地產論壇
登入名稱
密碼
頁數:
移民台灣不如移民日本
瀏覽人次:27422    回應:18

移民台灣不如移民日本

 

湯文亮博士

紀惠集團行政總裁
2019年6月3日

  有一個朋友擔心逃犯移交條例,他決定移民去台灣。不過,他在香港的住宅單位絕對不會出售,將會用作收租,他估計租金收入可以支持在台灣過不俗的生活,甚至唔需要工作。如果唔賣自住單位,算不上是真正移民,比較合適的講法是移居。我認為如果移居台灣,不如移居日本。台灣有可能在十年八載後被中國武統,唔通到時又要再移民?老實說,如果擔心香港的前途,就應該連住宅單位也賣走。否則,如果香港政治環境改變,經濟動盪,樓市大冧,那些移居了外地的業主就沒有收入。屆時人又老,錢又冇,真的唔知點算。

  有不少香港人以往移民離開之後,很難融入當地社會,或者最多只是融入當地華人社會。他們自稱三等人,等食等瞓等死,那些人精打細算,通常在下午茶時段開始時食午餐,或者在完結前食晚餐。他們不用工作,生活所需費用都是來自香港,大多數在香港有兩、三層樓收租,在任何地方生活都可以講得上生活無憂。而事實上他們與香港以及移居地的生活都脫了節,移民與否根本沒有分別,但如果沒有香港的收入,那些人就會變成真正的三等居民。

  如果年輕人要移民,我認為日本是值得考慮。主要是日本人口要萎縮,從2000年1億3千萬人降至現在大約1億1千萬人。情況將會持續下去,人口除了萎縮更加出現老化現象。所以,日本政府是希望積極吸納外地優質以及年輕移民。由於日本現在有大約1千萬個空置單位,房屋價格相對香港低很多,甚至汽車都比香港便宜。不過的士與繁盛區域的停車收費就很貴,香港人熱愛的魚生就很便宜。移民之後能力融入當地社會就最好,就算未能融入,問題亦都不會很大,最多是孤獨一些。

  曾經有移民離開的老友問我在到埗後應該注意什麼。我話千祈唔好做生意,我在讀書的時候見過不少人在移民之後,手上有不少積蓄,於是開酒樓做老闆。三五年後,那些人由老闆變做侍應。總之,千祈唔好亂投資,以退休心態來面對就最好。

移民台灣不如移民日本
1. 引刀一快
2019-06-03 12:41
移民日本就不如移居大灣區,離香港又近,可以隨時返香港,魚生都好正,有順德魚生、橫縣魚生,樓價係香港幾分之一,買間大屋,又可以請返中國人做女傭,煮返中國菜,好彩嘅請到本地人,可以餐餐食地道廣東菜。
仲有,唔使學日文,唔使學國語,老人家一流喇,一間港樓嘅租就夠過日子,晚晚上館子都得架喇。
2. 真真薯片
2019-06-03 13:30
日本比較難識朋友同埋睇醫生比較難,仲有凍起上黎唔係人咁品,一年住幾個月就最好
3. 雲在青天水在瓶
2019-06-03 16:40

台灣回歸大陸是歷史的必然, 雖然過程曲折, 但始艱危, 終克定. 到黑免走入青龍穴, 即2024年初, 便可見端倪.

日本在中國崛起的過程中, 將與中國爆發第二次中日戰爭. 日本將再一次戰敗, 而且,  這一次, 從此不敢稱雄長, 兵氣全銷運已終.

4. 真真薯片
2019-06-03 18:15
雲兄,今日今日既日本年輕男人一係肥矮宅,一係瘦過排骨,連女都唔敢溝,唔好話中國,隻抽既話日本仔連南韓都打唔贏,日本軍國夢早就玩完啦
5. 雲在青天水在瓶
2019-06-03 18:49

日本雖是一個獨立國家, 但美國作為戰勝國 / 占領國, 卻有著太上皇的地位. 戰後不允許日本有真正意議上的軍隊, 只保留有限度自衛隊.

由於未來中美之爭的長期性, 面對中國的崛起, 自己的衰落, 美國有可能力不從心, 便有需要重新武裝日本, 而日本國內的修憲呼聲也會越來越高. 中美兩核大國之間爆發全面戰爭的機會不高, 因為這樣兩方都知道很危險. 而美國推出日本與中國決門, 既可消耗中國, 自己又受損不大. 坐享其成. 中國也可假借對日戰爭, 洗近代史以來的恥辱, 也可打狗給主人看.

