地產論壇
登入名稱
密碼
頁數:
21. 路過的人
2019-05-29 13:22
20/F所說的現象,我在香港也見到呀,很多人爲了放照片在社交平臺,衹要是貴的,潮的,不管多少錢,都消費了拍個照,之後讓下人處理。也有一大幫上了年紀有經濟能力的香港人,不管對電子產品需求多少,他們都買頂尖的,最新的,最貴的,最後可能衹用上產品功能的5%,又要換更新的。

我在中山買了度假屋已經有20年,爲了養生,有機會回去就肯定到足浴店光顧。最近這幾年,同一位從外省到中山的技師告訴我公司生意不如以前,因爲公務員或一些單位都因爲風氣改變,中午小休時也沒有到店消費。我問她收入是否低了?會不開心嗎?她說收入差了一些,但有實際需要(如我)的客人就因爲她認真工作,反而多了一些長期光顧的熟客,收入穩定多了。而且這幫客人也會提前預約,她自己的生活質素也提升了,閑是跑步鍛煉,也到 香港來跑馬拉松。她不會因爲收入少了不高興,因爲她知道打貪的風氣是有利於國家長遠發展,對她的兒子張來有好處。

就因爲這一位不起眼的女士,我就明白爲什麽中國過去20年會進步的那麽快。

22. Hongkong People
2019-05-29 15:16
刀兄,

多謝分享!

我當然明白深圳係火車頭,佢嘅繁榮並唔可以代表一般嘅中國地方;我當年未退休時曾經做大中華市場,去過唔少中國嘅城市,之後做銀行界同住新加坡後有十年少回大陸;最近呢十年退休後有時間,中國大陸歐美日澳都去咗唔少次,留嘅時日亦唔短,多少都感受倒當地人生活.

我嘅祖家係開發大西北嘅省份,可想而知有幾窮,我前兩年回鄉省親,見倒當地消費,市容整潔,華潤萬象城落戶,入到高級商場,精美裝潢食店,老實我幾乎唔記得自己係鄉下定深圳;呢十年我走過嘅大陸大小城市,我相信唔會比你多少少,我同意從對一個城市認識嘅深度上當然同你無得比,但以一般對中國認識嘅廣度嚟睇我亦唔太差,中國呢二三十年嘅進步係普遍性嘅; 當然,有問題係根深蹄固,唔容易解決,但我認為中國整體係朝住改進方向行緊.  老實講美國嘅問題大過中國多多聲,佢哋成日污病中國基建工程有好多貪污,呢樣我唔敢否認,之但係,貪污完都做倒咁多新基建;睇返美國,高稅率再加其他苛捐雜稅,基建老舊,社會福利保障又無,你話無貪污,咁D錢去咗邊??髙下立見,我選中國完勝!

至於你話大部分去留學嘅都係叻人,去咗亦選擇唔返來,我又不完全同意;我當年讀Band 1英文中學,平民中學,我讀書都算叻個堆,我身邊有一兩個叻嘅去咗外國讀書,其餘大部分係係香港考唔倒大學或者專上學院先去外國讀書,即先屋企有D經濟條件嘅學渣先去外國讀書;我嘅同學大部分讀完都回港,有D無返港係因為適應唔倒香港競爭激烈,我同意同外國人競爭係容易好多,佢哋無咁勤力,個腦亦唔sharp,你只要大聲,好自信就可以嚇鬼; 所以我有個想法就係唔夠醒嘅人留係外國適合D,返港或國內都冇機會跑出.
23. Hongkong People
2019-05-29 18:31
18 樓,

你少去美國?美國人不嬲都食緊草, 最近新聞先有報導,美國有四成家庭有買食物,住屋及醫療保險嘅問題,前排美國政府停擺,無工作返無糧出,好多政府工家庭即時陷入斷糧危機;中國家庭普遍有儲蓄,生活費比較低,上館子吃飯都係比較普遍嘅事,生活品質比美國人髙出不知幾多皮,美國人嘅日常就係面包煙肉腸蛋再加沙拉,一係屋企食,一係超市食,少有去餐廳,去餐廳食 10%GST+18-25% Tips,唔係日常可以多做嘅事,所以中國人要將生活品質降到好低先可以陪佢地食草.
24. Hongkong People
2019-05-29 18:38
刀兄,

而家幾好呀,美國好快就將中國嘅精英送返去中國,對中國絶對係好事,美國排華,連貪官都可省氣唔駛走資,中國少咗好多麻煩,所有嘢都向好嘅方向行.
25. Hongkong People
2019-05-29 18:47
刀兄,

同意,香港人如可拚除偏見,幸福隨手可得.我去得外國多,越加覺得祖國可愛,我都積極考慮移居中山 (深圳太貴了),唯一阻力就係稅務問題,住超過183日要全球通稅,即時打疾咗我既計劃,你知稅費有幾高啦!
26. 引刀一快
2019-05-29 22:01
首先,嗱嗱聲回覆呢個問題先,其餘所有夜啲打更慢慢寫。

https://mp.weixin.qq.com/s/eyplOrGlu96NCGiBkJ22mw


睇睇呢度,其實有好多走盞位,阿爺呢招針對嘅,絕對唔係港人。
27. Hongkong People
2019-05-29 22:23
刀兄,

多謝分享!

