地產論壇
登入名稱
密碼
頁數:
新樓空置稅令豪宅價格上升
瀏覽人次:21404    回應:9

新樓空置稅令豪宅價格上升

 

湯文亮博士

紀惠集團行政總裁
2019年5月17日

  地產商要求政府放寬新樓空置稅,因為在取得入伙紙後一年內要將樓盤內的大型單位沽清是不切實際,政府當然唔會有反應。有老友問地產商要求是否合理,政府會不會放寬豪宅新樓空置稅。我認為地產商的要求非常合理,但政府是不會放寬。

  政府官員可能不明白,豪宅新樓與細價新樓是有所不同,細價新樓大多數是以樓花的形式出售,樓花期可能長達30個月。換句話說,地產商有3年半時間賣細價新樓,豪宅就不同,大多數要有入伙紙後才有機會出售。因為買豪宅的人很少會買樓花,他們不但要實地觀察,甚至會請風水師來驗證。地產商的買樓時間最多只得一年,是絕對唔夠。所以,地產商才那麼著緊叫政府放寬豪宅新樓空置稅,政府可能不明白這個道理。

  我估計政府是不會理會地產商要求。首先是很難界定豪宅定義,有地產商話應該以地域為界。山頂,港島南區當然是豪宅區,就算只得10平方米都是豪宅,亦有地產商話應該以樓價面積來決定,超過100平方米才算是豪宅,事必順得哥情失嫂意。所以,政府是不會放寬豪宅新樓空置稅,地產商為求自保,必定會減少豪宅建樓量。供應減少,豪宅樓價一定會有上升動力。如果需求量突然增加,豪宅就會急升,政府的新樓空置稅本來是壓抑樓價,但反而令豪宅樓價有上升動力,政府應該仍未想到有這個結果。不過,豪宅樓價上升又不會影響民生,反而會令庫房得益,政府只要花多些心基開拓土地給大眾市民使用,已經是一個非常好的政府。

新樓空置稅令豪宅價格上升
1. 認同
2019-05-17 08:15
豪垞必勝、細價樓必爆,拭目以待
2. 鳥5
2019-05-17 11:10
其實有冇諗過, 政府收緊樓花時間?
3. 鳥5
2019-05-17 11:50
攪掂左(明日大嶼)後,正苦仲诜5诜同玩(風度)?
4. 鳥5
2019-05-17 11:58
高價時段, 就賣曬啲地畀你... 賣到冇曬貨, 而家要搵平地 佢會同你講風度? 空置稅點解係三至四個percent? 唔可以轉變嗎? 玩咖都得嘅啫! 轉嫁消費者? 發展商不嬲唔係 毛利最大化嗎? 同成本冇關係㗎... 大家知㗎喇
5. 鳥5
2019-05-17 12:08
一個係獨家 土地開發權, 一班係 囤地 代理商。打压话要每年抽水,代理商話可以 賣貴啲。。 玩得贏嗎? 獨家開發商賣到冇曬貨要搵(平地)。。 諗一諗過邏輯思路?。。 代理商有得還拖? 吹下水 ,我會加價 騰啲貨比消費者.. 咁呢個就合乎商業邏輯..talk is cheap
6. 鳥5
2019-05-17 12:13
既然都出曬貨 ,咁做乜仲玩高地策?打压都冇貨,仲 夾高 合作 做高個地價... 合邏輯嗎? 馬時亨呢個禮拜都走埋貨 海怡半島 啦, 佢隻腳話畀你聽啦 ,佢諗緊乜啦 ,佢唔係傻仔呀話
7. 鳥5
2019-05-17 13:53
而家都到曬價啦 。。70萬石屎加200萬賣出 跌極大把人要啦。。。 獨家開發商 玩直銷啦 清水樓 發展商都冇位做 咁講明唔明 高地插喺未來 歷史任務完㗎啦。。。 講到好白㗎啦
8. 鳥5
2019-05-17 13:57
政府咁委屈 玩高地策 都係為咗出糧$啫... 啲地都賣曬.. 重玩玩條財路好過啦, 你晾佢出 會唔會仲好啲呢..
9. 鳥5
2019-05-17 14:47
當年香港四大探長, 玩到香港 有第二個地下政府,....俾錢畀英國佬咪得囉, 都唔夠三年走都走唔切啦。。。官商合作,官商勾結,我就聽過啫 。。商人敵得過官,就咁攬住條大英法律? 小弟從未聽過 同樣大英法律 有 殖民地 地主惡得過當地政府。。。 玩法唔同死法一樣
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。