地產論壇
登入名稱
密碼
頁數:
轉軚做好友只是希望提醒政府
瀏覽人次:28390    回應:9

轉軚做好友只是希望提醒政府

 

湯文亮博士

紀惠集團行政總裁
2019年5月29日

  有老友話點解我在幾個星期前轉軚睇好樓市,現在又話細價樓會急跌,叫買樓的人注意防守能力,如果勉強就唔好現在買樓。老實說,大家都唔知道特朗普會反口覆舌,以為即將簽署中美貿易協定,誰不知突然對中國加徵關稅。如果我仍然漠視這個形勢叫大家買樓,就是一個不負責任的評論員。雖然現在仍然有很多評論員話現在仍然可以買樓,甚至話唔通有貿易戰就唔使買樓。我不知道他們的動機及利益,所以我不能夠批評,而且大家有言論自由,信不信是在於買樓人士的決定。至於我在五月初點解要轉軚睇好樓市,理由很簡單,就是提醒政府在供應不足,需求量強大之下,樓市會繼續上升。政府唔應該再出招壓抑需求,反而要全力增加供應,樓市才會有機會回復穩定局面。連最後的一個淡友都轉軚,政府亦應該關注。

轉軚做好友只是希望提醒政府
1. transbest
2019-05-29 09:41
終於挨到7年拿到永久居港權,可以以首置身份買樓,但係7年期間樓價升了唔止30%,一早知就唔等永久身份,現在都唔知買唔買樓好?
2. 真真薯片
2019-05-29 18:51
唔計貪憎,689一上台就日日講全力增加供應,但係起樓周期係7拿,遠水救唔到近火

7年後既今日,起樓周期應該已經過左,但我地睇到既唔係遠水變近水,反而3年後就有供應斷崖,咁由689上台到林鄭第一期完結中間呢十年,正苦日日講增加供應,事實到底做左d乜?
3. 向引刀‧土著‧自醉‧浪子說不
2019-05-29 19:54

哈哈哈,真搞笑,個個官員都是社會精英中的精英,又何需提醒政府呢!相反地,他們的行為提醒人們供應極之不足,買樓必勝的真理。這世界還有很多的類似馮生,亦有更加多的無產階級含包散如 大陸引刀傻嗨‧土著‧自醉‧浪子‧望東樓,不按照規律並試圖改變世界,站在那方悉隨專便了!朋友‧‧‧  讀者留言更加精景呀


18.7k 人追蹤
追蹤
地產代理指馮永業(中)一直都有睇樓。

【星島日報報道】前經濟發展及勞工局副秘書長馮永業涉貪瀆職案,辯方經過考慮後,不反對加插的證據、稍後會書面讀出。馮永業的資深大狀謝華淵現傳召地産代理吳鳳萍出庭作供。吳做土地查冊過去馮或與妻子程淑儀買賣10個月、只有一個虧蝕,兩夫婦純賺2397萬。

她在95年加入地産代理工作,目前在中原地産工作、她2003年至2006年或2007年在利嘉閣堅道分行,她早在2000年在中原地產時已認識馮永業。她憶述2000年馮首次透過她睇盤,但該次買唔成,直至2002年馮首次透過她買入風景大廈。

吳指馮一直都有睇樓,直至2015年2016年停止。馮大約一至兩年會買入一間,視乎馮「賣出快唔快,再換另一間」,馮妻有時都會一起來睇樓。吳形容馮買賣物業都「賺得多錢」,馮對投資物業知識高,她一般有盤便電聯馮,然後相約睇樓。吳表示馮都睇幾多樓、每次睇兩至三間,「佢一得閒都會睇」。

吳表示馮都睇幾多樓、每次睇兩至三間,「佢一得閒都會睇」、大約2004年馮對她表示,「我介紹個朋友俾你識,要投資,叫陳小姐」。之後馮陳有一起來睇樓,「我有盤便直接call馮生」,她覺得陳小姐不熟識物業買賣,後來陳透過她買入翡翠園、不過是由馮負責去睇樓,馮指示她跟賣家還價,結果雙方達成協議,由陳簽了臨時合約,馮要她給予50%折扣佣金,後來馮即指示放盤,結果陳小姐以610萬元買入、730元售出、屬「即買即放」。

另一物業為寶雲閣,馮陳都有來睇樓,由於不止一次,所以「我唔記得佢地是否一起來」,她記得馮指示她跟賣家還價,至於為何有附表是因為陳小姐簽臨時買賣合約時,陳小姐未確定用個人或公司名義買入。吳形容這附表做法是很普遍的,她亦應馮要求給予50%佣金折扣給陳。吳指寶雲閣不是放售、而是進行裝修、並由馮去找装修師父、因由她去開門的。

記者:徐曉伊


4. 向左轉向右轉
2019-05-29 23:03
上年睇淡今年睇好,上月睇淡今月睇好,
最緊要轉得快,契弟轉得麾。
5. 真真薯片
2019-05-29 23:04
以前呢度有唔少林鄭fans,堅信林鄭可以增加供應,依家d fans去晒邊?
6. 顏色筆
2019-05-30 07:52
被騙多年,也會醒覺的一天,本人已經不再相信,這政府的能力。
7. 腥港人
2019-05-30 09:10
至少狼振英發明左納米樓,推高左供應量,林鄭發明左畫餅充飢,更上一層樓。明日大愚,今日已經大鑊。
8. 向引刀‧土著‧自醉‧浪子說不
2019-05-30 14:01

政府內部大把叻人高手,享受緊又食又拎又抽水的特級福利,要其他人多此一舉去提醒麼?

689推出咁膠多重口味辣招,斷人米路,搞到同公墓園關係惡化就係最佳例證喇,不單士氣低落,更加唔使指意有決心解決土地供應不足問題,為應酬你班無產階級 土著‧自醉‧浪子‧望東樓 為博取掌聲而做D嘢,慳啲啦!

記住;你越是嘈嗨住晒話樓價貴,越是少正苦(已經少咗好多年喇,咁多年來有用咩?),樓價就一定更加貴到去火星,你又吹Q漲呀!


為見情郎 開公司購30物業 買賣交馮包辦

【本報訊】陳婉玉在婚變後情緒低落,但認識馮永業後,她便將心思花在馮身上,更為了「投其所好」,成立公司讓馮替她作物業投資,十一年間買入物業達卅個,然而她對此又似不在乎:「係我買咗好多間,但我無數過有幾多,全部都係馮生叫我買。」



9. 亞Q
2019-05-30 17:09
似乎政府內部好似高官個個都係炒樓高手! 可能資訊不對稱原因所致 .
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。