地產論壇
登入名稱
密碼
頁數:
特朗普是一個非常精明的賭徒
瀏覽人次:16566    回應:45
特朗普是一個非常精明的賭徒
 
湯文亮博士
紀惠集團行政總裁
2019年7月3日

  如果有得揀,千祈唔好同特朗普對賭,因為他是一個非常精明的賭徒,不是特朗普賭術精明,而是他懂得進退,大家千祈唔好以為贏谷輸縮就是懂得進退,這只不過是講賭徒的心理,贏就心熊,輸就心慌,甚至可以說進退失據。

  以前傅老榕在澳門開賭時話有三種人必定輸錢,一是磨穿蓆,即是賴死唔走,長賭必輸這個道理很多人都明白;二是孤寒注,即是輸咗就谷,一定會輸得很慘;三是騎劉皇馬,即是挪用公款去賭的人,一次唔輸就必定有下一次,最後只會身敗名裂收場。

  現在已經很少人提及上述那三類賭徒,亦簡化必輸的賭徒為兩類,一是要贏到盡,冇人知道幾時可以贏到盡,倒頭來想贏到盡的賭徒一定輸,不過,那些賭徒絕不會輸死,最大鑊的賭徒就是唔認輸,即使手氣不佳,現金不足都不願意離場,最後一定會輸到一窮二白。

  特朗普在G20峰會與習主席見面,一般人都以為美國一定會企硬,中國要大幅讓步才可能達成協議,誰不知特朗普與習主席宣佈重啟貿易談判,美國放寬華為禁令,這令很多人不明白,他們認為特朗普應該趁中國病,攞佢命,點解要放過中國,美國民主,共和兩黨更加不明白。老實說,中美貿易戰,美國的確佔了上風,中國是處於捱打狀態,或者只能作出一些力度不強的反擊,但如果美國擴大關稅,中國當然會受到損失,但部分損失將會轉嫁到美國的消費者身上,這將會影響特朗普選情,重啟貿易談判即是唔贏到盡,不會影響已經得到的勝利果實,這雖然是一個很精明的決定,但仍然有很多賭徒可以做到。

  特朗普在G20高峰會之後,隨即紆尊降貴去朝鮮與金正恩會晤,這表示他願意認輸,因為上一次與金正恩會面,雙方不歡而散,今次主動要去朝鮮,隨即得到金仔讚賞,並且表示會出現一個意想不到的好結果,估計美國會放寛部分制裁,無論結果是什麼,對於美國,中國,朝鮮以至全世界來說,都是一個好消息,特朗普不單止是一個非常精明賭徒,更加是一個精明的政治家。

特朗普是一個非常精明的賭徒
1. 十一哥
2019-07-03 11:06
儍侵唔怕醜…敢投降…刻意胡言亂語詐儍扮懵、專業賭徒格局…戰術上多變…戰略目的明確、唔好同佢玩招式…衹在戰略目的截擊、阿爺格食格…小聲氣…咪咪笑…唔褪唔大一味死跟。


2. 真真薯片
2019-07-03 11:14
今時今日既世界大局,中,美,朝鮮,伊朗,台灣問題互相影響,已經炒埋一碟,強如侵侵都要忍手唔打伊朗,貿戰放水比中國,習帝都要忍痛叫停送中,林鄭以為自己夠票好打得就可以無視全世界盲衝,林鄭仲自大過習帝同侵侵,一係就係太蠢兼無知,咁多人反佢,仲多人過反689,唔係冇原因
3. 亞Q
2019-07-03 11:24
特朗普輸剩條底褲,而且係中國製造的褲 ! 習近平如果大坂G20不出席特朗普便進退維谷,馬上加稅自己玩完,不立即加稅自己好無面 !
4. 鳥5
2019-07-03 12:44
十一哥,有見地。。。 大陸戰略勝一 截, 戰術價格又怕 遲蝕啲畀你啫。。 時間企響 大陸一方。。 戰術價格贏你就係遲早嘅事。。。 傻侵 醒目 褪一褪。。。 論心理質素, 一個破產四次翻新做總統 。。一個畀人刺殺咗幾次唔死得,做領導人。。 棋逢敵手
5. 鳥5
2019-07-03 12:46
更正 戰術價格唔怕 暫時 蝕啲畀你啫。。。
6. 鳥5
2019-07-03 12:57
大陸 嚟緊呢十年 攪唔死就贏。。。 美國 攪人唔死就自己死。。。 一個九天戰者。 一個九地戰者。 兩個玩開不戰而屈人兵。。。雨者善者。 百年期局。。
7. 鳥5
2019-07-03 13:02
我咁樣表述呢個棋局, 唔知又會唔會抽象得滯...
8. 鳥5
2019-07-03 13:07
一個善攻,一個善守。。 時間越長 善守蠃。。 遊擊戰, 我唔死就你死。。。 運動戰, 你唔死就我死。。。 誰勝誰負 重點響時間表 ... 咁樣表述就 講得 白啦
9. 鳥5
2019-07-03 13:16
大陸係要 將個決戰時間表, 拖出對手時間預期。 較為有利,
10. 鳥5
2019-07-03 13:29
中美本身,冇絕对 地緣政治問題。。 唔係俄羅斯 住響美國隔離。。。。 大陸表述 係兩個超級大國並存, 一個大一個細。。。 唔係搞霸權 一個玩曬。。。 戰略目標 大陸贏面大
11. 引刀一快
2019-07-03 15:25
真正想中國死嘅人,唔係美國係俄羅斯,美國做嘢係因為侵侵未當選之前就通俄,始終美國要留一手,萬一中國死,俄羅斯必然重新坐大,到時有錢有武器。
12. 向引刀‧土著‧自醉‧浪子說不
2019-07-03 15:52

