地產論壇
登入名稱
密碼
頁數:
茶餐廳亂話(533)點解台灣人咁鍾意罷工
瀏覽人次:23805    回應:4

茶餐廳亂話(533)點解台灣人咁鍾意罷工

 

湯文亮博士

紀惠集團行政總裁
2019年6月21日

  今早去到茶餐廳,見到一位本來話要去台灣的熟客在飲咖啡,唔使問阿貴,一定係搭長榮航空。因為罷工所以冇得去,老闆問好似好耐除了台灣之外,唔聽到有其他國家或者地區罷工,公司罷工更加絕無僅有。如果伙記唔鍾意,東家唔打打西家,不需要罷工。今次長榮航空罷工,連台灣人都不明白。因為長榮航空的待遇比中華航空高很多,這個事實連罷工的人也承認,但點解仍然要罷工。或者,這是權力遊戲,工會向資方顯示他們有動員能力,但罷工有可能令長榮航空倒閉,就會變成一個雙輸局面。或者,這是民主的體驗,因為民主制度裡講到明市民有罷工權利。

  香港亦有人號召三罷,即是罷工、罷市、罷課,最後又撤回,叫大家出心。我認為香港人忙於搵食,罷工罷市就做唔到,現在不少行業都不是十分好景,罷工會令老闆順便執埋盤生意,罷工的伙記仲要做埋衰人。雖然香港的失業率處於極低水平,但因為罷工而失去工作的人大多數不能夠搵到以往的工資。所以,在唔影響工作之下,星期日去遊行就沒有問題,罷工就可免則免。這是台灣人不明白的地方,今次長榮航空罷工的人,如果知道長榮會因為他們罷工而結業,一定不會罷工。不過,他們睇死台灣政府出手,所以久唔久就玩下罷工。這就是台灣停滯不前的原因。

茶餐廳亂話(533)點解台灣人咁鍾意罷工
1. 真真薯片
2019-06-21 09:24
長榮老總2016年仙遊,幾房仔女內鬥,大房幾植根長榮航空既二房獨子踢走,然後長榮工會亦係2017年開始運作,罷工只係表像而已
2. 香港的失業率處於極低水平
2019-06-21 12:59
咁低濕熱率但又有咁多人唔駛做野去遊行, 究竟邊樣至真?
3. AU
2019-06-21 18:19

唔駛做野的人不是失業人士,不用計入失業率。

4. 不用計入失業率
2019-06-21 19:43
或者老美找數俾佢地,正苦當佢地返緊工。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。