|
日本同德國尊嚴上可憐,實質上得益,科研費用不減但軍費開銷減,造就今日世界最強技術儲備前列,今日中國嘅尊嚴,淨係有錢人尊享。
|
|
|
|
3.
Hongkong People |
2019-05-24 16:46 |
|
刀只,你住大灣區無理由咁講架?我D親戚住內陸都唔覺得無尊嚴,不知幾有底氣,而家普遍全世界人,見倒祖國同胞爆買爆就真係有D洩氣。而家都唔淨係高官企業家先有錢,農民好多因為發展收地,好多都好有錢。
|
|
|
Hong Kong people女士
1,你覺得我喺大陸好窮?
2,我肯定你大陸啲親戚唔係窮人。
3,妳有冇喺大陸長駐過?有冇各個階層嘅大陸朋友?
以妳嘅邏輯能力,唔會睇唔明。
|
|
|
|
6.
Hongkong People |
2019-05-24 21:56 |
|
刀兄,
你誤會啦!我意思係你住大灣區應該感受到你周圍嘅人普遍都有自信有目標,窮人幾時都差少少,但窮人嘅數目都快速減少中.但呢個世界唔淨係中國窮人尊嚴低D,全世界都一樣. 我係深圳住過半年,父母係深圳退休,樂不思蜀,唔肯返港住; 內陸有唔少親戚,普通過普通人,係相對窮嘅省份,當然佢哋對香港嘅我哋都係有D景仰,但絶對感覺唔倒是佢哋冇尊嚴,佢哋只係自自在在過佢咃嘅生活.
咁我係大陸又真係唔多朋友,只係都不時去下旅行,會同當地人傾下偈,老實講就算去到新彊絲路D相對落後嘅地方嘅人同司機大哥,你都可以感受佢哋嘅自信,從來無係客戶面前矯化自己. 所以我感受嘅內地情況同你有D唔同.
|
|
|
心肝寶貝比人標參、佢老豆都冇口軟、標埋佢老豆…阿爺就焗住蘇輕、佬唔會蠢到逼人搏命嘅。 每次焗到對手還拖…矛侵就褪番一步、蓬拆拆·進·進·退、逢二進一核心精義。
|
|
|
Hong Kong people女士
本來我寫咗幾百字想同你討論一下妳提到嘅情況,後來猛然發現,問題其實係在於尊嚴嘅定義,所以冇post,如果你有興趣,我可以貼返出嚟。
我諗咗一下,到底講緊嘅係站於人前嘅尊嚴,還是係自我存在嘅尊嚴,問題一下子轉向,要深思。
|
|
9.
Hongkong People |
2019-05-28 12:28 |
|
刀兄,
之前提過我係美國住咗半個月,除咗係遊客身份外亦當時自己係本地人一樣,坐地鐵坐巴士,買餸煮飯,外出消費; 係當地坐地鐵巴士,令我真係有D唔舒服,見到好多黑人,8成人古古怪怪半殘半廢,我睇嗰班人嘅尊嚴老早已掉出咗大西洋;不過見到咁狀況都有少少擔心人心安全,但又真係令自己有D優越感,亦都令自己對中國嘅未來更有信心.
尊嚴嘅嘢有時係一D主感觀受,無知同認知都會左右一個人感覺上有冇尊嚴; 中國人係中國地方客觀來看唔算無尊嚴,就算主觀覺得無尊嚴,大部分都可化為努力動力;但係外國你可以見倒好多冇尊嚴得來完全放棄嘅生命體;所以比較之下,我覺得中國嘅情況真係好好.
美國三億人口,廢人嘅比例其高,佢哋唔只廢,亦會造成好多社會問題,拖社會後腿,而家仲話限制新移民,只剩低少量精英,大堆dump人同廢人,塘水滾塘魚,真想God Bless America!
|
|
10.
Hongkong People |
2019-05-28 12:29 |
|
|
11.