有兩點疑問,第一:公告適用於係中國境內無固定居所 (如果搬去大灣區長住,一定會有固定居所, either 買或租),第二:相關公告適用於境內工作人員,如果是於境內退休呢,又是否適用呢?


唔知刀兄有冇相關資訊可分享以釋疑慮呢?
28. Hongkong People
2019-05-29 22:34
其實阿爺如果係稅務上優惠港人大灣區退休,即時可幫港府解決部分住屋問題,一部份願意回歸嘅大灣區嘅中產搬上去,空出港樓放賣或放租,長遠D中產退休金也襟駛D,少D機會再老D嘅時候依賴政府;咁樣連飛地都唔需要,一舉幾得. 我係林鄭就會同中央政府爭取退休人士稅務優惠.
29. 引刀一快
2019-05-31 06:34
Hong Kong people女士

首先回覆你呢條問題,你關心嘅兩點,證明你睇條款好細緻。

固定居所呢part唔方便公開討論,總之無必要手續你唔好去辦就OK。所謂境內工作人員,解釋好模糊,但係退休人士就一定唔係工作人員。

连续居住“满六年”的年限从2019年1月1日起计算,2019年之前的年限不再纳入计算范围

只要你2019年起,首六年,最好係末年,居住大陸少於183日,或者有一次連續離開30日以上,咁樣最起碼11年內你根本無需理會呢個條例,12年後,變鬆變緊就未可知。

香港人走來走去咁方便,遲早有雙層巴士返大陸,呢條例唔係針對香港人,所以,亦可以預計唔會有心捉香港人。我認為係用嚟駕馭長駐長三角嘅台灣人。




30. 引刀一快
2019-05-31 07:46
Hong Kong people女士

講講飛地,香港如果再唔搞搞新意思,睇怕會慢慢沉淪,飛地意義不限於解決香港樓價問題,更重要係俾香港過去沉澱嘅優勢有發揮機會,而且香港獨有嘅文化同廣東環境交融可以迸發火花,只要搞得好,大灣區人口破億不是夢,對國家對廣東對香港都好到不得了,就怕長三角果班唔高興啫。

唔講其他市,就講妳有興趣嘅中山,裡面好多鎮面積過百平方公里,人口得幾萬,喺中山劃塊地出嚟,幾萬人好易安置,100平方公里,除起屋之外,可以搞好多好多大型項目,醫療、學術、藝術、乜都可以有充分條件培育新一代。
大部分中國人都覺得外國嘢好,如果香港可以重拾昔日光輝,中國人整體自豪感一定可以提升。
31. 引刀一快
2019-05-31 08:36
Hong Kong people 女士

輪到講講學術人才呢瓣,閣下舉嘅例子,係中學升大學,其實大陸嘅情況都好相似,又係讀書叻嘅主要揀返本地嘅大學,考唔到就俾錢出去讀。大陸考重點大學,難度極高,雖然大陸嘅重點大學世界排名低過香港好多好多,但係入學難度就可能高過香港嘅高等學府,因為千軍萬馬過獨木橋,而我講考去美國留學嗰啲,係已經本科畢業嘅為主,因為同班嘅不少係苦學生,邊有條件出國,因為讀本科要俾錢,過去讀研究生就有錢揾。而喺大陸讀本科俾好少錢,所以好多都先讀完本科再張羅出國。當年我宿舍去美國嗰三條友,一個係同班同學,來頭最渣,其餘兩個一個北大本科,一個係中科院屬下大學本科。呢啲人過去唔使駛咩錢,美國果邊收中國學生嘅分數線好高,當年話要求TOFEL 550起,就我所見,其實收嘅冇一個低於600,GRE個個都兩千幾。好多過去美國嘅都曾經係一個地方裡面嘅狀元,亦有好多過唔到去嘅,其實都係尖子。

大陸近三十年輸出咗幾多精英,可見一斑。

32. Hongkong People
2019-05-31 18:43
多謝刀兄嘅分享!

會認真考慮。
33. 引刀一快
2019-06-03 04:52
https://mp.weixin.qq.com/s/MsSipZJgGUTmPeakYFDRtQ


廣州招賢納士,後生仔可以考慮考慮。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。