地產論壇
登入名稱
密碼
頁數:
支持政府就應該多補地價
瀏覽人次:28337    回應:63

支持政府就應該多補地價

 

湯文亮博士

紀惠集團行政總裁
2019年8月19日

  地產建設商會先後發新聞稿,以及登廣告支持政府,支持林鄭月娥,堅決反對暴力,甚至有個別地產商獨自再登廣告,堅决支持政府止暴制亂。大家千祈唔好忽略「止暴制亂」這四個字,這是歸邊的意思。在未出廣告之前,不少地產商商場貼出告示,不歡迎警察內進,就算痾尿都唔得。那些商場當然受到示威者歡迎,甚至可以作為他們避難,喘息地方。有人問我點解地產商態度有180度轉變,從以前反對到現在支持政府。

  我估計地產商轉軚基於兩個原因:首先是由於不准警察進入,示威者得以用作休息以及上糧的地方,得閒無事仲會做一些貼紙,貼到成個商場變成連儂場。一般人都不敢去那些商場,人流大幅減少,租戶叫苦連天。長此下去,一級商場就會淪落為民生場,整體租金收入大幅減少,令到作為大業主的地產商一定要發聲支持政府,支持警隊執法,止暴制亂。否則,商場收入減少會拖累業績,令到股價下跌,評分降低,地產商融資就有困難。其次當然是國泰跪低,CEO不但答允國家民航局的所有要求,而且變本加厲,要求所有員工不得參與非法示威活動。國泰都跪低,唔通其他地產商連一紙廣告都慳番。老實說,現在才歸邊已經太遲,不過遲到好過冇到。

  其實,地產商要討好政府,登廣告根本不是一個辦法,政府又唔可以從中獲得收益,最好是多補地價,令政府可以大大聲聲話供應達標,樓價受控。而現實就是在商場租金收入減少之下,地產商多補地價,加速建樓,增加收入。這是唯一辦法,並不是要討好政府,或者可以話這是一個兩全其美辦法。換句話說,今次示威活動雖然重創香港經濟,但或者可以幫到政府解決樓宇供應不足這個老問題。不過,到最後都是要地產商願意補地價,政府或者反過來演繹,不願意補地價地產商就是不支持政府。

支持政府就應該多補地價
1. 引刀一快
2019-08-19 09:37
歸邊嘅目的,就係唔想補地價。
2. 就係唔想補地價
2019-08-19 10:12
連地都冇, 就係抗拒融合。

3. Philip wong
2019-08-19 10:53
土地規劃也是大問題,許多新界土地,只有零點貳的地積比率,唔使補地價都冇地產商肯發展!
4. 亞Q
2019-08-19 11:46
博士真是"與虎謀皮" !
5. 我有一計
2019-08-19 11:56
我有一計:每人免費送給一個500平方呎的單位,再x加上每人派發港幣一百萬元。
6. 十一哥
2019-08-19 11:59
噚日阿爺已經比咗色勞…比心機裝修深圳、橫掂香港就咁擺喺度都冇人有本事拎嘅、咁就話之7百萬人上哂街都冇洗上心…慳番啖氣由得你嗌到休克。
咁嘅前境…而家補地價就正悚察、正苦仲夠膽借市建去高價收購重建、大錢袋計下數…咁不如比市建收購仲有數維啦!

7. 十郎
2019-08-19 12:19


      地橙箱d生意同業績走下坡 , 是大位股東的事 , 對佢嘅生活冇影響 , 經濟點樣慘都冇所謂 , 佢地d工人一樣可以開賓治去買餸。你地傻仔姐。

8. 一地
2019-08-19 12:32
香港人, 出口易, 出錢難。
11. 鳥5
2019-08-19 14:16
硬着陸做準備。黎緊點個MoM棚都5知呀!
13. 十郎
2019-08-19 15:09


      6樓十一哥 , 我講大陸放棄香港 , 起碼講左兩年 , 冇人信 , 我唔同佢地拗。呢個爛蘋果 , 一定要拋開。仲買3萬蚊呎 ???!!!😫😫😫😫😫😫

14. 真真薯片
2019-08-19 15:14
呢鋪搞得太大,地霸必然成為被追究既目標之一

深圳吹風會後,上星期已經拿拿聲出左16000個單位補地價,我相信補地價會持續,邊個唔補,佢國內既投資就會領野

不過現實供應缺口非常大,即使多補地價,都唔可以完全解決問題,但係可以起到明顯既舒緩作用,由於農地全部都係大西北,大西北既樓價必家受壓,投資者要留意
15. 鳥5
2019-08-19 15:40
如果大陸掃到地霸同民陣有乜 間接或直接資金往來 ...隨時政協都打柴。。 咁我同你講就大q鑊... 唔係有錢搞得掂... 渣甸當年係 政府以外全港最大嘅機構 ,最大嘅僱主 。死法, 都唔使一年... 有錢就大曬 呢個唔係阿爺嘅宇宙。。。 後生未見過。。。
 十哥話佢哋聽
16. 鳥5
2019-08-19 15:48
乜嘢叫做麻雀閻王, 要你幾時生 就幾時死。  要你幾時死 就幾時死。。。 愛你刷牙 就要刷牙冇order唔好自己朗口。。
17. 鳥5
2019-08-19 15:56
做生意,有啲嘢唔掂得。。 今次呀真係唔講咁白,大家還想下。 官商勾結 .. 捉官5捉商,仲係天功地道。大家仲可以捉下期。 bargain一下價格。。 畀佢知道 貼錢打對台。 自己諗
18. 十一哥
2019-08-19 15:57
唔好話比刀刀知  啱先靜鷄雞上咗深圳兩日、住/食/游盪…唔再以平取勝、但係越玩越擔心…阿爺再催一鞭…香港點算好 ?

19. 鳥5
2019-08-19 16:00
5係hold国内投資 簡單嘅一件事。。
20. 鳥5
2019-08-19 16:09
而家中港局,上左中美局,韓正决策人上左一级王岐山。可以用既 資源 同方法(包括下策鬼道)小弟今次真係5 識睇...
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。