地產論壇
登入名稱
密碼
61. 引刀一快
2019-07-13 00:27
同意自我陶醉兄嘅睇法,香港就係俾地價玩死,買乜都貴過人,質量又未夠日本仔,細路冇咗上進路徑。
62. 真真薯片
2019-07-13 01:49
工作關係我接觸奶多大陸人,有做官亦有打工,普遍算中上產,一線城市請中心有兩三套學區房果種

佢地都受過高等教育,識同你講邏輯,吱係果種郁d叫人衝解放軍軍營既腦殘,但同佢地傾多兩句,發展佢地真心覺得共產黨政府好,香港反共產黨係錯,原因非常簡單,比你係大陸搵份4萬人仔既工,住靚樓揸靚車有仔女,過去十幾二十年冇親身受過任何迫害,將心比己,你會覺得共產黨對你好唔好?

大陸入世20年,類似既幸福中產階級應該最少有3000-5000萬人,你唔好理佢民唔民主定點,生活過得好唔好係非常明顯,人呢生活好就自然支持政府,道理一字咁淺

香港搞成咁,問題在於香港好多政策都係侵犯本地人利益,大陸一線城市同新加坡都有大量外來移民,但係人地主要通過房屋將外來人帶黎既財富轉移比本地人,例如大量外省人湧入廣州深圳,拉高經濟同樓價,本地人有樓,就從樓價/收地分享到經濟利益,收左錢自然就收聲,新加坡情況類似,平賣組屋比本地人,本地人放租比外勞,有租收自然收聲

香港大量本地人住公屋,外來人湧入拉高經濟樓價對大部份住公屋既本地人完全冇作用,一蚊都分唔到仲要承受通漲之苦,淨係得地主贏晒,然後貧窮繼承落下一代,再見到劉嗚偉做青年委員會主席,仲唔佛都有火?年輕人依家先反枱,其實已經非常仁慈和理非
63. 引刀一快
2019-07-13 02:19
真真薯片兄

呢D人係你接觸過,還是係你長期相處過?

我敢講,對著你呢個香港人,講覺得現況好,好滿意,根本就係條件反射,條件來自兩個因素,第一,口口聲聲話香港人係中國人,實質佢地認為香港人係有外國背景嘅,要裝槓,除非佢好信任你,由細到大都防人,點解要講心底話你聽?第二,就係自尊,絕大部分大陸人都覺得香港人自恃身份特殊,而又暗暗認同香港人有多少優勢,自尊要取得平衡,當然講好話保門面。

唔同地方,對外地人態度都好唔同,廣州算包容,深圳本地人少,上海排外但唔排老外,同收錢關係,未必如你所講咁密切。
64. 自我陶醉
2019-07-13 09:21
aa+ 兄

我自小就跟家父回鄉探親,而且近十幾年的工作和投資都離不開國內,親眼目睹這數十年的巨大變化,從小時吃個饅頭是啡黃色的,住的房是破舊的,至今日所有大城市都比香港先進,感受特別深。 

個人認為,他們的資訊不全面,並非反對培養critical thinking 的理由,相反,我哋應該主動提供更多機會和渠道讓更多人可以親身了解祖國,擴闊他們的眼界,令他們有更全面認知,讓他們自己客觀判斷,這才是正道。

我身邊嘅朋友,有很多愛國份子,但亦有不少一提起大陸就會破口大駡的人,就是你說的那些只從書本上、網上或其他人口中得知中國是什麼的香港人。 我一般會叫他們先放下幾十年前的仇恨和恐懼,回國看看,自己感受一下,我甚至會邀請一些朋友到國內走走,到我國內的家小住。 如果每個認識中國的港人都能這樣做,他們慢慢就會發現,國內很多城市一點都不亞於香港,今日的中國,其實已經不是他們心中的中國了。

香港現在的問題是政治被一少撮既得利益者操控,他們只圖私利,不顧社會整體的長遠發展,利用國家對香港的關顧,將國內資金大量引進房地產市場炒作,房價、租金高得令市民難以負擔,令社會發展失衡,貧富懸殊加劇,怨氣不斷積聚。經過佔中一役,還不懂收斂,社會政策繼續傾斜,政府不願面對問題,以大辯論為煙幕,用明日大愚這遠水來敷衍公衆,市民豈會不將責任都算到這回歸後的特區政府頭上呢? 

