地產論壇
登入名稱
密碼
頁數:
股樓夜話(28)點解評論員咁心急叫人買樓
瀏覽人次:27896    回應:16

股樓夜話(28)點解評論員咁心急叫人買樓

 

湯文亮博士

紀惠集團行政總裁
2019年4月7日

  星期日睇馬來西亞羽毛球公開賽,男單決賽由林丹對諶龍。大師級即是大師級,諶龍第一盤輕鬆取勝,林丹贏得第二盤,第三盤諶龍心急,以大比數落敗,最後結局是由李宗偉頒獎俾林丹。

  在睇波的時候,我斷斷續續睇評論員文章,我發覺他們很心急叫人買樓。其實,我們做評論員,只不過將自己的意見說出來,是否有人跟隨則不在考慮之列,有人跟隨的壓力其實很大。

  首先,林本利話有11萬人落錯車。我覺得話人落錯車是很凉薄的說話,而落錯車的意思是將自住單位賣走,我相信的確有人這樣做,但絕對沒有11萬人咁多,就是有,他們當中有不少以後再買樓。而那11萬人,大多數都是賺了錢,即是有人在賭場贏了錢之後離開,絕對不能夠話他離開是錯誤的,正是人各有志。而林本利在2015年話樓市有空置單位20萬個,應該仲會跌,叫大家唔好買樓。佢可能已經唔記得有講過,政府剛剛出了新樓二手樓的空置量,只有5萬個單位。

  CY以前間測量師剛發表報告,樓市今年有15%升幅。但去年九月的報告話今年有15%跌幅,升升跌跌佢講晒,仲使乜做評論。

  林一鳴話賣了自住單位的人一世都要租樓住。任志剛曾經講過,賣自住單位的人如沽空股票,林一鳴玩股票,應該知道沽空股票的人警覺性是非常高。我有幾個朋友幾年前聽曾蔭權號召將自住樓賣走,但發覺唔對路立刻買回,現在不但有自住單位,而且有樓收租。

  老汪最心急,講樓好似講到權力遊戲,成日用龍一龍二龍三來形容。佢可能唔知道,異鬼將龍一變成冰龍,佢話樓市在18個月內上升30%。我信佢,想唔信都唔得,因為就算跌都是假跌。

  咁多有名望評論員講樓,但隻字都沒有提到高成數按揭以及高回贈。高回贈令到大家誤會新樓高價熱賣,扯高二手樓樓價。有一個夠膽講,就是我平日不大喜歡的何熊輝。今次他夠吉士,俾個like 佢,但我始終有一點不明白。點解評論員咁心急叫人買樓?嘲笑那些冇樓或者落錯車的人,小小風度都冇。

股樓夜話(28)點解評論員咁心急叫人買樓
1. 真真薯片
2019-04-07 17:32
呢d叫跟紅頂白,博士以前都有教
3. 誰嘲笑誰?
2019-04-07 19:57
22. 泡沫爆破 2018-09-19 00:15:39
呢次總算吐氣揚眉,好友得把口,全部輿論都唱跌,咁都唔跌服咗你,包跌3至5成最少.哈哈!
6. 多做多錯
2019-04-07 21:23
政府實在乾預樓市過曬火位啦,留多些空間俾市場自然調節吧。

乾預得太過份反而有預想不到的反效果。希望吸取教訓,不要再亂出招了。道高一尺 魔高一丈,發展商見招拆招,高回贈,高成數按揭之後,仍有大把招出。政府不如集中力量解决供應問題。

7. 契弟走得摩
2019-04-07 21:40
咁都唔明,新樓空置殺到,地產商急於走貨,契弟走得摩,地產經紀及樓評人臨危受命。
8. 沽空苦果
2019-04-07 22:21
過去十年沽咗自住樓而又可以重新買得返樓的,只有二三成人左右。

