地產論壇
登入名稱
密碼
頁數:
最容易上市的行業
瀏覽人次:26157    回應:23

最容易上市的行業

 

湯文亮博士

紀惠集團行政總裁
2019年6月5日

  上星期中去了太興的上市招股午餐會,到了星期日,有很多人問我們是否打算上市。如果有此打算,他們可以代勞,並且約略列出收費。我話我們是收租公司,又沒有集資需要,如果要用錢投資可以搵銀行商量。上市即是搵自己老襯,收費是一個小問題。上市之後要擔心被人追擊,甚至拆骨,這才是大問題。胡應湘爵士已經將合和私有化,我們點解要反其道而行。那些財金界人士鍥而不捨,他們話如果總公司唔上市,我可以用寫作收入,出版上市,他們一樣可以代勞,不過收費就要貴一些。

  我寫作只是為了興趣,絕對不是搵錢。如果以寫作維生,真是餓死都未天光。幾日下來,我發覺有一個行業是最容易上市,就是替人搞上市的公司。他們每年只要搵10幾個客,收入就已經可以達到上市要求。而且,就算有客戶未能上市,都只是客戶的資格未能符合上市要求,與負責搞上市的公司無關。事實上,當一間公司開始了上市程序之後,多數不會後退直至他們負擔不起。因為就算失敗,仍然可以從一間幫人搞上市的公司轉去一間另一間,總之有一個希望。所以,那些幫人搞上市的公司即使不能完成客戶使命,但是他們仍然有可觀收入,最緊要是保持客戶上市的雄心。

  有不少局外人不明白,點解會有咁多人希望自己的公司上市。從正途來說,他們是希望從上市獲得資金發展,上市只是一個開始,但有很多人的目的是上市公司的資格,那個資格俗稱「殼」。千祈唔好睇少這隻殼,現在雖然沒有以往咁好價,但隻殼隨時都值五七億。至於上市費用,慳慳地大約2,000萬就可以,最低限度有25倍賠率,真的是博得過。只要有人博,那些幫人搞上市的公司就有可觀收入。如果要上市就很話咁容易,不過那些公司是不會搞上市,理由或者大家未必會相信,就是財不可露眼。

最容易上市的行業
1. 香港土著
2019-06-05 10:00
對於公司大股東而言,上市係槓上槓,出$20借銀行$80買$100資產,然後再用$250市值搞上市。此為正路。

上市為賣殼或向下炒,是為邪牌,屬於不佳杏加橙一類,最少衰三代。

有腦自然會跟個行正路股東,冇腦就咩都唔使講,買乜死乜,少做少錯。
2. xx
2019-06-05 12:39
最緊要是保持客戶上市的心, should be 心.
3. 鳥5
2019-06-05 12:46
十哥,周小川昨日發表稱中國5一定保七。。同我早2日表述一樣。。準備穿七,再打番轉頭,國家食盡沽倉。。。嗱!我睇到果D(當時)係偏,小數人睇到。。。
4. 鳥5
2019-06-05 12:48
至於港元 聯繫匯率脫勾, 放心唔會今年出年嘅事。。。 不過金融市場呢一兩年,我都覺得係有大爆炸。。
5. 鳥5
2019-06-05 12:49
阿爺自從15年之後,玩外滙都好叻㗎。。進步唔少
6. 鳥5
2019-06-05 12:51
在下重新,香港最大嘅潛在風險 。。。。係樓市
7. Admin
2019-06-05 12:52
謝謝2樓指正, 文章已修改
8. 十郎
2019-06-05 13:27


      “ 熊心 ” 冇錯 , 熊熊烈火。

9. 十郎
2019-06-05 13:31


      熊心萬丈。

10. 十郎
2019-06-05 13:36


      揸住4成首期 , 如果樓價跌3成 , 粗粗地計都可以供少10年。

11. 鳥5
2019-06-05 15:54
出年年尾 ,幾大機會。。。 發生一啲大家諗唔到嘅嘢。。。唔 講得太白。。。 大家認為嘅事實唔係事實,發生一啲事實又大家冇諗過嘅事實。。。 咁樣表述 呢兩年.唔輸就係贏...
12. 引刀一快
2019-06-05 16:03
十郎兄何必供少十年?同步供多間大一倍嘅大灣區,唔好咩?
13. 十郎
2019-06-05 16:07


      你冇講錯呀 , 供兩間都得呀。

14. 引刀一快
2019-06-05 18:59
我係講“供多間”,莫非兄台建議“供多兩間”?
15. 十一哥
2019-06-05 19:29
人地講緊~矝貴~嘅港樓、刀刀就一味慫人去山旮旯接大樓、學佢咁縮喺大灣…日出瞓覺…日入冇得息…打更渡餘生 。

16. 引刀一快
2019-06-05 21:04
你好恨咩?
17. 十郎
2019-06-05 21:12


      刀刀------何是最易上當的行業 ?

18. 向泛民说不
2019-06-06 00:18
15楼,刀刀日日叫人去大区买楼,但是又撑饭民的中国末日论。每次讨论特朗普,他就会介绍他的基友普京比你,真系觉得他需要吃药。
19. 引刀一快
2019-06-06 02:10
十郎,好人好者,你就咪學琳琳喇😜
20. 十一哥
2019-06-06 08:38
刀刀  由出世果日就震鷄…實死輪梗、預言咁準確…所以一早就灣定水等日子、橫掂屎路一條…人生為乜仲要咁頻撲、話之你地嘆14代…我自飲完土炮切穿袋…乜根都冇就唔洗煩惱、果然高人都隱居…免得獻世。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。