地產論壇
登入名稱
密碼
頁數:
特朗普項莊舞劍
瀏覽人次:19376    回應:9
特朗普項莊舞劍
 
湯文亮博士
紀惠集團行政總裁
2019年5月10日

  今日如果中美未能簽定協議,美國會將關稅由10%上調至25%,中國亦有反制措施,換句話說,貿易戰正式開打,但我認為特朗普今次突然提高關稅的目的並不是中國,現在特朗普首先要做到的事,並不是達成中美貿易協議,所有人都知道,這是一條漫長的路,打打談談,要用不知幾多時間,就算雙方簽定貿易協議,這亦只不過是一個爭拗終結,另一個爭拗開始,特朗普現在最希望做到的事,就是可以連任美國總統,中美貿易戰只是他連任中的一個策略,中美貿易戰只不過是一把劍,特朗普舞這把劍不是為了中國,而是他的對手,美國民主黨,特朗普公然話民主黨太弱雞,所以他要簽訂中美貿易協議,萬一他未能連任,弱雞的民主黨就不能夠頂得住中國攻勢,如果你是美國人,你又會怎樣做,所以我認為特朗普今次失驚無神加關稅,目的是為了連任。

特朗普項莊舞劍
1. 十一哥
2019-05-10 10:10
舞高弄低…火侯掌控好考功夫、燶咗就神仙難救、阿爺有D似揼鷄,唔大你又唔揼牌…一味照跟又唔多聲氣,呢場擂臺,睇邊個傷D咁解,本就係宿命…冇理由唔應戰…
2. 中國策略
2019-05-10 10:26
一個字:托。
托到明年十月左右,反枱。特朗普必蟻上热锅。
3. 十郎
2019-05-10 11:10


      講到扭六壬 , 中國倒退2,000年都贏美國佬(諸葛亮)。美國得果300年 , 山姆祇識揸架航母四處“蝦”人 , 猶太大耳窿前面同你講耶蘇 , 背後攪到人家妻離子散。遠少少的俄羅斯 ,冇中國打救就已經見左亞陳 , 近的伊朗冇中國支撐起 , 就有田賣田 , 冇田賣仔。其實中國唔叻得好多 , 好在慳儉成家 , 現在團團大富翁 , 廣結天下英雄 , 美國佬咬唔入的沙梨 , e家亂晒方寸。


      同中南海班謀士捉番盤棋先啦。

4. 雲在青天水在瓶
2019-05-10 12:35

任何稅項的懲收, 最終都會在消費者錢袋上反映出來. 以香港為例, 懲收煙草稅, 香煙的售價便會上升; 懲收燃油稅, 車主便要為出行埋單; 加收物業成交印花稅, 費用就會轉嫁到買家身上, 推高樓價. 

特朗普加懲關稅, 最終必然由美國消費者埋單. 只是這裡存在一個時間差, 特朗普在美國人日常開出調升之前, 可得到一片民粹之叫好聲. 為其連任創造條件. 以後的問題, 以後再說.

中國在雙方關係中, 現處於弱勢一方, 要想達成協議, 必然要作出較大的讓步. 但美國的要求如果涉及到主權問題, 中國不可能退讓, 因為經歷過近代割地賠款的中國, 其國民對 "喪權辱國" 的感受之深, 是任何一個國家都不可比擬的. 如果特朗普堅持要求全面的勝利, 則這場商業貿易戰有可能發展為軍事熱戰.

5. 亞Q
2019-05-10 12:58
誰人替中國簽下特朗普全面勝利的協議 , 將遭到國人批判 !
6. 十一哥
2019-05-10 13:03
美帝加入口稅、客觀就做成美國內通脹、可能係背後目的。

點解25%而唔係50%呢?25%係大約嘅臨界點、中國貨都仲有得做、再多就唔洗交易、咁中國焗住要硬還拖、况且其他供應亦未能頂得哂。

7. 十一哥
2019-05-11 12:26
人民卷計價、兌幾多阿爺話事、美佬自己係屋企識計數、25%稅…係面、兌價先係底。
8. 十一哥
2019-05-11 12:38
美佬幫趁第度、細舖頭生意多到做唔哂…supply and demand就一定冇性價比、到時通一脹…息就跟起、美帝農產品就納稅人出錢買起…送出去做人道善事、真係一石九鳥…
9. 引刀一快
2019-05-11 14:45
所以話蘇聯佬毒呢,整劑非洲豬瘟俾中國歎,依家中國全國已經冇一個省未出現過疫情,兩三個月前全國已經失咗30%嘅豬,依家可能更多,點解俄羅斯出口豬瘟,自己又冇事嘅?懵嘅都估到乜事喇,同美國玩雙打,要中國靠入口美豬同大豆維持肉價,唔買?人民飯都食唔起自然會亂。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。