地產論壇
登入名稱
密碼
頁數:
封殺華為只是美國一小步
瀏覽人次:19338    回應:31
封殺華為只是美國一小步
 
湯文亮博士
紀惠集團行政總裁
2019年5月20日

  在大約50年前,美國太空人杭思朗踏足月球,他當時說「這是我的一小步,人類的一大步」,當時全世界都以為美國會繼續探索月球,甚至在月球設立太空基地,大家怎樣也想不到杭思朗的一小步至今仍然是一小步,現在,甚至有很多人懷疑當時的登月只是一個騙局,杭思朗從未踏出一小步。

  特朗普突然簽署緊急發令封殺華為,很多人話沒有美國的高端芯片支持,華為唔知點死,而且封殺華為只是封殺中國的一小步,全面性開徵關稅才是一大步,中國亦唔知點死,我對這個說法持相反意見,美國的高端芯片如果不能賣給華為,當然令到華為受損,中國受損,但是沒有龐大銷售量很難持續性發展,最大受害者反而是美國供應商,特朗普其實是搵自己老襯,全面性開徵關稅的確是一大步,不過是中美關係後退了一大步。

  當大家懷疑美國的登月計劃是否是一個騙局,根本沒有這回事,我夠膽講,在全世界關注之下,登月一定是真的,但至於點解美國停止登月計劃,理由很簡單,就是月球沒有戰略以及商業價值,簡直是浪費資源,所以,登月計劃在登月成功之後便停止。

  我講大家就會明白,戰爭是令到科技長足發展的一個重要原素,但這個原素是非常殘酷,唔知要死幾多人才會有成績,在二次大戰前,美國的科技發展只不過是一個二流國家,不但比不上德國,甚至連英國也有所不及,二次大戰令美國科技發展大幅提升,戰後繼續領導羣雄,但科技發展不能單靠打仗,最實際是靠銷售,有銷售量,有錢賺才可以支持科技發展,今次特朗普封殺華為,高端芯片不能賣給華為,華為當然有所損失,但最大受害者應該是美國,封殺華為最終會令到美國科技發展放緩,封殺華為即是封殺美國自己,不過,我相信特朗普封殺華為是為了政治目的,如果不是考慮明年要競選連任,他未必會現在封殺華為。

封殺華為只是美國一小步
1. 乜春
2019-05-20 10:18
好簡單,美國太空人杭思朗爬梯行落登月倉踏足月球條片,係邊個拍架?先過佢登月嘅人?還是外星人?當年太空科技領先世界的蘇聯就曾經質疑,只係冇人信佢,信晒美國佬宣傳。
3. 引刀一快
2019-05-20 11:49
我唔認同呢個睇法,美國嘅芯片唔會冇人買,中國人亦絕對要繼續買smartphone,否則冇咗微信聯繫方法、冇手機支付購物,問題係華為俾人冚咗,中國人就要買三星、蘋果、Nokia、小米、魅族,錢就俾呢啲品牌賺咗啫。

據說美國唔再登月,係因為俾外星人警告,呢個講法都幾可信,月球係好奇葩嘅星體,圍住地球轉永遠都保持一個角度,科研價值好大,可以做好多嘢,市儈D就係可以賣廣告,整個麥當勞標誌之類,月球嘅使用權係先到先得嘅,其他人奈唔何。做咗咁劃時代嘅科學創舉之後,居然荒廢咗佢,就算當時揾唔到進一步嘅研究價值,事隔幾十年,其他科學範疇已經有長足嘅進展,點會依然對呢個一直保持穩定角度嘅遙距平台冇想法?如果月球冇用,點解又花巨資走去研究火星?
中國依幾年一路搞登月,仲預期2025要成功載人登月,所以就瀨嘢。發動中美貿易戰,背後第一個嫌疑人就係普京,第二個,其實就係外星人,目的就係搞到中國冇多餘金錢精力登月。
4. 引刀一快
2019-05-20 11:55
寧得罪君子,莫得罪外星人!
5. 十一哥
2019-05-20 12:12
刀刀   點解識咁多嘢嘅…可能就係知道太多外星人D衰嘢…先至要着草哩?

