地產論壇
登入名稱
密碼
頁數:
別人不恐懼,我不敢貪婪
瀏覽人次:16561    回應:45
別人不恐懼,我不敢貪婪
 
湯文亮博士
紀惠集團行政總裁
2019年7月5日

  在7‧1佔領立法會事件之後,有不少記者問我有關樓市下半年走勢,現在賣樓的人是不是受到「逃犯條例」或者佔領立法會影響?我會不會趁低吸納,抑或擔心香港的情況惡化而放售一些物業。

  很多人都以為現在賣樓的人是受到佔領立法會影響,我認為不是,就算有,所佔的比例都是很少,那些人賣樓大多數都是個人的問題,不過,如果有記者訪問他們,他們有理冇理都會說擔心香港受佔領立法會影響而賣樓,傳媒綜合所有訊息就會報導市民擔心佔領立法會之後,政府未能有效地管治香港而賣樓。

  我作為一個投資者,一定要懂得在適當的時候吸納一些優質物業,什麼是適當時候,就是大多數市民對樓市產生恐懼,在沒有必要的情況下賣走手上的優質物業,現在樓市雖然下跌,但我見唔到有優質物業放售,換句話說,還未有人恐懼,我又點夠膽貪婪,我並不是不想買樓,但在樓市開始下跌時買一些非優質物業,絕對不是一個合格物業投資者的所為。

  我認為今年下半年樓價是會下跌,甚至消耗上半年升幅,令到今年打成平手,但樓市下跌原因並不是受到「逃犯條例」或者佔領立法會影響,否則,下跌的應該是中大型單位樓價而非小型單位,而我估計只是小型單位樓價會下跌,中大型單位就算唔升都會保持平穩,如果我的估計沒有錯,下半年的細價樓樓價的跌幅將會頗為巨大,現在買小型單位必須三思而行。

  影響樓價的因素有很多,而現在大部分都是有利樓市,例如供應不足,需求龐大,中美貿易戰緩和,「逃犯條例」事件告一段落,暫時唯一不利消息是利息則出現上升趨勢,就算美國減息,香港仍然會加息,加息令細價樓業主,尤其是採用高成數按揭的業主負擔加重,有可能被迫出售他們的自住單位,由於中型以及大型單位業主的按揭成數受到逆週期措施所限制,借貸比率不高,變相防守力加強,那些業主是沒有需要賣樓,除非他們恐懼,擔心香港局勢受到佔領立法會惡化而賣樓,當中一定會有一些優質單位,當大家見到這個情況,如果手上有現金的話,不防貪婪一下,話唔定可以買到一個「平、靚、正」單位,有很多人睇法比較消極,認為那些「平、靚、正」單位是可遇不可求,其實,如果有心買的話,一定要事前做足功課,遇到荀盤可以毫不猶豫下決定,買優質單位是應該主動一些,是「可求不可遇」而非「可遇不可求」。

別人不恐懼,我不敢貪婪
1. 真真薯片
2019-07-05 10:25
送中條例令部份大陸資金著草去新加坡,造成資金外流,數目係以百億計,同時產生加息壓力,上次加1/8里都跌兩成,加息威力係絕對不能輕視
2. 腥港人
2019-07-05 10:43
新加坡係獨立國家,香港唔係,就係咁簡單。當資金發現香港原來咁脆弱,梗係走夾唔抖啦。
3. 政治不明朗
2019-07-05 10:44
博士似乎仍然很樂觀。香港五年内將會大變!二十二年,人心愈行愈遠。
4. 十一哥
2019-07-05 10:55
香港資金係水流柴、日日湧出湧入、報導資金屬性多數斷估冇洗根據、冇次中唔緊要…學三姑6婆咁亂噏…大話肯定變成秘笈、人性就係咁…
6. 十郎
2019-07-05 15:12


      我是淡淡都唔駛點講啦 , 我之為淡 , 並不是為左買定賣 
。有資產的人 , 跌價的話始終有損失 , 這樣誰想跌價呢 ? 我係從推理得出結論 , 準不準 ? 信不信 ? 唔準就最好啦 , 準就唔駛倒瀉蘿蟹呀。推理 :

      1 ------ 中美貿易戰並不是想做多d生意 ,搶多d客 , 美國想賺錢 , 收支平衡 , 誤會了 , 這是霸主霸權之戰 , 往死裏打之戰。 用鐵斧頭打不過 , 就出軟斧頭打殘對手經濟 , 呢蕉好毒。最簡單就是推冧中港樓市 , 最容易是加息 , 這是戰略 , 呢一日遲早會到 , 小心為上。

      2 ------ 樓價升降受供應影響之外 , 經濟同失業率好重要。中美貿易戰的產品就是這些東西 , 經濟不好同失業增加 , 唔需要中美貿易戰分出勝負才出現。好似現在空舖增加 、零售不濟 、消費(酒樓食䮇)呆滯 、股市下跌 、內地壞帳轉差(東亞) 、自由行減少(沙示靠佢番生) , 香港競爭力係零(一個鐘頭最低工資 , 唔夠一碗雲吞麵)。係唔係準備過寒冬呢 ?

