地產論壇
登入名稱
密碼
頁數:
「逃犯條例」立法難把關更難
瀏覽人次:28173    回應:61

「逃犯條例」立法難把關更難

 

湯文亮博士

紀惠集團行政總裁
2019年6月18日

  今次反「逃犯條例」事情愈搞愈大,有人話這是香港之禍,亦有人話這是香港之福。就算林鄭能夠排除萬難立法成功,以後香港政府把關是很困難,立法不成,事情反而一刀切解決了。這對於政府來說,這是非常好的一件事。所以,當林鄭在上星期六宣佈暫緩「逃犯條例」立法的時候,有如釋重負的感覺。

  有很多人話政府對於「逃犯條例」的咨詢工作做得不夠,又未能向市民解釋清楚,被反對派乘虛而入。其實,政府已經努力向友好團體解釋,但奈何負責的官員亦不大清楚,試問又如何能夠說服香港市民?他日出了亂子,現任的官員可能已經不是官員,繼任人只是執行有關法例。單從這個角求來看,香港人羣起反對立法亦是可以理解的。

  今次暫緩執行「逃犯條例」立法,究竟幾時會重啟?我相信是遙遙無期,而且包括23條,國歌法都不可
以在短期內立法,甚至在正式回歸前都不會立法。到了立法會選舉,我相信泛民會得回很多議席,甚至重奪立法會控制權。林鄭今次強行立法所付出的代價的確很大,希望不會令香港政府變成跛腳鴨。

  老實說,講政治我真的不在行。但我是生意人,不得不支持立法,否則就會被人誤會是逃犯,所以當逃犯條例發酵時,在2月21日我已經發表了逃犯條例的文章,其後的文章是以生意人的角度來發表。當時我相信,政府就算要立法,一定要經過廣泛咨詢,向有懷疑擔心的市民解釋清楚,沒有兩三年的時間是不可能,就算支持亦是很正常,但想也想不到林鄭以快刀斬亂麻手法立法,結果是不打算反對的人都反對,政府的行動真的是匪夷所思。

  有人問在逃犯條例暫緩立法之後,香港的樓市何去何從?我講大家或者不會相信,中央政府的目標逃犯大多數住高級酒店,有部分已經住了很多年。而事實上世界之大,他們可藏身之處不多,今次立法不成,那些人反而會長居香港而買樓,豪宅價格會上升。有人話我黐線。其實,我的說話經常是似非而是,信不信由你。