引刀一快 |
|
2019-05-28 17:48 |
|
首先,貼返先:
Hong Kong people女士 太好喇,妳肯陪我討論呢個問題。 閣下喺深圳住半年,時間唔算短,不過深圳係一個比較特殊嘅地方,近年好繁榮,經濟飛速提升,所以你睇到嘅部分,起碼係中國最好嘅地方之一,而且外來人口比重極大,又係高度汰弱留強,弱勢群體冇得留底,如果你假設其他地方起碼有深圳一半的話,咁係會高估整體情況。 新疆絲路呢類已經係老牌旅遊區,不單受遊客因素影響,特別“懂得”文明,而且旅遊經濟令地方非常富庶。香港有團嘅所有大陸景點,廁所都好乾淨嘅。 阿爺過去對新疆西藏非常懷柔,新疆係產油地區,好多地方都有錢,一窮二白嘅地區唔多。 引刀喺大陸,可以講係一個普通市民,點普通法呢?以前有過大陸本土嘅工作,老婆大陸娶嘅,好多大陸親戚,來往嘅朋友,乜省都有,當別人開始繞過你香港人身份同你來往嘅時候,你就會發現以前睇到嘅,可能係觀光層面、公幹層面、探親層面。你有冇試過喺朋友屋企食飯,枱面有隔夜餸?有,就係融入大陸社會嘅標準之一。 大陸的確係一直改進中,不單量,可喜亦有質,但係積重難返,好多問題根深蒂固,需要面對一個大痛而唔係陣痛。
|
|
|
首先講左 , 台灣有地溝油 , 什至偈油機器油出口來香港。
有一次 , 我問一個大陸朋友 , 為什麼內地人會做假野同地溝油呢 ?又為什麼唔怕用呢 ?佢話因為生活的問題 , 買正貨貴好多㗎。
我們不需要去大驚小怪 , 香港從前都曾面對同樣境況 , 現在身嬌肉貴左姐。
|
|
|
補充 : 內地人話 , 做假和用假 , 我地唔想㗎。少少錢養一竇人 , 冇辦法。
|
|
14.
引刀一快 |
|
2019-05-28 19:24 |
|
Hong Kong people 女士
你喺美國半個月的確係以市民模式居住,不過未可以真係當市民,因為個人嘅感情同利害關係,並未與當地連線,亦未有足夠回憶。當然,你睇到嘅好清楚,美國都好多問題。
世界依家唔單止係貧富懸殊,亦分成兩個陣營,一個係人頭多,消費大,另一個係附加值高,人頭少,中國要轉型,變成人頭多又附加值高,先唔講有冇可能,到底做咗幾長嘅策劃同幾多努力?如果以我呢廿幾年嘅所見所聞,唔係冇做嘢,不過無用功太多、浪費虛耗太多一直沉醉於利益,忘記咗未來,然而,自私係死穴。美國係靠精英撐住,中國嘅精英呢,就走嗮去美國撐住,當年,我有好多同學、師兄、師弟,搏咗命去考GRE同TOFEL,日日背字典、做past paper,我碩士時六個人一個大房,三個去咗美國,冇返嚟,剩低三個包括我都係學渣。去咗果三個,有兩個娶嘅都係考GRE過去嘅學霸,咁樣將精英輸出去美國,美國精英又唔可以入籍中國,呢種不對等情況,有今日惡果係自然而然,近廿年多少中國人出書講述自己如何在美國大公司奮鬥,為自己任職微軟蘋果而俯視同胞,今日重錘打擊中國嘅貿易戰,不少份額就係來自呢啲宣誓效忠美國嘅“中國人”。你又睇睇,貿易戰中美方有冇捉到幾個為中國做事嘅中國移民,我指去美國留學果啲。 我未回歸就已經返大陸讀書,當然,主要原因我係學渣一名,香港考唔好,不過當年我見到學渣周街都係,我入學發現,同年全校就得我一個港澳生係真正香港人,所以係真真正正擁抱大陸嘅香港人。半生都生活喺大陸,想對大陸有偏見都好難,因為思念嘅嘢同厭惡嘅嘢,都有一半喺大陸,心裡面,香港同廣州,地理分隔精神相連,兩地早已融合。可能就係咁嘅原因,成日推薦大灣區,因為生活中,食肆菜單多一倍,消費場所多一倍,各種娛樂多一倍,交友範圍大N倍,居住面積大N倍,生活中嘅選擇、想像,不能量以倍,生活質素大幅提升,而且駛費豐儉由人,何其美妙!喜聞閣下父母樂不思蜀,任何香港人只要摒除對大陸嘅偏見,都可以享受得到。
|
|
15.