第一,要好大勇氣認輸承認錯誤。亦要有勇氣面對左一巴右一巴的困局,因為怕上番車個市又跌。

第二,沽樓變現然後輸股票的不少,令到上番車好困難。

所以不要認叻,連自住樓都敢攞出來賭一舖。樓市不怕你叻,最怕你不願意認叻。

9. Disposition Effect
2019-04-07 22:56
有部份人不願意同搖錢樹(香港住宅物業)長相廝守,卻對股票蟹貨不離不棄。見住宅升咗幾倍就沽出。

Disposition Effect 害了不少港人,搞到退休質素大降,迫於無奈只好去大陸退休。

11. 雲在青天水在瓶
2019-04-07 23:38
樓市由去年8月之188.64, 跌至今年2月的169.95,反彈至上月底的179.50, 不過是反彈了50%,並不能確定牛市重臨。即便是重上去年高位,也只能是牛五浪未完,繼續尋頂。

但在牛五浪末期叫人入市者,無疑是指一條險路給入市的市民,讓他人在末路狂奔。
12. 佢地都好多理論,今何在?
2019-04-08 01:00
7. 开囗中(估估下) 2016-02-28 14:46:39
预計楼市跌至2018年,大约回到2009年--2010年楼價水平為(新界西的建築呎價3500---4000水平),也不算过份。
8. 123 2016-02-28 17:09:56
最近二年,新地、长實都很少買地,即是看淡下幾年樓價。但政府每年賣地一万九。其他地產商買入地,因財力不夠一定要賣樓。
9. 秋水 2016-02-28 18:00:28
如是者有物業嘅應該將手上所有嘅物業資產加按按盡佢,然後入多幾個盤收租,等人幫你供,橫點收租可以夠供樓而又睇好後市,應該唔會有咩風險。

無物業者就應該計盡條數,夠就入二手盤,唔夠就入個新盤按佢九成或九成半,橫點你唔買,發展商又會收起唔賣過幾年市好又賣貴啲,到供到咁上吓就加按買多個放租,等人幫你供,齊心將CCL買返上去,真係幾期待呢個畫面嘅出再現,買樓真係無得輸!
10. 袋錢入你袋 2016-02-28 18:43:24
通常樓市上升12-13年,就要跌個3-4年,2003升到2015剛剛升了12年,下跌約3-4年,最快要到2018才到底。
13. 雲兄有港樓嗎?
2019-04-08 01:06
雲兄在那條路奔走過呢?

跑完了?還是從未報名?
14. ANA
2019-04-08 01:54
所以未來10年的樓市最難睇,所以估中有奬,美國定會制中,供應一定唔夠,剩下來便係睇息率走勢。利率會持續走高還是有排低息。照計一定唔會好似80年代聯邦基金利率去翻15釐,如果比多10年低息就會完全唔同玩法。
15. 大陽春
2019-04-08 02:32
升市莫估頂。誰說牛五浪就不可以升多十年?一大堆辣招已經把狂牛變成了最折磨淡友的慢牛。

超低息恆常化,欠債累累的美國無盡QE,特區政府無勇氣把港元同美元脫鈎,港元已經一早從金本位已經變磚本位。

香港樓價走頭無路,只能上升。


16. 太上忘情
2019-04-08 07:30
宜家個個講到聯儲局永續低息,資產價格永遠唔會大跌。汪老話每次升勢有兩、三成,如此推論,咪幾年翻一翻?林一鳴最誇張,話餘生都要租樓,令我諗起唐英年係03、04年話香港失業率餘生都唔會低過6%。
19. ANA
2019-04-08 09:21
如果你在2003年沙士後才買樓當年中原指數約31,揸到今年就認真和味升足六倍。但你97年回歸日買當時中原指數為100,揸到今日都係升咗八成,唔係好多喎,22年喎。
20. 引刀一快
2019-04-08 11:09
To 10樓

逼於無奈?大把阿叔早著先鞭喺珠三角買咗屋,又唔使坐飛機,又唔使移民,識玩一定係玩大陸!電劣嚟嘅。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。