6. 香飯
2019-05-20 12:25
引刀你口中月球上的外星人其實就是嫦娥吳剛等朋友,你美爹在69年登上月球當然不敢宣示月球擁有權,最多插支旗影下相便不敢回頭,我國現在有能力上月球意義上是探親,你美爹看在眼裡當然不是味兒,現在借貿易戰壓制中國的高科技發展,就是害怕有天宇航員將探親土產帶返家鄉。
7. 鳥5
2019-05-20 12:56
博士,有見地,正是 美國七傷拳, 自傷之處.... 不過美國 係打老二 專業戶。。。 尚有其他方法。 在下認為 中美博弈 跟韓戰一樣。。 唔係 慘敗 ,係慘勝。。 誰跟誰思路走, (兩個超級大國 與多國 嘅宇宙) 美國佬唔搞你三五七年, 佢都接受唔到.. 已計入美國衰退三年..。。 鄧伯伯講中美關係, 好唔好得去邊 ,差又唔會差得去邊 。。盡可能自己做好自己嘢得啦。。 毛澤東打韓戰最辣嗰陣 講, 我哋 唔選擇打幾耐 ,交畀美國佬 。佢鍾意打幾耐, 中國就同佢打幾耐。。。
8. 鳥5
2019-05-20 13:48
中美開波,上次 韓戰,日本,香港,台湾得益。。。 香港上次係歐美體系嘅國際城市。今次香港係中國體系嘅國際城市位置完全唔同。。。 不過橫睇掂睇今次個冷戰思維, 範圍 比上一次小好多。時間 應該搞掂唔使幾十年, 應該搞掂唔使幾十年但三五七年點都要...
9. 引刀一快
2019-05-20 13:58
原來“向飯”呢個綽號都未算搞笑,有更搞笑嘅。
10. 引刀一快
2019-05-20 13:59
說不女,今日520喎,仲說唔說不呀?
11. 十一哥
2019-05-20 14:49
刀刀  唔好縮喺阿爺褲浪…仲要討好外星人啦!阿爺照得你住…放心…外星人奈你唔可嘅、唔洗再擦外星人鞋…何況擦咁耐鞋都仲要打更。

12. 香飯
2019-05-20 15:03
你美爹當年登月還有一個特別任務,就是想說月亮没有廣寒宮和嫦娥玉兔,從而將中國人標籤為迷信化,又間接將中秋節慶祝,食月餅拜月光等習俗淡化,使國家食品製造業和農業的銷售額下降來打擊中國經濟,你美爹果真是狼子野心。
13. 引刀一快
2019-05-20 15:14
阿爺、美帝、外星人,個個都係我老細?俄國狗一個嘜頭就夠你受喇。
14. 十一哥
2019-05-20 15:27
sorry講漏咗…攪到刀刀C父開花嘅…毛子 !

15. 香飯
2019-05-20 15:38
我話係你就係㗎啦,扣人帽子,老屈當事實,搶佔爱国高地係我強項,惨得過我打完admin即刻照出。
16. 腥港人
2019-05-20 17:17
華為入左一年嘅生產庫存晶片,但谷歌停佢用play store。主要影響其實只有國外市場,因為大陸根本無得用google。
17. Hongkong People
2019-05-20 18:20
阿爺google 睇來有先見之明,而家起碼唔影響國內市場
18. 向泛民说不
2019-05-20 20:52
引刀,我又要抛书包了, it is best of time,it is worse of time。worse time 就让你说,因为你心地黑。

我要说是best of time,中国人肯定一直想发展自己的os 和 cpu, 无奈的是在市场竞争下,中国的产品难以发围。这次好了,中国人只能咬着牙也要发展。以华为狼的性格,甘多年的逆境波。我buy老美一定赔了夫人又折兵。

还有今日好像说asml已经将最新的光克机卖给中芯。中芯已经可以量产14nm芯片,已经开始导入12nm芯片,加上最新光克机,估计很快可以做到10nm以下的芯片。

引刀在大陆生活那什么多年,应该发现大陆咩家电都智能化,而且卖的非常便宜。为什么呢?因为国产芯片将价钱打到很低。

所以你美爹害怕,老美一颗高端cpu卖成1000元,如果大陆可以做到,价钱肯定低过500.老美就无肉食。
20. 鳥5
2019-05-20 21:53
我不嬲都 非常之欣賞習生。 不過講句公道說話不漏技術係撻緊嘢,上至風力發電, 浮磁電車 , 超級電容 。 呢兩年就直頭呢兩年就直頭明搶 ,德國鬼婆早兩年前已經過嚟投訴話啲大型廠 要加入動產黨員係管理層,呢個不嬲我都覺得有啲離譜。。。哈哈。 習生其實都唔係食齋。。 超級大國有時係要玩下軌道再暗批判好定壞。 但凡事有D果個因就有D個果。。。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。