地產論壇
登入名稱
密碼
頁數:
茶餐廳亂話(517)殺訂太少,反而更容易做錯決定
瀏覽人次:20692    回應:5

茶餐廳亂話(517)殺訂太少,反而更容易做錯決定

 

湯文亮博士

紀惠集團行政總裁
2019年5月18日

  今早去到茶餐廳,有熟客在中美貿易戰之前買了新樓盤,但見勢頭唔對,最後選擇撻訂收場。雖然是5%,但已經唔見了50萬,那位熟客平時孤孤寒寒,突然損失了50萬,當然是鬼殺咁嘈。他認為地產商只可以殺訂1%,仲話有學者支持他的論調,仲叫我出文贊成。條友好似第一日識得我,咁嘅說話都可以講得出,從來唔會被人要求而寫,我想寫就寫。我話地產商殺訂5%已經是最低要求,如果只是殺訂1%,買樓的情緒更加高,準買家更容易做錯決定。他們會認為就算做錯決定也沒有甚麼大不了,最多只是損失1%,坊間就會睇到每一個樓盤都非常熱賣,樓市會更加熾熱。其實,政府如果要冷卻樓市,令買樓的人更加冷靜,應該落5%細訂時就要繳交不可以退回的應付印花稅,買樓的人要考慮在落訂之後如果放棄,就會有很大損失。買樓必定三思而後行,冷靜一下,對樓市也是健康。

  如果要地產商只能殺訂1%就大件事,每一次買樓都要花很多財力物力,1%根本不能夠抵消成本,但這還不是最重要。地產商買樓要講時機,時機消逝就會一去不復返,有時候一個新樓盤只有一兩次買樓時機,殺訂5%已經是最基本要求,不能夠再低。事實上買樓咁大件事,唔係買菜,買樓的人一定要細心想清楚。其實,在突發的情況下,能夠損失5%而退出已經是不幸中大幸,不能夠再苛求。

茶餐廳亂話(517)殺訂太少,反而更容易做錯決定
1. X
2019-05-18 09:14
地產商都有賣平咗的時侯,賠雙訂給買家卻不可以o
2. 真真薯片
2019-05-18 11:47
誠哥:殺訂1%ok, 但係追差價
3. 龍虎豹
2019-05-18 12:15
地產商為何要買樓?

買地起樓賣才正常。
4. 引刀一快
2019-05-18 13:22
之前唔係話要搞冷靜期咩?
5. 十郎
2019-05-18 13:39


      撻乜野呀 ! 樓冇得跌格 , 40年後唔升都唔駛蝕格。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。