地產論壇
登入名稱
密碼
頁數:
林鄭管治失敗只因為太叻
瀏覽人次:11538    回應:63
林鄭管治失敗只因為太叻
 
湯文亮博士
紀惠集團行政總裁
2019年7月9日

  林鄭公開將「反送中」或者「逃犯條例」擱置兼道歉的時候,表示以後管治將會很困難,很多人不明白林鄭當日點解做出一個如此魯莽決定,難度她不知道香港龍蛇混雜,各國派駐不少專業人士在香港收集數據,如果條例通過,各國可能要將那些專業人士撤出香港,所以,當年輕人佔領立法會,各國政府並沒有深切責備,反而責備香港政府沒有顧及年輕人訴求,導致今次佔領立法會事件。

  有人話林鄭是超級尖子,讀書時年年考第一,在沒有任何背景下升至政務司司長,在差不多是在臨危受命的情況下接任特首,不過,叻人是有一個特點,就是手下的人唔叻,他們只會按本子辦事,於是政府就變成一言堂,就算林鄭每月做足16小時,辛苦過諸葛亮,都唔能夠管治好香港,因為沒有叻人輔助,以今次「逃犯條例」事件為例,點解沒有官員提出相反論調,以至事情變得一發不可收拾,有老友話我亂噏,大家從授勳的人士當中,見到有不少是公務員,這證明公務員隊伍猛將如雲,點會冇叻人,如果唔叻,政府又點會頒授勳章給他們,老友又講得冇錯,但點解咁多叻人竟然做一件傻事。

  現在林鄭已經道歉,並且將條例擱置,但反對人士似乎不滿意,他們要求林鄭下台,我認為這是非常危險,因為是林鄭擱置條例,如果林鄭下台,新特首可能重啟立法,我認為爭取「反送中」的人已經贏了這場仗,繼續下去,很有機會變成貪勝不知輸,不過,很多人不會同意我的講法。

林鄭管治失敗只因為太叻
1. 只因為太叻
2019-07-09 10:57
蠱市專收叻人!
2. Zeitgeist
2019-07-09 11:36
Success has many fathers,failure is an orphan.
3. 十一哥
2019-07-09 12:10
沉底二五…四萬嫡傳…親過姊妹。
建制班蠢材…贏多少沉醉了、就整單勁嘢打沉佢、阿姐最多躹個躬…建制就輸到穿窿。

4. 亞Q
2019-07-09 12:15
叻就唔會參加年初民主黨黨慶晚會 , 叻就唔會即席捐款三萬大元賀民主黨黨慶 , 叻就唔會俾民主黨黨主席在立法會大罵"你唔死都無用 , 八婆 !" .

歸根究底 , 叻就唔會以為可以大和解 , 以為自己與前幾任特首非常不同 , 可以同泛民好friend ! 不了解一坐上這位就是箭靶 , 就是泛民公敵 ! 
5. 沉底二五
2019-07-09 12:16
叫得孖田或 martin 嘅都係冇好人。
6. 可以同泛民好friend !
2019-07-09 13:09
跟阿爺點可以唔學鬥爭?
7. ~~~!
2019-07-09 14:30
林太叻,但唔止手下唔叻,很多市民也唔見得有幾叻,真喺仰天長嘯.

8. 向泛民说不
2019-07-09 14:40
楼上,阿爷比了很大的自由度比香港,先会出现现在不可收拾的境况。一国两制,本人估计最多都系玩多10年。其实西方传媒也开始帮香港倒数。回归以后,年轻一代被基督民主祈福党洗脑,基本上已经非常仇中。基督民主祈福党垄断了教育界,可以不断的向学生传播仇恨,仇中教育。今次事件,7成到8成的年轻人走了出来。这些人基本上都是仇中。以此计算,现在是越迟收回,到收回的震动会越大。风险就越大。因为越迟收,就越多仇中港人。

