地產論壇
登入名稱
密碼
頁數:
香港樓市出現三高
瀏覽人次:11911    回應:13
香港樓市出現三高
 
湯文亮博士
紀惠集團行政總裁
2019年3月13日

  星期日早上跑步時見到一個老友,佢問我咁勤力做運動是不是擔心三高,老友真的是識講笑,香港人豐衣足食,有邊個唔擔心三高,不過,只要多做運動,注意飲食,三高未必會出現,就算出現,仍然可以用藥物來控制,最好是不需要。

  香港人出現三高並不奇怪,但現在連香港樓市都會出現三高,即是高樓價,高成數按揭以及高回贈,如果唔適當地控制,比香港人的三高還要危險。

  老友話樓市出現三高,根本是聞所未聞,其實,老友沒有留意,香港高樓價人所共知,不但早已超出市民負擔能力,而且在世界上排名第一,大幅拋離第二位的溫哥華,要21年不食不用才可以買到一個住得人的小型單位,老友竟然同意,第二高是高成數按揭,雖然金管局出了8次逆週期措施,令到一般香港人很難買樓,但地產商以高成數按揭破解了逆週期措施,買他們新樓盤的買家不但可以有高成數按揭,而且還免壓力測試,所以,新樓開價貴一些仍然大受歡迎,一Q清袋的事時有發生,並不是每一個新樓盤在推出時都可以全部售罄,而是地產商一Q清了買家的袋。

  第三高是新事物,地產商見新樓銷情放緩,如果減價促銷一定會影響以前的買家,為了隱瞞樓價下跌,地產商向新買家提供高成數回贈,高達樓價25%,香港樓價有了這三高,如果還說樓市是很正常,我覺得有多少自欺欺人。

香港樓市出現三高
1. 根本是聞所未聞
2019-03-13 12:04
還有很多聞所未聞, 例如
同一罐奶粉英國賣83香港賣二百幾
地產商清買家的袋之前視光師已經清正苦的袋
正苦加稅發錢商話唔駛驚我幫你俾結果唔駛俾嘅都要俾 = 幫人籌旗
坑民處廿幾年都唔入則公園成了香港的法外之區
入 form 俾屋宇四年都冇回音
等等

2. 自我陶醉
2019-03-13 12:17
龐氏騙局要成功,重點係不斷有新錢入,Greater Fool Theory 也。 就算冇新錢都唔怕,走唔甩可以搵政府埋單,反正趕走哂反民,可以為所欲為,攞200億買舖做社福,攞多200億買樓做公屋仲得,最緊要出師有名,政府三高,你死你事了,地霸sure win。
3. 政府三高
2019-03-13 12:30
制度的制定者又會傻頭傻腦唔知會被人屈機, 定係特登俾機人屈, 一個唔覺意, 唔駛承認自己七左, 仲話要堵塞漏洞, 自是賊喊捉賊, 由制度承受苦果。
4. 真真薯片
2019-03-13 12:40
高按出貨,三五年後業主斷供,逐個收回再賣,可以化解空置稅?
5. 可以化解空置稅?
2019-03-13 12:50
不是搵些人扮租便是? 唔通正苦會 check 有冇人響度住?
6. To 5
2019-03-13 12:52
既然可以委託人扮朋友探監, 委託人扮租屋唔得咩?
7. 真真薯片
2019-03-13 14:13
有租約,有交租就得,冇話需要有人住
8. 過客
2019-03-13 14:50
政府可否監管高成數回贈,否則等如欺騙二手買家用高價購入物業。
9. 自我陶醉
2019-03-13 14:58
廢招係用嚟嚇鬼嘅啫! 

3樓,你唔知我哋尊貴嘅財爺叫劏房波咩? 你咪當佢傻,佢同地產界關係千絲萬縷啊!
10. 冇話需要有人住
2019-03-13 15:00
咁哩條例要嚟做乜?
11. 真真薯片
2019-03-13 16:05
擺款
12. Koichi Fuyumi
2019-03-13 18:17
博士所講的白石角新盤,今年兩房20%回贈/三房25%回賺。其實舊年首次開賣時,也是有20.5%回贈的。

好賣嘅兩房以下回贈仲少過舊年,因為換樓鏈斷裂而無人問津嘅三房就因應現實加左回贈

呢個新盤熱賣原因,係新地不單減咗面價,再推單邊開揚和內園景(舊年更高呎價只能買面壁單位)
13. 擺款
2019-03-13 18:22
咁地霸宣誓放左租得啦。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。