地產論壇
登入名稱
密碼
頁數:
特朗普談判的偽術
瀏覽人次:17798    回應:7
特朗普談判的偽術
 
湯文亮博士
紀惠集團行政總裁
2019年5月14日

  有老友同我講,中國一定會在中美貿易戰大敗,因為特朗普精於談判之術,並且著書立說,出了一本名為‘談判的藝術’‘The Art of The Deal’的書,其實,特朗普這本書的書名應該中英文合併才有意思,應該叫The 呃 of The Deal,或者可以譯為談判的偽術,而這本書重點就是一個呃字,一直要對手相信談判是有誠意,到最後一刻才反枱,對手在措手不及下一定會任由宰割,老實說,這種藝術不要也罷,不過,亦有很多人趨之若鶩。

  在談判之中,要呃對手是很容易,要對手相信才難,這點很多人都不明白,呃了人還沾沾自喜,其實,他們正在損害自己信用,今次特朗普並不是呃中國,而是呃美國大媽,他在莊園演說時話,如果貿易協議談不成更好,美國每年可以多收千億關稅,或者,可以將生產線搬回國內,特朗普講完後大媽掌聲雷動,不過亦有大媽不明白,既然每年可以多收千億,點解要談判,可以在美國生產,又點解搬到中國,特朗普當然不會將事實話俾大媽知道,美國所收的千億關稅,其實是羊毛出在羊身上,最後由美國消費者埋單,如果將生產線搬回美國,不但生產成本以倍數增長,而且會帶動正在美國生產貨物的成本增加,美國將會陷入高通脹年代,而大家千祈唔好忘記,美國有超過20萬億美元國債,通脹上升利息亦會上升,這將會令美國經濟陷入困境,而大家可以睇到,特朗普為了1/4%利息都已經將鮑威爾鬧到飛起,所以我認為特朗普的談判藝術的確在於一個呃字,不過在呃對手的同時又要呃埋自己友。

  就算特朗普幾叻,但始終行錯了一步棋,就是猛讚與美國談判的人,包括習主席及副總理劉鶴,說他們是好人,其實,說談判對手是好人即是話他們軟弱,無論什麼結果都會被視為喪權辱國,間接要他們企硬,其實,談判的藝術就是雙方合則贏,不合則輸,談判破裂雙方都是輸家,但點中方承認,美方不承認,這就是The 呃 of The Deal ,輸了唔認輸就即是沒有輸。

特朗普談判的偽術
1. 湯瑪斯
2019-05-14 09:41
「既然(加關稅)每年可以多收千億,點解要談判?」呢個問題督穿咗特朗普嘅語言偽術!前兩日特朗普話中國大大補貼出口貨物,所以所加關稅由中國支付。信佢嘅美國人唔通相信中國貨會好似以前咁平?
照計美國人冇理由咁蠢信佢,不過好難講。特朗普話過共和黨人最易呃,結果佢真係呃咗個候選人返嚟。佢日日講大話,但民望唔低,隨時呃埋連任!咪話特朗普癲,好多美國人一樣咁癲。有句話係有咁嘅國民就有咁嘅政府!此言不虛!
2. 十一哥
2019-05-14 09:59
商界行古惑大半生、積埋成抽恩怨比人奄住、咁多把槍指住背脊…前後左右梗要跟指示、唔怕醜係天生、扮瘋癲…反口覆舌…慣咗就覺得正常、劇情所需…唔好太認真、天唔會跌落嚟、大風大雨…裝到水定淋濕身…一膽二力三風水!

當你揾到多少又開始招積、有人擦鞋…有人榴打、榴打先至係恩人。

3. 十郎
2019-05-14 10:07


      11哥 , 世界上有一種叫做 “ 破壞性建設 ” 。唔地震下就成世霉啄啄。

4. 十郎
2019-05-14 10:21


      1 樓----- 佢顛就好囉 , 我不知幾希望佢仲顛d。呢d就係美國人受番 , 中國就係前幾任的無能 , 才有今天的成績。


5. 十一哥
2019-05-14 10:29
美帝已失先機、早5年挾阿爺可能效果明顯、今日挾就係鬆綁放虎出山、出口美國目前都仲係代美帝加工為主、淨肉唔甘賺份工錢為主、而家有本有術…主動反枱就感覺反骨負面、儍侵肯主動反枱做醜人…正中下懷、又用平果為例…以前貼住個嘜就係質素科技+膜拜、今日成抽土炮拍埋一D都唔輸蝕、貼自己牌嘜、賣平一半都執多過代客加工、大部分老表出品衹要反枱就等於鬆綁、打明正印…名正言順開自己條新路…
6. 十一哥
2019-05-14 12:41
呢條毛瀨腦中冇~刁~嘅概念、恰得就恰…恰唔到就唔怕醜撒賴、當年嚟香港求救…比班富2代執咗個煎堆食咗糊、找清數…都可以話要追加分番大份、抄人電視節目、更令佢病入膏肓、到而家都難以自拔。
不過背後又係另一故事、美帝背後實係猶佬把持、白頭片欠到冇可能還、又冇得似舊時咁…攪到債主佢地扎馬開片…再塞D生銹架撑當清數、條東方債主…老表快高長大…溝到成班浪蝶埋身、真係忍冇可忍、後宮禁臠都比老表撩到心郁郁、開拖又怕痛、都係搵條爛佬打儍章、傻侵就係咁比人推出嚟領銜嘅、尤其週身屎…即係穿咗牛鼻O…冇得唔服從起飛脚。
7. 十郎
2019-05-14 14:08


      作為一個中國人 , 如如如果有資格投票選美國總統 , 我都投比特朗普。否則選出一個精英出來的話 , 就真係 “ 該煨 ”了。



頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。