「逃犯條例」立法難把關更難
1. 哈哈
2019-06-18 14:25
我同意你的觀點,這條例的目標其實係貪官,政府也再三說了,然而人係會選擇性聆聽,我只是估不到你能勇敢地將真相說出來,佩服。
2. 真真薯片
2019-06-18 15:32
咁新樓空置稅既立法點算?
3. 點算?
2019-06-18 16:47
嗨 冷得我沌沌震
真係震到入啊心啊
心啊酸我重發緊冷
都好似腳軟難行
乜點解行行又似覺
好似身 不 穩
點搵得到各位善長人翁
希望佢做一點好心啊
心啊傷嗟怨 不幸 逢絕運
虧我運蹇時乖
4. 湯瑪斯
2019-06-18 18:17
為了香港好!我呼籲全港大和解。
上星期六之前,我好擔心林鄭不肯退讓,唔知點收科!現在林鄭退讓了,又擔心民主派不肯退讓。
林鄭已經道歉,又肯暫緩立法(其實昨日會見各界時,我的界別傳來她表示實際上已經撤了),犯法者將依法辦事。我就收貨了,但總有人不肯收貨,非要她下台不可。希望民主派不要貪勝不知輸,不過民主派通常都係進退失躆!
5. 真真薯片
2019-06-18 18:58
我始終覺得,一連串既人為錯誤全部一次過係最壞既時間爆發,爆到阿爺要犧牲港落管治威信都要忍痛剎停止蝕,冇可能係唔好彩或者咁岩得咁橋………
6. 路過
2019-06-18 19:06
香港二分法,藍絲與黃絲,對與錯,成功與失敗,有錢人同窮人,民主與專制,其實我認識既香港人,係中間
7. 咁岩得咁橋
2019-06-18 19:16
中港(人)矛盾一直存在, 撩吓就會爆發, 那怕你認為有 770 萬人理智唔上街, 有 30 萬人上已經夠。
8. 真真薯片
2019-06-18 20:13
689果陣出晒愛港力,幫港出聲日日扇風點火,都燒唔出咁大個遊行出黎,你估要咁多人出黎遊行咁容易?反對派或者外國勢力fb出個pose就咁多人出黎幫手台橋?
9. 689果陣出晒愛港力
2019-06-18 20:25
咪講過囉, 689 果陣啲暴徒仲鬥緊地主, 工人仲鬥緊成哥封緊碼頭, 幾年唔到搞手已被收編, 搞一鑊佔中, 矛頭全指向正苦, 話都冇咁快。我啲下屬, 初頭仲搞便兩句, 說理頂唔住只好承認都係人去我去, 自己都講唔出除左(自以為)反緊共產黨之外仲反緊乜, 好多人思維出現問題, .
10. 路過
2019-06-18 20:25
To 8樓,平心以論,林太依幾年施政又真係差啲既,先可以累積到咁多民怨,不過又唔怪得哂佢,佢下面班高官大大話話從97以前癈到依家,特首都換左幾次,班癈人都仲係到,你吹佢地唔漲,有無方法可以查下佢地有無同啲私人機構有無利益瓜葛呢?
11. 回应1楼。不是贪官。。是富豪。。目标就系那班老富豪。
2019-06-18 20:50
目标系果班富豪。
诚哥 大流 杨生  你睇林志玲走得几快,差点扑街。
12. Y
2019-06-18 21:01
10樓你好,請問有沒有方法查到,有幾多成公務員,他/她的仔女又做公務員?
13. 路過
2019-06-18 21:16
To 11我明修例為咩呀,我只係想講今日香港停滯不前,民怨沸騰,全因政府各部門既高官,老鼠為患,非洲豬瘟,地政縱容霸官地,南亞難民村等等,都明顯係政府部門無盡責,高官只有兩個可能做到咁廢,一係明哲保身,一係就收左人錢,究竟前者定係者呢?
14. 路過
2019-06-19 00:53
To 12 我都想知,高級公務員好神秘,每次都要係佢地犯左法上報紙先知
15. 路過
2019-06-19 00:57
其實我想講如果要做同房屋政策有關既官員同議員係唔應該唔可以有太多房產,我意思三個以上為之多,當然我覺得係無可能啦,都係我幻想下,不過基於公平原則係需要的
16. gklj
2019-06-19 09:17
睇嚟高收入人羣中,醫生和警察最慘,日日面對大量高中低質素人羣,做到幾好都比人眼紅針對,
反而高官高管,冇人知佢行踪,月月高薪,出來見人吓人,做紙板綠音機,冇人知值唔值。

17. 越淮而枳
2019-06-19 10:00
回歸前香港公務員系統確係良好嘅,證據係少數鬼佬就可以将香港管理得頭頭是道,公務員系统就係關鍵之一。
回歸時政府帶頭打壓公務員,令其形象大插水。减薪凍薪都係其次,試問如果你高級公務員甚至做咗十幾二十年AO,突然調個對阿毛做你頂頭上司,你會感攪良好?又或者你係中低級公務員,見到升遷靠關係,默默苦幹就得個桔,又會扮無事?

18. 真真薯片
2019-06-19 14:04
其實唔係以前港英既公務員特別好,只係最後果十幾年私人市場年年加人工加得快,冇人去理公務員做得好定唔好,後來金融風暴,私人市場冧晒檔,公務員褔利一支獨秀,先至令人眼紅

如果淨係睇效率,今日公務員效率唔比回歸前差,有d服務甚至因為科技進步仲好過以前
19. 路過
2019-06-19 14:18
To 18重點係疆化,你睇康民署啲羽毛球場呀,籃球場呀,僭建問題,廢置既政府建築物等問題都係十幾年都解決唔到,唔係低級公務員既問題呀,佢地做得好好,重點係高級官員,唔好模糊焦點,我地啲偉大既議員就只係擔心緊唔夠自由,依啲最基本監察政府官員就o做都唔做,你話中間有無利益瓜葛就真係唔知啦
20. 真真薯片
2019-06-19 14:36
呢個無辦法,因為基本法保障左公務員,以前港英高層鬼佬唔多唔少會做d野,依家d人想搏升職就做政治任務如一帶一路相關project,其他唔想同人爭既就做一日和尚打一日鐘,做民生野係唔會有得升職,結果就好似依家咁款
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。