維持睇法:

相信,地產資訊網無人有智慧有學識能解讀到今天中美的波譎雲詭、爾虞我詐之國際政治外交形勢。何解美國在貿易戰中會認輸?特朗普點解唔封殺華為與中國鏈到盡?特朗普並非黑社會大哥傻嗨,而且還有很強的紀律性和江湖道義,有文有路。

14. 向引刀‧土著‧自醉‧浪子說不
2019-07-03 20:02


今次在貿易戰遭殃的中國科企普遍在深圳起家,很大程度反映了當地的成就,事關不論企業或人物,要「上位」難免會觸碰既得利益,惹來眼紅妒嫉,招打壓和拖後腿,這是任何成功逆襲者必經考驗,正所謂「鐵不打不硬,人不打不旺」;又如前輩政論家張立講過:「不要投訴被打壓,因為這是正常的。過不了打壓關,證明心理、能力、魄力均未夠班。資產階級有樓有高潮者,該起者壓不住,被壓住者無產階級大陸引刀傻嗨,土著,自醉,浪子,望東樓,本來就不該起。」



15. 大頭D
2019-07-04 09:53
打完下半場,中國隊打平美國隊。領隊通過初心和長阷的洗滌,先派出女主播打花槍。後平定內部分岐。

先賣掉美債,再買黃金,美國手持75%。花錢買美國農產品,叫肥仔帶金雞頭過來行人類的歷史一少步。派老共恐拒,叫老友射下無人飛機。

合則兩利,俱則兩傊。把金雞頭下年續任作賭注,可能底牌是他的黑材料。

結果是個人利益行先,中國人五千年的治人術。
16. 鳥5
2019-07-04 12:35
15F, 有見地 ,外交無小事 ,用嘅係body language。。。 大陸係少講多做。 要對手估。 九地戰者。。 美國係多講少做, 甚至小題大做。 驚你唔知佢做緊乜。九天。。。 兩者都係不知以為之兵
17. 鳥5
2019-07-04 12:36
更正。。 不戰而屈人之兵
18. 鳥5
2019-07-04 12:44
開拓更多戰線, 增加對手 戰爭成本, 目的第一個, 打继對手 節奏與其。。。 每步之間, 會有個小時間, 大陸一方就會係觀察, 睇下对方是否符合大陸一方預期 然後再下一步。。。先劃紅線.. 袋型戰術... 都係呢一種形態 屬於九地之戰者...
19. 鳥5
2019-07-04 12:58
美國一方屬於強者打法, 德國佬二戰運動戰, 獅子搏兔 以快打慢, 先聲奪人。。 大陸一方, 以弱制強, 拉長戰線, 時間換空間, 拖得就拖, 乜都有得傾 ,其實唔7傾。。 話畀粒糖你, 不過唔知幾時。。 拖到佢最有優勢嗰陣時佢咪同你傾囉。。。 買貴豆? 一年貿易戰後, 全球多咗幾多種豆嘅農地巴西 美國 計埋俄羅斯。。。 隨時多咗三倍供應。。 貿易戰後 隨時大豆價格 平一倍,習生多謝你唔少啦, 上年同今年咪又係14億人食豆, 你使驚冇得食, 食死你都得啦
20. 鳥5
2019-07-04 13:01
大陸人仲驚冇得食? 玩到你要減肥都仲得? 而家嘅共產黨 喺出面炒嘢炒到好叻㗎, 後起新秀
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。