地產論壇
登入名稱
密碼
頁數:
茶餐廳亂話(482)在國內買樓應該做的事
瀏覽人次:20113    回應:10

茶餐廳亂話(482)在國內買樓應該做的事

 

湯文亮博士

紀惠集團行政總裁
2019年3月11日

  今早去到茶餐廳,老闆問我上星期六的講座是否成功,參與的人有沒有得著。我話兩個講座都有那麼多好手參加,而兩場都爆滿,應該算是成功。至於參加的人有沒有得著,我唔敢代其他人回答,但我就有得著,老闆話咁奇怪。

  很多人在國內買了樓,即使付清樓價,都唔知道屋契文件是否齊全,主辦第二場講座的南洋商業銀行現在可以用國內的物業擔保香港借錢,這亦是我們時有所聞的內保外貸。我的意思不是借錢那麼簡單,而是用國內物業向銀行借錢的最終目的。我希望利用銀行的關係以及專業知識,了解所擁有的物業屋契文件是否齊全。如果掛萬漏一,銀行可以在法定能力內替借款人補做有關文件,當然是要收費。換句話說,銀行願意接受物業做抵押,代表物業是合法的。我認為這是在國內買樓的人應該做的事,不過,亦不用借太多,一兩成便可以,俾些少利息給銀行賺,自己可以買個安心。

茶餐廳亂話(482)在國內買樓應該做的事
1. 引刀一快
2019-03-11 16:19
銀行做嘢係保險,如果唔用銀行,一手樓可以上陽光家緣查,二手樓就同屋主地代去房管所查冊,熟悉咗大陸環境就唔怕。
2. 自我陶醉
2019-03-11 16:59
引刀兄,

那是國土資源部嗎? 我曾遇過一個情況查不到的,他們說如果原業主是港澳人士,必須他們本人持有效證件才可查,其他人都不能代查。

3. CD ROM
2019-03-11 17:18
近期收到whatsapp msgs, 話近排如果大家換左新款HKID, 會影響處理已購大陸物業既手續, 原因係以前留底既copy樣式對不上.....

唔知係咪真有其事呢?
4. 博士講得好
2019-03-11 20:04
博士講得好,俾利息銀行賺,日後買出都容易一些。
5. 指路明燈
2019-03-12 00:10
博士一直都是大家的指路明燈。
6. 引刀一快
2019-03-12 02:11
自我陶醉兄

好似合併咗,總之就係去房管所,查冊肯定要業主本人去,聞說帶業主身份證去都唔得,已經實施咗幾年,之不過要收訂簽約都係要業主親身做喇,所以業主係邊度人基本差唔多。
7. 引刀一快
2019-03-12 02:24
CD-ROM兄

點影響法?大陸買嘢都一定睇埋回鄉證,回鄉證上面有身份證號碼,身份確認係冇問題。
8. 自我陶醉
2019-03-12 08:27
引刀兄,

可能不同地區處理方法不同了,按這個安排,業主放盤後,要在工作日親身同地代去管理單位核實並不容易,要為境外業主核實身份就更困難了,況且內地買賣都不用經律師行,地代是唯一資訊提供者,在這方面來說,對買方的保障的確不及香港。

9. CD ROM
2019-03-12 09:55
我睇完就算, 無深究ar, 係記得提醒人換証前留起舊証既copy...
10. 引刀一快
2019-03-12 10:32
自我陶醉兄

呢樣嘢你就唔使驚,地代可靠性唔會低過銀行幾多,因為過唔到戶買家唔會俾錢地代嘅,正路一般係賣家免佣,除非地代收好高賣家佣,咁就係串謀詐騙喇,總之未攞到房產證之前唔好俾錢地代,攞到就要俾足佢。
其實,只要交細定之後,去銀行做交易信託,唔係正常過戶賣家收唔到錢,正常嚟講,只要稅所出嗮所有稅收,交埋,就一定過到戶,銀行再大都未夠稅所咁一言九鼎,國家規定,銀行提供交易信託服務係免費嘅,不過大陸D銀行都會有D名目收錢,千零兩千蚊。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。