地產論壇
登入名稱
密碼
頁數:
務實施政 優化空置稅
瀏覽人次:22319    回應:30
2019年4月30日

務實施政 優化空置稅

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

  樓市走勢凌厲,樓價距離去年高位只差3%左右,相信破頂指日可待。香港地少人多,高樓價是香港的標誌,私人房屋像是一種珍貴產品,人人都渴望擁有。反過來看,還沒擁有或者沒能力擁有樓房的人,他們的心裡不是滋味,反高樓價的情緒日益濃厚。於是,坊間總有兩種聲音不斷在對抗。


  香港是外向形經濟體系,國際市場的波動直接影響香港經濟,也影響樓價走勢,港府擔當保護者角色,就如97年金融風暴時,港府動用儲備捍衛聯繫匯率一樣,當局擁有龐大的外匯儲備,在適當的時候出手干預。樓市也一樣,政府干預的程度愈來愈大,但效果卻沒那麼顯著,或者說沒那麼有效。問題出在哪裡?主要是在稅款方面。

高成本就會高樓價

  為了遏抑樓價,當局10年來不斷出招,甚麼管理需求,打擊炒風等,總離不開加徵印花稅,試圖以加大買賣樓的成本,來抑制樓價升勢,結果樓宇交投是真正萎縮,然而樓價沒有因加稅而下跌,相反卻因供應減少及成本增加而上升。筆者早就經常強調,高成本就會高樓價,高樓價樓房就會落在強者之手,這樣既幫不了基層市民上車,又製造更多貧富懸殊。

  在眾多稅款(包括3D辣招)底下,空置稅是較為有效的一種稅,發展商會加快賣樓速度,訂價相對也會比較克制,有利於市民上車置業。不過,筆者認為空置稅有必要優化,將住宅分為兩個市場,中小型單位涉及民生,地產商愈早賣樓愈好,不要囤積居奇,建議空置稅可於政府發出滿意紙1年後起計。而中大型單位(屬1000呎以上)則視為豪宅物業,向來銷情較為緩慢,尤其是超級豪宅如花園洋房等,動輒幾千萬甚至幾個億,銷售幾年仍未賣完,因此空置稅計算時間,應以政府部門發出滿意紙2年後起計算為合理。

  有一點十分重要,就是大家不應將空置稅看成是一種新的稅收來源,應該視它是樓市的催化劑,功能是迫使發展商加速賣樓,盡快將新建成的樓宇交到用家手裡,而空置稅愈收得少愈好,證明市場上空置的單位很少。對於近年經常看到市民大眾和政府高官們,為樓宇印花稅(3D辣招)的收入大增而沾沾自喜時,筆者有一種莫明的無奈,聰明的讀者,自然會明白我那一刻的心情。

務實施政 優化空置稅
2. 十一哥
2019-04-30 15:40
黃埔花園…仲未去攞滿意紙…
3. 真真薯片
2019-04-30 15:51
我想問滿意紙到底有咩用?唔攞有咩分別?
4. 十一哥
2019-04-30 16:06
入伙紙計先係重點、特登留條尾唔完成…就滿意紙慢慢唔所謂。
5. 東成
2019-04-30 16:34
蔡老闆好文章,優化空置稅有必要,蔡生對物業嘅了解非常透澈.

滿意紙由政府部門發出,買家收樓都係滿意紙發出14天成交,所以發出滿意紙計算空置稅比較正確.
6. 實事求是
2019-04-30 16:40
非常同意蔡老闆文章,加徵印花稅就好似古時的苛捐雜稅,專刮民膏民脂.

[有一點十分重要,就是大家不應將空置稅看成是一種新的稅收來源,應該視它是樓市的催化劑,功能是迫使發展商加速賣樓,盡快將新建成的樓宇交到用家手裡,而空置稅愈收得少愈好,證明市場上空置的單位很少。對於近年經常看到市民大眾和政府高官們,為樓宇印花稅(3D辣招)的收入大增而沾沾自喜時,筆者有一種莫明的無奈,聰明的讀者,自然會明白我那一刻的心情。]
7. 真真薯片
2019-04-30 17:11
一定要有滿意紙先可以成交?
8. 引刀一快
2019-04-30 17:33
只要香港飛地,地產商會鬥快賣,莫講唔使空置稅,有空置獎都冇人吼。
香港已經一路跌watt,仲玩囤積居奇。
9. 李澤西
2019-04-30 18:28
讀過書,識經濟學嘅人都知道,價格同成本無關。講咗一萬次都有人唔識。哈哈
10. 阿豬
2019-04-30 20:16
可惜看多讀過經濟學的人也沒有能力買一層中環中心
可能很懂經濟學不是成為成功投資者的唯一條件

11. 真真薯片
2019-04-30 21:31
北角海旋2012年投地,2019年第二期都未賣,擺到明囤貨,吹咩
12. 回刀刀
2019-04-30 22:29
同你的想法剛剛相後。只要一飛地,港人親歴飛地區的苦況及生活質素,會更加彰顯香港優勢,港人會更熱愛香港、大陸人會願意俾更高的辣招税搶港樓,結果更進一步刺激本港樓價上升。

香港樓價的超高溢價,主要是同本港的制度,自由,治安,教育,醫療等有關。大陸人願意俾3成辣招買天價的港樓。為什麼?