中央仍然忍,就是因为目前中国还没有准备好和西方国家摊牌。目前中国科技上很多关键零件材料工具,还需要美国日本的供应,一旦摊牌,中国的工业可能会像60年代中苏摊牌时候,短暂的死亡。经济可能会崩溃。所以暂时在香港问题上。中央是守,只要不继续恶化,还是会忍的。一国两制的死亡时间就由饭民决定,主动权在饭民那边。仲有要记住,大陆经济崩溃,香港肯定也是跟着崩溃。今次,香港只是中美争霸的一个战场。饭民主人不会理香港人死活。

这两日韩日贸易战,日本吾卖3样关键材料比韩国,如果真的这样,三星估计在3个月内会像中兴一样的休克。当然日韩都是老美的傀儡,老美不会让这样事情发生。不过本人有阴谋论,项庄舞剑,意在沛公。就是美日逼韩国吾好卖零件比中国。日韩贸易战应该也是中美争霸的一个战场。台湾那边宣传单上韩国是中国的代言人,日本是美国的代言人。其实大家都知道日韩都是美国的半殖民地。不同的是日本安倍听话,像哈巴狗,韩国没有那么听话而已。
9. 向泛民说不
2019-07-09 14:48
今次其实也很难怪林郑,林郑只是一个公务员出身的特首,根本吾识玩政治,今次林郑其实是输比海外CIA,台湾特工和法轮功组织。所以中央看来也不是很怪林郑。见吾道大陆媒体批评林郑。

仲有政府内部难道没有民意调查吗?建制派难道没有民意调查吗?点解完全不知道会有那么多废青弹出来。

如果话边个有责任,建制派才是最大的责任,今日东方闹建制闹得好。全部都只是识派米。年轻人被基督民主祈福党洗脑到仇中,都仍然不知道。派下米,就有老人家选票。完全忽略年轻人。

当然今次也像当年老毛的引蛇出洞,基本上中央也可以看的很清楚,谁是人,谁是鬼。

10. 向泛民说不
2019-07-09 14:52
4楼,你是不是无间道,作为特首,去民主党酒会,捐一下钱,摆下姿态,先礼后兵,有什么问题,好正常。

饭民点都好有50%选民支持,吾可以ignore。
11. 真真薯片
2019-07-09 15:41
如果實事求事,平心而論既話

既然撤回同暫緩冇分別,咁不如換個講法做撤回啦,否則只會一直比人狙擊

至於撤回暴動定性,既然法律上任何人表態一件事是否暴動係完全冇法律效力,咁林鄭同一哥大哥絕對可以撤回所謂暴房定義,即係sorry, 當佢冇講過,而之後法庭回判就同佢地講過/冇講過乜完全冇關

至少成立獨立調查委員會,其實成立調查委員會查晒示威者同警察兩邊先可以服眾,示威者亦冇理由反對委員會查埋示威者,612果個清場爭議太大,呢個係社會最大怨氣,監警會去查係難以服眾

至於釋放示威者,可以將個波交埋比調查委員會,委員會去裁定示威者用左幾大暴力,再定定告定唔告,是否值得求情等,起碼唔會比人咬住唔放

最後要林鄭下台,佢自己唔下台,起碼交返兩個問責官員出黎,件事搞成咁,成個問責團隊全部冇事,市民當然不能接受

林鄭做到以上五點,起碼八成市民收貨,勇武示威者冇左群眾支持,就難成氣候,問題自然解決

不過林鄭唔想負責任,佢以為打出埋d空城計屎橋,想解決提出問題既人去解決問題,咁梗係越搞越大鑊啦,612開槍係第一錯,搞到阿爺喊停,71空城計係第二錯,依家連阿爺既錄音機式支持口吻都唔見埋,佢真係太叻,叻到返唔到轉頭
12.
2019-07-09 15:48
林鄭係當年西九文化中心快刀斬亂麻硬推,得到阿爺心先擊敗曾俊華上位。
今日既送中係故技重施,奈何影響事大,市民不能不理。結果太自負惹禍。負評仲勁過第一任特首。
50年不變,大家既認知。
但中國單方面想一路變,50年後完美接軌。
香港後生仔冇路退,住...絕對係後生仔最大人生問題。政府冇人去理。只係急住去理送中。
安居樂業才是施政王道,基本野唔做,一味照顧上邊,唔會得民心。