6. 真真薯片
2019-06-03 20:30
雲兄,今日既日本人口萎縮,d後生仔又柒,想組織一個有規模似樣既軍隊都成問題,打條毛咩

美帝反而最想大陸打台灣,因為大陸打台灣即係中國內戰,100年前美國就係靠歐洲內戰爬頭超越英國,他國內戰,對美國最有利

台灣當然完全唔係老解對手,但係台灣臨死前射幾百支飛彈去三峽,四大城市,核設施陪你玩攬炒,留返個焦土台灣比你收復,美帝同普京肯定開心到訓著都笑醒
7. ~~
2019-06-03 22:59

我不信術數,但從地理和形勢看,我估不只台灣,連日本也有可能歸邊大陸.
而美國最想中國內亂,從此消滅這最大威脅,長期稱霸.

8. 香港土著
2019-06-03 23:12
到目前為止,萬一中日開戰,我見唔有必勝把握。今時今日實在太多厲害了我的國思維,危險又不智。
9. 引刀一快
2019-06-04 04:17
真真薯片兄

未必如此理想,你睇睇自由搏擊、MMA,中國打唔打得贏日本仔,海軍仲差得遠,我大陸嘅同學基本一個結論,中國過唔到海,如果講核武,恐怕日本仔同以色列嘅策略差唔多,會偷偷研製勁嘢,一出鬼神驚果只,日本仔城府深,戒備心強,又深謀遠慮,低估日本仔係非常危險嘅事。
10. 腥港人
2019-06-04 08:43
唔好忘記日本出過神風敢死隊,講攬炒,臺灣有耐未夠日本仔嚟。但大陸方面,汲取左香港嘅經驗,如果無人挑釁,基本上只要期待國共第三次合作就同統一相距不遠。台海通高鐵之日,就應該算係兩國合併之時。
11. 十一哥
2019-06-04 09:42
阿爺台灣戰略、惠台商…扯乾呆灣水源、民進黨再裡應剷平核電…斷台商搬返屋企後路、呆灣仔要投共先揾到自我良好感覺、燶到咁上下…老表又活得比你好身光頸靚、酸完就會覺得甘…傾慕之情油然而生、掉轉頭拍門求愛、真嘅 ! 人性嚟…溝女都好使得、十一哥分享 !
12. 真真薯片
2019-06-04 10:15
刀兄,日本台灣都面臨兵源不足問題,今日既日本仔同當年既神風隊既信念係完全兩回事啦,仲邊有人同你博命吖,如果打白兵戰,日台都係弱國,係南韓比較好,大陸都唔好得去邊,不過贏人多

日本仔只可以贏武器科技,但作為戰敗國日本唔可以有戰略武器,冇飛彈之類,換句話講日本仔只有能力打海戰,但冇能力侵略其他國家,因為唔夠步兵

台灣海空陸軍都廢,但係勝在有飛彈,侵侵已經批准賣大量飛彈比台灣,如果民進黨再做一届,應該可以完成部署2000支飛彈,台灣國軍戰力連解放軍零頭都冇,國軍只有死路一條,但係死前勁射幾千支飛彈過對岸,大陸受既傷唔比台灣細,殺晒所有台灣人都補唔返
13. 引刀一快
2019-06-04 10:59
真真薯片兄

呢個問題真係好沉重,台灣收到死,收唔到又死,打台灣又死,唔打台灣又死。

收到台灣,香港死,收唔到,大陸拖死。

依家一般人都大安主意話美國得把口,埋牙唔出手,我恐怕真係嚟料之際,唔止美日,連俄羅斯都背後一槍。

依家求神拜佛,望阿爺唔好輕舉妄動,唔好諗住靠嚇,因為只要一講出口,馬上嚟八國聯軍,到時顏面無存。
14. 向引刀‧土著‧自醉‧浪子說不
2019-06-04 11:46

在共產黨的英明領導下,美國的確唔敢過嚟打中國啵。

15. 中日足球
2019-06-06 10:43
薯片兄,講中日打戰日仔弱,日本必輸太遙遠了,不如講下中日足球,中韓足球現實啲
16. 但係死前勁射幾千支飛彈過對岸
2019-06-06 18:35
你真係諗多左, 飛彈賣左俾呆灣, 但收費操作的是美人, 呆軍想行埋啲拆黎睇都冇得傾, 枉論可以禁掣, 到那一天的前一日, 仲要諗吓點樣運走。
17. 引刀一快
2019-06-07 05:30
今日同師弟坐地鐵,講起武統台灣,隔離哥哥馬上搭嗲,中國渡海與登陸能力不足,打唔過去。
其實打到打唔到都係唔好,依家應該著力搞分化,俾我就全歐入口減稅,俄羅斯除外。
18. 打唔過去
2019-06-07 06:10
根本熱戰不是哩個世代下的選項,準備打會帶來浪費,呆灣的定位留返做渡假村幫老細揼骨就啱。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。