      3 ------ 購買力不足 , 樓價脫離左普羅市民購買力 , 單靠一群有錢佬支撐樓市 , 唔好把有錢佬當成傻仔 , 傻仔就你開乜野價都就晒你 , 試下一百蚊一舊豆腐買唔買 ? 買果個米傻仔囉。

      其實錯過一些機會 , 冇乜重要 , 我對自己講 , 賭場日日都開嘅 , 唔駛日日賭嘅 , 手風唔順 , 形勢唔好就休魚期囉。



      
7. 破頂
2019-07-05 16:39
今年香港樓價破頂之勢已成,皆因危機四伏得太緊要,令人擔心銀紙變成草紙(如當年的金元券)。

兵荒馬亂,只有白痴才揸重現金。2008年金融海嘯,沽咗樓變成租客班人,只好上街。

Cash is pain, not king!
8. 文盲炒家
2019-07-05 18:46
呢幾日全世界債券升到吧吧聲,如果現金冇用,班投資者就唔會湧去買bonds啦!樓盲真係儍嘅。哈哈
9. 回8樓
2019-07-05 18:57
讀過書未?息跌所以債券升。息跌,樓價會大跌?文盲真的是儍的好搞笑。😊
10. 引刀一快
2019-07-05 18:59
十郎兄

 其實錯過一些機會 , 冇乜重要 , 我對自己講 , 賭場日日都開嘅 , 唔駛日日賭嘅 , 手風唔順 , 形勢唔好就休魚期囉

根本冇話錯過唔錯過,冇喺呢度贏,可以喺第度贏,就算唔贏,起碼有得玩。
呢度有啲人,知道贏咗先至大聲啫,又有啲人,根本冇贏,一味摟你落注之嘛。
11. 真的是好恐懼
2019-07-05 19:03
投資者「物流張」張順宜早前以「天價」630萬沽出中環中心車位,頓成市場熱話。張氏昨表示,這車位不能直接抵達該廈每一樓層,於中途需要「轉𨋢」,對於日理萬機的老闆仍有不足之處;現時手持該廈另一B1層車位,該層升降機可直接抵達每一樓層,以800萬放售,若最終以該叫價售出,定必震驚市場。

香港人越是上街反對一切,樓價車位商舖就越升。吹脹!連
823領野個股價都都被嚇到不斷破頂,追到氣咳!


12. 想窮都難
2019-07-05 19:15
班細佬呢下助攻真係靚仔,攪死左送中條例,令投資者安心。中美貿易戰搞到下半年仲要大機會減息,順手打殘明日大嶼搞到黎緊土地大幅度減少,所有利好因素一次過大爆發,明年CCL升到250㸃冇問題。

香港是福地,想窮都難。😊
13. 十郎
2019-07-05 19:36


      刀兄 , 其實我漏左一句 , “ 唔駛舖舖賭。

      股票市場點解會咁多人輸錢 , 就係因為舖舖賭。唔信 ?  你問下賣左貨嘅人 , 佢d錢在荷包裏 , 唔會多過1小時。駁士話磨穿蓆。

14. 江湖少俠
2019-07-05 19:39
1. 反送中二百萬零一人出街,林鄭嚇到失禁,填海計劃胎死腹中,相信未來幾年不會再提。


2. 立法會衝擊事件,空置稅同樣胎死腹中,今年唔會再卡立法會,出年也是排到無期,唔夠膽再上立法會。


3. 公私營合作發展農地,因為驚被指官商勾結,同樣胎死腹中。


4. 林鄭樣樣唔夠膽做,目前唯一可做,等樓價瘋狂再升五成,等全城焦點轉移去樓價,然後到時再出手調整,重提填海空置稅以凝聚民意。


所以,目前樓價上望升五成完全無阻力,配合減息潮,升災會好得人驚!
15. 我恐懼
2019-07-05 19:45
現在大部分人都恐懼,就算是資深物業投資者都擔心樓價過高,每每看到利好因素都不敢出擊,甚至唱反調。

別人恐懼我貪婪⋯談可容易。
16. 十郎
2019-07-05 20:46


      在投資世界 , 任何東西只有一個名字 --------- 貨物。金、銀、空氣、時間、陽光、海水、沙、英鎊、日元、樓宇、汽車 , 通通都是貨物。兵荒馬亂揸現金當然白痴 , 揸樓就唔白痴 ? 揸乜野才唔白痴 ?越南船民話係黃金。

17. 鳥5
2019-07-05 21:05
刀兄,你胙晚, 驚嗰啲。。 真係有可能發生。。。 權鬥係 資訊最忍 閉, 智力最高呀一羣個人, 一般人, 都好難觀察到。。 贏同輸咗都係。。。 勸君都無謂多想。。
18. 鳥5
2019-07-05 21:23
債市升,係 資產價格跌... 債市升股市升,就係是但一邊错。 債市市埸巨於 股市場。。。 兩者矛盾。。。 後市就係債巿方向 啱嘅機會大。。。
19. 鳥5
2019-07-05 21:32
債巿,同股市,我咁比喻。。前者地心吸力,後者弹跳力。。2者大部時間矛盾。。。
20. 鳥5
2019-07-05 21:37
8樓,我咁表述你會比較易 理解 ,啲呢種 經濟物理學

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。