心變。 初衷。 係啲乜嘢東西嚟呢?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。