中央為了全面掌控政治局面,把更多的國內青年送到香港進行同化,令房屋問題進一步加劇,造成惡性循環,直接加深年青人對中國的怨氣,才造成今日的亂局。

只有通過溝通和政制改革,讓政府政策以社會整體利益為依歸,解決房地產獨大的問題,社會才能回復平靜,才會有均衡發展的機會。 家和萬事興,家衰口不停,以往有強權無公理的一套,就算短期內奏效,長遠也解不開香港現時的困局,繼續下去香港很快就連二線城市都不是了。


65. 高登友
2019-07-13 09:32
自醉講來講去都係高登仔口中地產霸權、溝淡哩套,咁嘅認知,好難上進喔。
66. 自我陶醉
2019-07-13 10:57
Hongkong People 姐

我只是將自己所見所想說出來,其實每個人都是獨立個體,永遠都不會見解完全相同,各有自己看法一啲都唔出奇,若要人似我,除非兩個我。 

會釣魚的人,懂得自己找合適地點垂釣,根本唔會被地域局限,只有不懂釣魚的人,才會怕今日釣魚的地方明天會消失,這是我們的共通點。 大家各自表述,求同存異,發揮香港多元包容嘅特性,不一定是壞事啊!

67. 路人xx
2019-07-13 11:51
自醉兄,呢度最無資格投訴地霸、政府的應該係你。唔好忘記你一直睇跌呢,唔好怪别人。
68. 真真薯片
2019-07-13 11:53
刀兄,我同d大陸朋友一齊入一間公司度做,一齊由細做到中層,識左十幾年,屋企都上過幾次,熟到爛嫁啦

大陸的確係出現左一大班有錢既中上階級,你去貴商場入面最貴果幾間餐廳睇下,幾本上都滿坐,就係裡面果d人,深圳人口2000萬,當中有大約500萬人(尤其是享受到樓價升既本地人)滿意生活唔奇,咁全國有3000-5000萬人滿意都唔奇,另外,國內資訊極度唔對稱,佢地睇唔到612港警開槍暴打夏確道既和平示威者既場面,再加上大量中間有心人將事件講成係港獨(官方媒體基本上冇提港獨,但係大陸民間流傳消息80%話係搞港獨),所以大陸人對香港依家既事普遍反感,係合理既反應
69. 向泛民说不
2019-07-13 11:54
真真,比公屋你又鬧,唔比公屋你鬧,究竟你想點呢?要公屋or唔要公屋呢?

當然公屋的問題就是令香港人失去了進取心。證明了你們泛民鼓勵福利根本就是糖衣毒藥。

97年到現在,其實居住公屋很容易就存首期。跟著買樓。除了到了最近這幾年之外,因為樓價開始高。為什麼香港班廢佬公屋佬唔肯存錢去買樓,現在樓價升了,先來妒忌,有沒有病啊。
70. 向泛民说不
2019-07-13 12:03
真真,唔L好自欺欺人,現在那批人追求的不但是獨立,不過他們追求比獨立更加高的,要獨立權利,要啊爺政治傾斜,可以做反共基地。又要阿爺保護。你當阿爺傻的嗎?阿爺不定性班暴徒是港獨,因為還不是時機。但是時機一到,一定會清除香港這個病毒。
你地班廢材仲活在過去,完全不知道時代在改變。