引刀一快 |
|
2019-05-28 19:36 |
|
十郎兄
地溝油係俾人食,呢D係黑心嘢,同樣賣假貨同用假貨亦係兩回事,賣假貨唔係因為窮,係想發達啫。
|
|
|
刀兄------發達之前 , 都係要糊口的 , 當溫飽之後還做假才稱得上 “ 黑心” 。
有25年移陸資歷的人 , 會記得深圳的 “ 三無 ”人士。他們一輛手車 、 一鋤 、 一鏟 , 把一座一座土山移平 , 跟著來的是一條一條大道 , 一棟一棟的大樓出現。 住棚屋 , 食菜飯 , 著薄衣。現在陸人有冇尊嚴 ?
講富貴 , 講享受 , 中國人不及美國的。講捱得 , 講食草 , 美國準備落旗啦。
|
|
17.
引刀一快 |
|
2019-05-29 01:05 |
|
十郎兄
將今日與過去相比,當然富貴得多,但係自尊與富貴無必然關係。
將今日窮人同今日富人比,兩者差距又比過去大。
將中國窮人與美國窮人比,我唔多了解美國窮人日子點過,不過,美國窮人去到中國,得到幾尊重,我有眼睇。
講到鬥食草,90年之前出生計,中國完勝,90後至2000出生計,中國亦輕勝。2000年後出生計,中國略勝。 勝機在於如何拉美國一齊食草,仲要食同一隻草。
|
|
18.
如何拉美國一齊食草 |
2019-05-29 01:12 |
|
|
|
刀兄------糊口都不應作壞事。
新一代有點令人擔心 , 慶幸貿易戰來得早 , 還有中生代頂住。遙看歷史故事 , 與蘇聯珍寶島一戰 , 落後的士兵爭奪沉在河中的坦克 , 當時不可思議 , 現在天方夜譚。 全世界都係一蟹不如蟹。
有一次路經雪泥唐人街 , 居然有舊式佛像店 , 入夜後滿街煲冬瓜。往購蛋糕 , 是一個香港移民的女店主 , 擧談間說冬瓜同學好豪好浪費。 事緣有同學購三層高蛋糕 , 店主勸說你們吃不了。回應說真的吃不完的 , 不過因為它靚啊。
外國d草都貴過人 , 澳洲西洋菜芋頭通菜 , Aud9/kg , 紅指天椒$25/kg。哈哈哈哈哈。
|
|
20.
引刀一快 |
|
2019-05-29 10:38 |
|
十郎兄
貪蛋糕靚買多咗,雖然嘥,起碼動機美好,我喺廣州見到一對夫婦,買大蛋糕,老婆好招積咁話橫掂都唔係食嘅喇,買嚟擲之嘛,老公馬上附和。十年前中國四萬億救世界,我見好多外省人食飯叫雞,唔會叫半隻,一定係一隻,好睇嘛,不過碟雞俾夥計倒嘅時候,係食咗幾嚿咋,連髀都唔食,成碟就係放喺枱面襯,唔係一次,係日日見到,去邊度食飯都見到。呢啲嘢,同風土人情亦有關,廣東以外,好多地方完全冇食得唔好嘥呢種觀念,是否惜食純粹以財務狀態為標準。北方有好多地方係以浪費作為招待好客人嘅標準,菜剩得多先至算到位,唯酒要飲盡。另一個原因,有好多外省人自細屋企養一兩只豬,部分人有個好得意嘅表現,無論胃納幾大,總之見到碗裡面剩返幾啖飯,就食唔落,佢地話係自細就習慣剩多少飯菜俾父母撈嘢餵豬,可能係條件反射。
凡事因果相連,如果中國今日唔係仲有一大班中生代作為中流砥柱,美國俄羅斯又何須同你打貿易戰,421家庭結構下成長嘅細路,大部分都係嬌縱任性,人家睇唔上。
|
|