地產論壇
登入名稱
密碼
頁數:
供應充足與不足都會令樓市下跌
瀏覽人次:19304    回應:20
供應充足與不足都會令樓市下跌
 
湯文亮博士
紀惠集團行政總裁
2019年3月7日

  近日樓價不但上升,而且一二手樓的成交量不俗,叫現在做小陽春亦不為過,有老友話差不多所有睇淡樓市專家已經轉軚,但我仍然堅持己見,究竟還有什麼因素會令樓市下跌,其實老友不明白,令樓市下跌的因素有很多,有一些今年可能不會出現,例如利息不會上升,另外有一些則有解決跡象,例如中美貿易戰,不過,這還不是肯定的,當大家認為那些事一定不會發生,但如果香港突然加息,而中美貿易戰又好似特金會一樣,到了最後一刻才反枱,這樣就會對樓市有很不利影響,不過,今年對樓市影響的除了上述的突發事件外,應該是供應,充足與不足都會令樓市下跌。

  當一般人講供應,並不需要再三說明,大家都會認為是樓宇供應,政府將公私營比例由64轉為73,代表私營房屋繼續供應不足,樓價會不斷上升,不過,很多人都忽略,公私營比例改變,只會影響5年後樓宇供應量,在未來3至4年,私營房屋的潛在供應量有9萬3個單位,應該是足夠有餘,而5年之後,除了政府可以提供的住宅單位之外,還有不少供應會透過地產商補地價得到,千祈唔好睇少這個供應量,隨時可以達政府提供的一半數目,換句話說,中短期的供應不會有太大問題,但問題是沒有人提及地產商透過補地價所得到的供應量,連官員也不願提及,實在令人費解。

  除了樓宇供應之外,還有就是資金供應,在這幾年,不少國內外資金停泊在香港,令香港資金供應充足,甚至達到氾濫程度,結果是令到香港可以不跟隨美國加息,由於時間太久,令不少香港人誤會無論美聯儲局是否加息,香港都可以維持低息,其實,美元兌港元已經有幾次觸及弱方保證,當銀行體系跌至負數,代表外來資金供應不足,香港就有機會加息,甚至不用理會美聯儲局是否加息,所以,香港樓市是否會下跌,某個程度上決定於樓宇供應是否充足,或者是資金供應不足。

供應充足與不足都會令樓市下跌
1. 湯瑪斯
2019-03-07 10:32

「供應充足與不足都會令樓市下跌」。博士講野都幾玄!不過睇完編文,明白博士既意思係未來幾年私樓供應充足,五年後因為發展商補地價建樓令私樓供應增加。所以,我領略到博士的意思係長短期私樓供應都充足。五年後因64轉73的私樓土地供應不足之數將由發展商補地價補足。現在看是五年後供應將不足,到時其實供應會充足。

不過話時話。政府任由發展商為買家提供高成數按揭。結果令到只俾得起兩成樓價首期既人入完市,只俾得起一成樓價首期既人又跟著入市。生借死借都要入市。香港可能係全世界對購買住宅需求最高的城市(按人口比例)。

2. Johnny
2019-03-07 11:41
這是真的嗎?
3. 普通香港人
2019-03-07 11:47
Admin, 係【特金會】唔係【習金會】

4. Admin
2019-03-07 11:52
謝謝3樓, 文章已修正。
5. 最普通
2019-03-07 12:05
唔理好消息定壞消息都會令樓市下跌,總之就係跌跌跌。
6. 鳥5
2019-03-07 12:25
近排又報到 啲招標價好似平咗兩三成... 睇車呀各位... 啲財仔銀主盤 下半年隨時旭
7. 鳥5
2019-03-07 12:29
long 零售 價格  ,劈招標價 ,今次個浪 唔似15 16年 ,阻大家發達都係咁話....
8. 鳥5
2019-03-07 12:36
1F, 從死者難者嘅角度香港人係, 但從死買難買嘅角度係國內, 空置率29% 收租均價一厘。。。
9. 鳥5
2019-03-07 12:38
更正。死借難借
10. 鳥5
2019-03-07 12:38
更正空置率 20個percent
11. 鳥5
2019-03-07 12:41
死買難買未必要死, 死借難借就肯定要瓜。。。
12. 雲在青天水在瓶
2019-03-07 12:42

關於價格的波動性, 有一種講法叫作均值回歸. 當標的升或跌至偏離均值較大幅度, 市場就會產生回歸的向心力.  近日A股的走勢便是一個很好的例子. 跌過了便回升.

香港樓市則相反, 升突了便回調, 現階段與供應多少無關! 更何況公私營房屋供應比例改變後, 相當一部份私樓的潛在買家有資格被納入公營範圍, 令私樓的需求亦減少, 看問題如果只看一面, 看不到另一面, 當問題發生時, 必會自言自語地問: 點解會咁?

13. 鳥5
2019-03-07 12:46
聽到雷聲 ,其實個電台經閃咗 ..賭場真理 ,當你 揭盅 之時 ,已經係付出咗代價一段時間...
14. 鳥5
2019-03-07 14:07
12F, 有見地。。。 人係生, 價係死。。 何謂合理價 係人畀。。 人同價, 係可變嘅互動關係。。 供應同需求 亦如是係 可以 變化。。。 當中以價格, 可以變 數最大。。 一個癲加一個傻 就可以創造天價。。 一個恐慌 加一個 狼 ,就可以創造 離題低價。。。 是故同一個地區二手呎價 ,全年高低波幅可以達到5成。。。 根本唔係乜嘢新聞
15. 湯瑪斯
2019-03-07 14:31

To: 鳥5

我有時睇翻自已上載既野都會發現有些手民之誤非改不可。其實你只要登記戶口,咁上載左既野事後係可以修改既。而且登記左網上名稱就唔怕有人冒名發表評論,因為只有戶口持有人才可以用該網上名稱。

16. 湯瑪斯
2019-03-07 14:37
聽聞12樓既雲兄幾年前已經預言中原城市領先指數會升到160以上,結果言中。最近佢話樓市會轉勢下調。睇下佢寫既野,果然有理有據,很有見地!雲兄仍真正高手。
18. 鳥5
2019-03-07 15:47
1F, 請不要誤會,係本人用語音識別出現錯字, 你講嗰啲現象,我都相信..但今次係本人寫錯...哈哈Sorry..
19. 五毫子
2019-03-07 22:44
香港樓价狂升多年,主要是香港货币供应狂升,現在M3已經升至13萬億,令到港元實質購買了下降。

60年代雲吞麵三毫子一碗,現在升咗100倍有多, 樓價上升幅度也有百倍以上。

12樓所說的均值回歸,只適用於短時間內炒賣。雲吞麵不可能跌回三毫子一碗。香港樓價在連年通脹,利率短企的情況下,同雲吞麵一樣,有升冇跌。


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。