地產論壇
登入名稱
密碼
頁數:
茶餐廳亂話(542)亂未必唔好
瀏覽人次:8430    回應:7
茶餐廳亂話(542)亂未必唔好
 
湯文亮博士
紀惠集團行政總裁
2019年7月8日

  今早去到茶餐廳,見到好忙,老闆幫水吧安哥冲咖啡,老闆娘見到我,立刻投訴佢老公,話去了幾日旅行,茶餐廳的消耗多了很多,單是杯杯碟碟都打爛了很多,老闆娘可能唔知道,這幾日受惠於同區有一間酒樓結業,全區茶餐廳的生意都升了不少,生意突然增加,難免伙計手忙腳亂,情況有一點亂,打爛一些杯杯碟碟在所難免,於是問老闆娘,茶餐廳的生意是不是多了,佢話的確多了很多,亦計過條數,打爛幾隻杯碟都有化算,其實,亂並不是唔好,如果冇生意,的確可以小小心心去做嘢,唔會打爛杯碟,但唔夠生意,講乜都係假。

  近日香港受到「逃犯條例」影響,令人感覺到很亂,某些國家立刻對香港發出旅遊警告,其實,香港人又唔覺得很亂,或者是亂中有序,未來將會有一段時間18區輪流示威,港島的商戶可以抖一抖,不少人將香港同星架坡比較,認為星架坡相當平靜,香港永遠都學不來,老實說,如果香港好似星架坡咁平靜,代表香港沒有價值,我相信很多香港人都不願意,亂在香港並不是壞事,如果唔亂反而是壞事,如果鍾意平靜,可以移民去星馬台,但唔知點解,又唔係咁多人移民,老闆在冲咖啡時聽到我同佢老婆傾計,竟然大大聲聲話愈亂愈好。

茶餐廳亂話(542)亂未必唔好
1. 真真薯片
2019-07-08 14:56
阿爺講到明想要香港回復平靜

不過我都同意未來半年香港係越亂越好,因為某人揸旗完全無分吋,進退失據,最慘係佢唔覺得自己有問題,上個月如果唔係阿爺最後關頭出手喝住,全體香港人已經比佢帶住撼頭埋牆,比佢繼續揸旗有如全香港人坐上巴士比佢玩醉酒駕駛,實在太危險,此人必須換走,而想換人就必須要亂,香港加油
2. 十一哥
2019-07-08 15:12
何妨將遊行…打造為香港特色、揾勻全世界冇邊度遊行會得到正苦咁大力嘅支持、差佬開路攔車…冇限量供應鉄馬/水馬…自帶尼龍索帶發揮創意組合得嘞、中間佈置定19班~記者做型~人士隔防、基本上安全過平時行街、新思維觀光事業嘅突破…一於加強發展、上街作為新世代展露抱負嘅出路、唔洗再縮喺屋企用鍵盤嚟發脾氣。
3. 無奈
2019-07-08 15:25
小亂無傷大雅,更能體現兩制的穩定性。

示威仍在進行,那邊廂資金續流入,樓市價量齊升,香港可愛之處,史上罕見。

亂還亂,千奇唔好搞出人命,雙方都要克制。警方維持秩序亦相當克制,應該贏回不少民心,比組織幾十萬人去撐有效多了。
4. 引刀一快
2019-07-08 17:32
真真薯片兄

如無意外,兄台求仁得仁。唔好以平常心態評估某些人,往往令你意想不到。

估計未來要麼越來越亂,要麼集體放棄,一齊為香港祈禱吧。
5. 真真薯片
2019-07-08 18:35
無奈兄,警察只要堅持打拳頭交,基本上冇人會話佢地,最怕係忍唔住開槍流血甚至死人,咁外國勢力就大條道理介入,鬼佬最想見到既畫面,其實就係港警鎖壓市民既醜態,武器越勁越好,希望警察忍得住,我建議一哥成立“比人鬧津貼”,警察比人鬧既話,可以收取每六秒六毫既額外津貼,警民關係肯定立即改善,好過搵cctvb拍埋晒d打飛機片
6. 引刀一快
2019-07-09 00:10
呢鋪,鬼佬做咗香港救星喇。
7. 說3道4
2019-07-09 08:37
1 樓好像完全不明今次反中暴亂背後真正黑手和目的,與小暴徒一樣只看表面,香港沉淪未嘗沒道理!!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。