【反送中】黎智英:香港人需要知道美國站在他們身後|蘋果新聞網|蘋果日報

71. 向泛民说不
2019-07-13 12:18

什麼叫港奸,賣港賊。泛民狗將香港變成了中美貿易戰中的美國佬的馬前卒。


黎智英: 美國人已經知道香港願意為美國而戰鬥



72. 認同自醉
2019-07-13 12:54
認同自醉兄。宜家社會上戾氣重的主要原因來自房屋問題,這個原因也同樣適用於自醉。因為提子係酸嘅。
73. 自我陶醉
2019-07-13 13:24
67樓

任何香港人,見到香港今日搞成咁都有權出聲。最冇權出聲嘅人,係對社會沉淪視若無睹,對社會分化無動於衷,依然只顧炒個不亦樂乎嘅人。 你有冇見過以前睇好日軍,甘願墮落做漢奸助紂為虐嘅人會抨擊日軍侵華? 呢啲咪叫狗瓦坑有條路囉!哈哈哈!

74. 路人xx
2019-07-13 14:01
所以有人話你嘅認知同高登仔水平一樣,到宜家仲把樓市上升責任推俾政府地霸,無視供應需求低息環境,時唔時玩下不倫不類嘅比喻,仲以為自己醒,係咁上下啦。
75. 自我陶醉
2019-07-13 14:59
74樓

快啲吠多兩聲喇! 再唔吠冇機會喇! 又睇下低息可以救你幾多次。 

你以為全世界淨係香港先有低息環境咩,傻仔! 唔係我唔想睇好,不過咁嘅管治質素,咁嘅水位,梗係留俾啲唔識釣魚嘅人喇! 哈哈哈!
76. 路過
2019-07-13 15:49
To 74 如果你話政府無利益傾斜,未免係企左係利益立場個邊講,衣食住係人既根本,好明顯樓價可以咁高完全源自供應不足,情況好似以前貪心既商人屯米一樣,當時依種情況係可以判重罪,今日亦好多人係屯單位,你可以話俾我聽無,但政府絕對有責任維持社會平衡,如果你話政府實施一啲政策係會令既得利益者受損而唔推行,就好肯定係錯的,你所講既市埸定律明顯有人為成份係裏面,唔同農作物失收導致供應短缺,係人為地導致貨源不足,打過比如發展商投得地皮後拖慢起樓,連大陸你曬地皮都會重罰,香港係任得你擺,縱容發展商用不同手段去得到不同利益,我諗大家有眼睇到,但唔好會錯意,我唔係反政府既人,我重申我既立場,我認為政府架構絕對出現左好大問題,我舉過例子,依幾年鼠患問題嚴重,我公司係荔枝角附近,平時行過啲巷無野,依幾日行過一大浸死老鼠味,即係證明依幾日滅鼠成功,原來每次政府內部都要將啲野暴光哂先肯做,所以我覺得最應該係有一個獨立小組係監察政府房屋方面既問題,唔係個啲什麼土地小組,研究完兩年講左句香港無地就算,如果咁講都完話無利益傾斜,我無話可說
77. 路過
2019-07-13 16:38
另外低息我唔講,供應需求就絕度係需要政府把關,如果把關得唔好,係唔係又關政府相關部門事?如果你話唔應該將民用房既市場同投資房既市場分開,咁就即係利益傾斜囉,同強積金無分別架
78. 唔係我唔想睇好
2019-07-13 16:54
自醉兄,你千祈咪睇好,睇好時才真正大鑊。哈哈哈
79. 路人xx
2019-07-13 17:01
路過兄,小弟唔識政治,如果認為政府利益傾斜,冇問題,做買賣決定時考慮這因素就是了。睇唔過眼象自醉呢種多年睇錯市,分析來分析去結果總是大跌。而家跳出罵政府罵地霸,呢種象小醜一樣嘅行為。
80. 路過
2019-07-13 17:40
其實我亦明白政府唔可以亂施政令到樓市波動,仿佛樓市下滑香港就冧,需然都係現實,但再咁落去香港就會好似澳門只容得下賭業一樣,唔會再有其他野可以發展到, 人才係流動既,但都會去搵就業好宜居既地方,再咁落去香港競爭力係邊呢?
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。