地產論壇
登入名稱
密碼
頁數:
開徵新關稅是否棋差一著
瀏覽人次:17152    回應:18
開徵新關稅是否棋差一著
 
湯文亮博士
紀惠集團行政總裁
2019年8月7日

  昨日與一個開廠的老友晚飯,同行的還有他的美國長年客戶,其實,我有些少不明白,老友經常都呻那個美國客戶俾唔夠價,很難做,但點解唔加價,冇人會做蝕本生意,老友從來沒有向我解釋,當然,他亦不用向我解釋。

  今日有幸大家同枱食飯,我直接問美國客戶,點解見到老友咁難做都唔加多少價,美國客戶話基本上與老友的工廠二合為一,但市場的競爭很大,大家都做得很辛苦,他們兩人亦打算退休,今晚算是散班飯,我聽到有些傷感,但我始終未得到答案,老友點解咁多年在唔夠價的情況下,仍然為那位美國客戶生產。

  原來老友在多年前遇上一個危機,老友的工廠有罷工浪潮,冇辦法可以按日期完成美國客人的訂單,如果那位美國客人提出控訴,老友的工廠馬上就要結業,他們亦會一貧如洗,那位美國客人不但延長訂單時間,並且借錢給老友渡過難關,後來他們兩人亦變成莫逆之交,老友美國客戶做的是夕陽行業,訂單雖然唔夠價,但仍然有相當數量,而他仍然有其他客戶補貼,拉上補下,總算年年有錢賺,有不少人話老友很傻,老友只是話,當日如果沒有那位美國客戶,他早已什麼也沒有了,不過,到了現在,美國再開徵新關稅,成本增加太多,兩人的合作亦不得不結束。

  有很多人不明白,中美雙方在貿易戰似乎有轉機之際,美國向中國開徵新關稅是否因為香港笠笠亂,中國需要美國支持而被迫接受新關稅,但有不少人認為美國今次棋差一著,應該表態支持香港執法,中國或者會心存感激而接受美國的貿易條件,這是硬與軟的問題,不過,如果特朗普話支持香港嚴正執法,就算中國稍後在貿易戰上讓步,美國有實質利益,但政治形勢不明朗,對特朗普選情沒有幫助,但如果加關稅,無論中國是否讓步,美國是否有得益,但政治形勢對特朗普有利,不過,這個形勢是暫時性,最近所加的關稅最後都會轉嫁到美國的消費者身上,到那時候,特朗普的支持率就會下降,所以,他們認為到最後一刻,大約在8月底,特朗普就會叫停新開徵的關稅,中美貿易談判繼續,當然,中國就要大手筆購買豬肉、大豆等農產品,俾特朗普一個下台階,老實說,他們講得好似有多少道理,但我始終唔信,特朗普絕對不會讓中美貿易協議在美國總統競選前有進展,令到其他競選者不敢接這個波,除了開徵新關稅,還說中國是匯率操縱國,總之有咁複雜搞到咁複雜,這樣他才可以連任,之後就萬事有商量。

開徵新關稅是否棋差一著
1. 十一哥
2019-08-07 10:17
一早論述咗美帝出路可能在侵侵、一上場就明修棧道…减萬幾億稅、但係减咗梗要補番㗎、一於暗渡陳倉…羊毛出在羊身上…入口稅加番、咁做一石9鳥…消費品貴咗…大家使少D…正面就環保減浪費…土炮競爭力升DD、利益抝撓…國際關係自然借勢升溫、扎哂馬似有交打…D焗買開片架撑傍身壯膽…美帝明就做好人…實係屈D…軍火好肉過賣唉風…

2. 真真薯片
2019-08-07 10:27
權力既誘惑力何其大,脫歐個波都一班人去搶,中美談判點會冇人敢接?
3. 引刀一快
2019-08-07 12:22
多年前,中國嘅危機,亦係靠美國佬兩粒原子彈化解咗,唔係就執笠。

4. 鳥5
2019-08-07 13:15
佢應該用 (戰爭總統) 呢個selling point 連任。。 不過唔係熱戰係貿易戰。。 總括概念係佢唔連任全美國都要爆大鑊。。 條友破四次產, 再翻新做總統。。。 拉曬全部人落水, 係特性。 唔係英雄就9雄嗰隻款。
5. 鳥5
2019-08-07 13:48
但呢個對手 真係唔好輕視 希拉里響政壇 雄霸 都好多年 。。結局選票嘅成本, 每位選民 傻侵13 希拉里22。。。 都仲要贏埋 呢個人某方面係奇才。。。 仲要70歲 先走嚟玩鋪大 ,人又有錢。。。 咁嘅個人背景 。。都仲要出嚟搏。 佢極可能係一個極爱國人。。。
6. 鳥5
2019-08-07 14:41
天下無難事 ,最怕有心人。 但走勢, 長遠 我都係企大陸嗰方。。 畢竟大陸唔係 要稱霸宇宙。。只係求 世界上有兩個超級大局可供選擇。。。
7. 十一哥
2019-08-07 14:42
十一哥燒冷灶…落手+x哥、賭英霉帝~必不exit、國際大事本就係用嚴肅態度去玩兒嬉、都冇路行~講乜Q exit。

8. 十郎
2019-08-07 14:58


      留言好難出到街 , 等運到。

9. 賭英霉帝~必不exit
2019-08-07 16:08
佢唔 exit, 歐盟逼佢出走唔得咩?
10. 鳥5
2019-08-07 16:45
十一哥 今日小弟玩 淡友借箭 買入豪仔打靶加25200. 一塊刀片
11. 鳥5
2019-08-07 16:46
更正。。 打靶牛 ,買升 打靶架25200
12. 引刀一快
2019-08-07 17:32
鳥5兄

呢度邊個唔係企中國一邊吖,點企法就係關鍵。
13. 鳥5
2019-08-07 18:55
刀兄,对对。。。
14. 十郎
2019-08-07 20:42


      唔怪得6點鐘在櫃員機都冇晒錢。

15. 十一哥
2019-08-08 09:59
雀仔   手風順哩!
16. 鳥5
2019-08-08 11:37
D期,十哥都執到好野War
17. 鳥5
2019-08-08 11:46
十一哥 ,當日我28300沽。你認同。坐下覺得你必定係一個( 夠薑)。 因為當日 其實係一個市場 極興奮 嘅時段。。 在下其實都好佩服。 在下好少做交易 ,一做通常企喺(傻)嘅一方。。 有傻揸到唔傻。。
19. 十一哥
2019-08-12 11:43
冚旗息鼓 ! 
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。