地產論壇
登入名稱
密碼
頁數:
是誰害怕通過移交罪犯條例
瀏覽人次:23773    回應:12

是誰害怕通過移交罪犯條例

 

湯文亮博士

紀惠集團行政總裁
2019年3月22日

  我較早前發表了一篇文章,表示中港兩地千祈唔好實施移交罪犯條例,否則,香港法律制度就會崩潰。國內任何一個人民法院判了香港人犯罪,就可以引用條例要求香港政府交出罪犯。雖然,贊成的人話香港法院會把關,不會輕易送人入國內。老實說,條例實施之後,國內要求香港政府移交罪犯的個案將會多如牛毛,香港政府都不知道怎樣把關。

  文章發表之後,我好似變成一個大逆不道的人。不少老友說我不是,並且問我是否在國內犯了法。其實我明白,情況就好似英國脫歐一樣,不少英國人並不希望脫歐,但是他們又投了贊成票。老友口中雖然說我大逆不道,但其實他們是不希望法例通過。

  最近,有老友問我移交罪犯條例進展如何。老實說,我真的不知道。不過,有機構做了調查,訪問了4,500人,有1/3表示反對,2/3支持。如果立法會的投票結果與民調一樣,條例就可以通過。不過,做民調的事,兜口兜面問是否支持,大多數都不會說不。因為如果說不的話,一定會被追問下去,有1/3反對其實已經很多。老友話求神拜佛條例千祈唔好通過,否則他就大鑊了。

  大家可能不明白,但我明白,老友在國內有二奶,連仔都好大個。法例如果獲得通過,他的二奶可以入稟當地人民法院,告我老友重婚罪,要求香港政府送他返內地治罪。就算離婚的話,他的二奶都可以分他1/3財產,而重婚在中港兩地都是犯法,所以老友的二奶控訴是一定可以成功。香港有不少人好似我老友一樣,在國內有二奶。那些人當中亦有不少支持移交罪犯條例,口是心非而已。

是誰害怕通過移交罪犯條例
1. 十一哥
2019-03-22 09:46
感情刑事…好多(得)人驚 !

2. 二奶
2019-03-22 10:13
By definition, 二奶唔係唔上身嘅咩?
3. 真真薯片
2019-03-22 11:50
條例通過,對香港樓價會有壓力

冇引導正係香港吸引大陸人黎買樓既賣點之一,有左引導,港樓對大陸人尤其是富豪既吸引力起碼打7折
4. 賣點
2019-03-22 12:03
經濟罪行剔除吖嘛, 啫係呃人輸身家果啲唔計喎。
5. 引刀一快
2019-03-22 14:16
大陸講嘅係“事實婚姻”,話之你冇註冊,住埋就已經有把柄,有細路就直接冇得推。
不過,我認為上面唔會為呢類嘢引渡香港人,其他原因亦唔多會,主要係想擺條咁嘢嚟撳住香港人把口,叫你地講嘢小心啲。
到時,向飯琳琳就變成論壇書記,邊個夠膽亂講嘢,高鐵整定個洗頭卡專列侍候。
6. 大陸講嘅係“事實婚姻”
2019-03-22 15:38
大陸講嘅經濟罪行, 最大問題係造成社會不穩, 近年要啪嘅經濟罪犯絕無僅有, 黎香港拉只係方便, 其實外國拉到都陸續送返去, 冇乜唔同。
重婚罪在兩地檢控數字係點呢? 木宰羊, 不過既然身份可以買, 響每個省結一次婚都得, 所以冇人咁做, 反過來說, 本港家事法庭一直都有處理中港(或其他地方-港)婚姻, 特別係贍養費子女供養的問題, 一年半載前有一單涉及 AA 的, 上訴至終審討論司法管轄, 已經搞清楚民事方面的管轄問題, 至於重婚拉好定唔拉好, 似乎意義不大, 不過為了樹立社會風氣, 其實拉吓都好。
7. 十一哥
2019-03-22 16:18
擺條牛林都撳唔住刀刀把口、刀刀好波 !
8. 引刀一快
2019-03-22 17:24
To 6樓

每個省一個假身份,恐怕唔玩得幾耐,回鄉證有咗人面識別十年,將來一定會全國聯網,配合手機實名制,去註冊可能都會核實身份,除非帶住頭笠去結婚。
9. 引刀一快
2019-03-22 17:26
琳琳,有冇馬𨶙?我唔食牛肉好多年喇。
10. 恐怕唔玩得幾耐
2019-03-22 18:07
只是說明重婚是一個冇乜說服力的例子, 想加重說服力的話, 可以著着墨的例子是, 為什麼賣問題奶粉疫苗人販子害人家兩代的都不用填命(有刑不用), 而維權人士繼續喋喋不休卻又要被控制(又或者如果賣問題奶粉疫苗人販子響香港拘留究竟交俾阿爺好定唔交俾阿爺好), 帶出其他地方司法執法的落差, 這根本是講大陸該罰的時候罰得唔夠重, 而如果交人俾菲律賓, 則又怕佢罰得太重。
理想的做法可能是寫一條新法例, 外地缺席審訊在香港坐監。現在局長在做的不是不着邊際便是力不從心迴避問題。


11. 引刀一快
2019-03-23 00:50
一句講嗮,就係香港冇力。
12. 香港人怕死
2019-03-23 22:20
我知大部分香港人不会同意,尤其是果D有钱人家,容乜易下次直接抓你们移交大陆。。我咁讲 大陆D有钱人家一出事马上黎香港。。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。