除非整個大灣區成為大香港一部份,全面實施香港法律,網絡不受大陸政府監控,大灣區受香港特區政府管轄。咁或者可以令多些港人有興趣返大陸。

為了有效打擊香港樓價,阿爺要付出好大代價。可能嗎?
13. 回刀刀
2019-04-30 22:38
在你的飛地內,請問可以賣生果日報及大紀元日報?可以在廣埸練法輪大法嗎?

14. 支持者
2019-05-01 03:12
回9樓澤西兄:

閣下都幾搞笑,香港嘅樓市係讀經濟學嘅人懂得評論的嗎?經濟學者天天以市民供樓負擔能力來計算樓價,結果唔單止自己買唔到樓,仲累咗成班追隨者.

再者,價格同成本唔係必然有關,但肯定有好大影響,說成本高價格高,雖不中亦不遠.閣下好像讀了唔少書,千萬唔好做書呆子.哈哈!


15. 引刀一快
2019-05-01 07:40
樓上 回刀刀先生

飛地當然係以香港管理香港體系為標準,簡單嚟講就係俾香港一個發展空間,大陸升呢香港跌watt,最終大家都冇好處,只有兩邊同時升呢,先至係香港人最幸福嘅遠景。你以為香港衰引刀會開心?咪信D硬好嘅歪理,香港越好,引刀越著數,因為我攞住香港身份證,若果有日香港跌到同廣州完全接軌,我喺大陸就冇優勢,另一方面,到時嘅香港亦唔再係值得我運用大陸優勢嘅地方。果D投資未來廿幾年青春俾間港樓嘅人仲慘呀,每個月俾幾倍錢去供車位盤龍床盤,同期人家一直享受千幾呎屋,最終兩邊變成等價,你話係咪攞命?

成日講大陸人俾三成稅買港樓,有幾多個?係咪大陸人買港樓多過買大陸樓?人家俾得起俾得爽即係大陸某些領域好好景囉,人家托錢去買加拿大英國呢?點解唔計?
大陸冇蘋果大紀元,不過唔使飛地香港人都可以合法無管制喺大陸日日睇,咪同我講你唔知。
至於你私底下練乜功根本冇人會理,除非你公開擺架式,你喺德國以色列公然做納粹手勢死得仲慘。如果哥哥仔你中意喺廣場練嘢,不如教大媽跳鬼步,分分鐘溝幾個好似林太咁好姿色嘅紅顏知己。


17. 李澤西
2019-05-01 14:18
好多文盲暴發户同匿藏香港大陸貪官都買得起中環中心,又如何?哈哈
18. 亮劍
2019-05-01 15:26
我雖然係堅定嘅建制派,但政府呢個一手物業空置稅草案,絕對有改善嘅空間,例如以發出入伙紙為基礎,應改為以發出滿意紙為準(為免發展商玩野以獲批入伙紙後半年為限),而那些位於傳統豪宅區的堅豪宅,因為不涉及民生,理應獲得豁免。

19. 亮劍
2019-05-01 15:59
以下文章要睇留言才過癮~

時下既年青人去咁多旅行,根本就係重覆上一代貧窮既基因
https://lih.kg/1131458
- 分享自 LIHKG 討論區~~

成年人要為自己的行為負責,既然嗰啲人喺度話幾十年後2百幾個冇X用,咁即係佢都知,銀紙嘅購買力會不斷萎縮,那麼盡快將肯定會貶值嘅銀紙,變成可產生現金流嘅實物,唔係好正路咩。
我同朋友講,銀紙在金本位被取消後發生了甚麼事。
49年前一層樓的售價,呢家只夠畀經紀佣金。
39年前一層樓的售價,呢家只夠畀厘印費。
29年前一層樓的售價,呢家只夠畀DSD。
19年前一層樓的售價,呢家只夠畀DSD及BSD。
9年前一層樓的售價,呢家只夠畀首期。

呢一個世界,係有雞先定有蛋先?係銀紙購買力少咗定係磚頭價錢升咗?
答中無獎但最少知道樓價為何上升!
20. 引刀一快
2019-05-01 16:35
咁九年前同十九年前同廿九年前嘅薪水變化呢?

我30年前打暑期工,一個月3150蚊,吉之島。

依家吉之島散仔幾錢?唔會超過11000。

當香港慢慢不再香港,咁係咪仲值香港價?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。