地產論壇
登入名稱
密碼
頁數:
一個被人呃了幾十年的人今日去遊行
瀏覽人次:24259    回應:19

一個被人呃了幾十年的人今日去遊行

 

湯文亮博士

紀惠集團行政總裁
2019年6月9日

  當我在茶餐廳食早餐時,有一個移民很久的朋友打電話給我,問我今日去不去反惡法遊行。我話唔去,因為我不是逃犯,亦不打算做逃犯。我這位朋友移了民很久,當日因為英國將主權交回中國,擔心香港赤化而離開。但他走了之後,香港愈來愈好,沒有移民離開的人多了不少機會。而最諷刺的就是當日叫他去遊行的人亦沒有離開,他到現在仍然深深不忿,一有機會都希望搞冧香港。上一次佔中時他也有回來,可惜唔成功,今日可能是最後一擊,所以連大狀都呼籲,但有小小美中不足,如果兩父子一齊呼籲就更好。

  其實,我那位朋友不是癲的,他反而是很正常。試問一個被人呃了幾十年的人,心態就是發瘋搵人陪,只要香港唔好,他們就會自覺得很好。黃子華做棟篤笑的時候亦曾經講過香港人這種心態,就是我唔要活得好,只是你比我活得差。而事實上我並不反對任何人去遊行,只要他們知道遊行的真正目的以及有機會要承擔的後果。有人話唔怕,因為他們打算移民去美國。老實說,美國亦不喜歡接收今日去遊行的人,很多人都不明白。

一個被人呃了幾十年的人今日去遊行
1. 顏色筆
2019-06-09 10:59
"美國亦不喜歡接收今日去遊行的人"美國點會喜歡這些示威的人?今天反這個政府,明天便會反自已(美國)。
2. 十一哥
2019-06-09 12:29
話之比你日日數、結果證明阿爺活得比你好、用結果定義正確性嘅…多數一早唔憂喰、民主自由係好有型嘅神主牌…但結果破滅咗以前嘅謊言、迷信咗就唔想醒、追已經絕望…心態就變得想㩜炒以洩恨。

3. 四眼仔
2019-06-09 13:47
湯生,這篇文寫的好.
4. Zeitgeist
2019-06-09 15:06

First of all, democracy is simply mob rule dressed up in a coat and tie. It’s where a bunch of people—who are marginally competent at running their own individual lives—go to a voting booth to have what H.L. Mencken termed “an advance auction on stolen goods.” Democracy usually winds up turning the State into a vehicle for theft, and making that seem like a good and moral thing...

Democracy—a gentler form of mob rule—is not a good thing. It politicizes the average person and distracts him from running his own life. It focuses his attention on trying to run other people’s lives through elected representatives. Worse, the elected representatives aren’t the best and the brightest. They’re generally sociopaths who are drawn to power. They’re the worst kind of people, the kind that want to rule other people by winning a popularity contest. This is true in the US and every other place where ballot boxes are used to determine the new ruler.

---Doug Casey

6. 真真薯片
2019-06-09 16:05
本來經過佔中後反對派勢力已經江河日下,弱過弱煲,犯民連輸幾場垃圾會,再加DQ, 犯民已經玩完

如果送中條例係林鄭自己搞出黎而唔係中央硬命令,咁林鄭真係自己搬石頭砸自己隻腳,幫犯民大打強心針

送中條例完全係無中生有,要格硬通過既話,所需要既力度同格硬通過23條根本冇分別,用同一份決心同力度,點解唔直接通過23傑就算?過完立大功直接做政協副主席不知幾好
7. 引刀一快
2019-06-09 16:58
琳琳真係慘,又知道阿爺活得比你好,又俾人扣住回鄉證。
8. 向引刀‧土著‧自醉‧浪子說不
2019-06-09 17:04

睇電視見今日人山人海,群情激憤,睇怕這次樓市肯定要飛到火星先着陸了,租租們土著,自醉,浪子,望東樓要移民先搞得掂。

點解呀?好簡單,未來林鄭政府,仲邊有時間同精神搞其他項目呢?就是處理送中,已經可以搞到收工果日嚕。

9. 引刀一快
2019-06-09 17:12
睇完博士今日呢篇文章,爽爆。

如果呢位移民嘅兄台,係俾人呃咗幾十年,我提前擁抱祖國,返大陸讀書,係咪可以叫做win咗幾十年?諗吓都甜絲絲😜😜
10. 真真薯片
2019-06-09 18:17
就係人山人海,如果決心唔理格硬黎,不如通過23條算啦,搞個送中條例做乜?
11. 向引刀‧土著‧自醉‧浪子說不
2019-06-09 18:53

在通漲的強姦下,最保守估計樓價再升50%不是問題了。

豬肉兩斤幾,都賣330呅啦,你話現在的樓價,係唔係仲有大很把水位呢!

12. Ben
2019-06-09 21:54
謝謝博士. 但今日這篇文章我不會再放上facebook,費事教精我那些冇用腦的朋友
13. 李澤西
2019-06-09 23:14
人多就代表正確咩?無知!正確與否同人數無關。何况來來去去都係同一班人,佔中同六四都係佢地,見怪不怪。
14. 舍神
2019-06-10 00:12
[本來經過佔中後反對派勢力已經江河日下,弱過弱煲,犯民連輸幾場垃圾會,再加DQ, 犯民已經玩完

如果送中條例係林鄭自己搞出黎而唔係中央硬命令,咁林鄭真係自己搬石頭砸自己隻腳,幫犯民大打強心針]

說得對極了!
恭喜習大大統一黃藍陣營!

再硬推,反彈可以比今天更強!
15. 乜春
2019-06-10 08:21
唔講唔知,原來有成二十萬逃犯匿藏香港,琴日去哂遊行。呢條例一定要立,等佢地無得逍遥法外。哈哈
16. 十一哥
2019-06-10 08:26
14樓  唔引蛇…點食蛇。
17. 十一哥
2019-06-10 08:37
刀刀  點解阿爺活得好會覺得真係慘呢?心地真係扭曲……

18. 引刀一快
2019-06-10 09:27
琳琳,你慘我唔慘嘛。
你唔抵得都係咁話喇。
19. 睇唔過眼人士
2019-06-10 10:56
昨天的示威我覺得和佔中的性質差不多,好大機會參加者都是同一班人。全世界政府都不喜歡反政權的人,但是的確很多人都不明白,只是說不信任中國政府。你冇做錯事,又唔係逃犯,怕乜?
20. 睇唔過眼人士
2019-06-10 11:03
我身邊有不少人參加示威,Facebook又見洗版,IG也是,幸好仍有湯先生的文章可以一看。我不反對朋友們參加示威,但是我也不想去跟他們說什麼,因為他們聽不入耳的。政治鬥爭,那裡都是一樣。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。