13. 查晒示威者同警察兩邊先可以服眾
2019-07-09 16:04
問題係示威者係乜野? 一班嬲蘿? 香蕉雄? 前世廉署調茶員? 郭包皮? 機師? 尋芳安心? 主教? 一邊有主體一邊虛無縹緲, 查完一邊唔駛發落一邊要孭鑊. 本來條例嘅理性爭論點係我同你都冇本事做逃犯冇所謂, 然後又拉到貧富懸殊, 習慣被贏在起跑線的細路搵唔到出路, 咁哩個會要調查啲乜? 以上所有? 調查正苦施政失誤偏幫既得利益? 咁又要查幾年前圍成哥幾年後圍正苦? 個會係咪靈丹妙藥可以改變正苦同利益者的關係, 係又唔區喎。 
14. 最大人生問題
2019-07-09 16:11
咁你唔去圍地霸? 因為正苦偏幫地霸所以又係圍正苦? 都係嘅, 哩個地方太細, 個個人都有千絲萬縷嘅關係, 唔通阿爺要學英治時期派人黎管先掂?
15. 真真薯片
2019-07-09 17:09
示威者咪捉左一大堆囉,咩冇主體者,起碼幾百人比警察抄晒身份證,果d咪調查對象囉,有左調查委員會咪召晒佢地上去照肺,睇下佢有冇行駛暴力囉

有d片如果搵唔到示威者,淨係傳招到警察,咁仲好啦,有你講冇佢講,疑點利益歸於被告,警察咪光明正大甩身囉
16. 睇下佢有冇行駛暴力囉
2019-07-09 17:13
唔係吓話, 醒嘅搞野嘅一早閃左啦, 淨低哩啲踎響修頓外邊聽拉, 用完整句子交代自己意思都有困難啦。
17. 引刀一快
2019-07-09 17:14
十一仔戇x。
18. 向泛民说不
2019-07-09 17:26
12楼,吾L好无知啦,连老美都发现一国两制可能提前收回,你仲想50年不变。

今次给中央见得的,就是香港人已经被洗脑成仇中,港毒泛滥。所以估计10年内,23条,送中自动生效,因为没有一国两制。
19. 向泛民说不
2019-07-09 17:30
真真,你讲甘多废话,不如去冲击解放军营,你成功左,你就咩都得,不过你吾够胆。

暴徒就是暴徒,锭砖锭铁枝就吾系暴徒啦。今次放过这些暴徒,下次他们肯定更加极端。
20. 路過
2019-07-09 17:31
完全支持博士講法,根本唔關林鄭事,唔通公廁個馬桶塞左都入佢數?會唔會搞笑啲,佢依個位係好多野唔做得同唔講得,我由始至終立場都係話,政府裏面既中高層出左問題,所有部門無互相溝通,唔做唔錯,有同政府做過野既人就知,卸膊速度快過音速,,處理問題全部都拖延,你睇屯門公園燥音問題,拖左十年都唔處理,要搞到啲人燥哂衝出黎,今日一個會搞掂左,跟住又黎賴上個星期要處理示威所以人手不足,咁前九年都人手不足?以班人係政府廢左十幾年,我可以講佢地俾任何議員特首都可惡,議員我可以唔投佢票,依班官員無人吹得佢漲,審計署每次要佢解釋點解咁差,頂龍講句會檢討就無事,不如全部外判算啦,我覺得絕望根源係佢地囉
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。