地產論壇
登入名稱
密碼
頁數:
天氣不穩定的小陽春
瀏覽人次:22569    回應:24

天氣不穩定的小陽春

 

湯文亮博士

紀惠集團行政總裁
2019年3月4日

  我小時候在澳門, 到了初春三月,就希望相熟的漁船早些回航,因為有機會食到我喜歡的游水黃花魚,而黃花魚離水即死,只有小量儲存在生倉,當時,黃花魚是下價魚,大多數會曬成咸魚,上一輩人話是蒜子肉,咸魚中極品,現在很難考究,我相信無人會將黃花魚曬成咸魚。

  漁民會揀小陽春的時候出海捕黃花魚,在船上已經開始做加工工作,但最緊要是要有幾日出猛太陽,如果漁民覺得天氣不穩定,太陽時有時無,寧願灣水都不會出海捕漁,他們的概念是遲幾日出海,黃花魚會更大,加工後賣得更好價錢,沒有連續幾日猛太陽,不會將黃花魚變成靚咸魚。

  除了中原指數連升三週之外,近日反價成交不絕,估計指數會繼續上升,賣樓業主話不是他們想反價,而是財政預算案中顯示未來的供應量會下降,暗示樓價會繼續上升,既然政府打開口牌,唔反價就笨,今次真的是官迫民反,我有時真的不明白,點解香港官員咁老實,一方面出招壓樓價,另一方面話土地難求,未來供應量很難達標,究竟官員們是想壓樓價,抑或想樓價繼續上升,我真的是搞不清楚。

  在官迫民反之外,樓價不斷上升,怎樣說也應該是小陽春,地產商應該趁機推售新樓盤,但我們只是聽到有地產商話今年會推售幾千個單位,但並不見他們有行動,在新年以後,只有一個小型樓盤推出,銷售成績強差人意,莫非這就是其他地產商不敢推盤的原因,現在雖然是小陽春,但只是一個天氣不穩定的小陽春,龐大的購買力並未獲得確認,如果首輪的銷售成績不佳,以後再推售就變得很困難,所以,大大小小的地產商都按兵不動,無謂蝕了頭注,不過,有不少人不同意我的說法,他們認為連一般小業主都反價,地產商怎會唔反,現在唔賣樓只不過是惜售,樓價再升兩三成,就會有地產商賣樓,或者有地產商因為唔賣樓要付新樓空置稅,升三成回贈返5%俾政府都好應該,所以,在地產商聯袂不賣樓的情況下,樓價將會繼續創作高,我不敢反駁,亦不排除這個可能性,因為如果地產商不賣樓,二手樓在塘水滾塘魚的情況下,的確會繼續上升,不過,地產商現在是不是不賣樓,抑或唔敢開盤賣樓,大家自己理解。

天氣不穩定的小陽春
1. 湯瑪斯
2019-03-04 10:21

博士早前講過發展商願意減價推售就會有小陽春。以過去一個月的市況,其實是發展商薄利多銷的好時機。如果發展商唔肯減價推售以致銷情唔理想,後面又有空置稅的追兵。隨時出現人踩人的局面,一手樓領跌大市。

不過既然有人大聲疾呼話近幾個月的樓價係短命的下調,言下之意是看好後市,中原指數又連升三星期,好似真係止跌回升。咁發展商遲些賣樓可以大贏特贏。不過中原指數回升也可以係短命的回升。發展商睇錯市會好大鑊!發展商也要自求多福!

3. 地產商應該趁機推售新樓盤
2019-03-04 10:29
唔理 64738291, 如果每年要賣 10000, 每星期要走 192間, 12 個禮拜啫係積存 2307 間, 以前可以玩一票難求, 而家清唔晒猶如引火自焚, 發仔其實都驚掟冧, 除非中聯辦或者中旅社打救。 
4. 發展商薄利多銷的好時機
2019-03-04 10:45
之前二手掟殘, 傾價好似叫隻馬騮掟飛標一樣, 你叫發仔點可以出黎掟埋一份呢, 二手現在喘定, 成交量增加, 先睇到咪就係跌左十隻囉。
5. 淡定哥
2019-03-04 10:56
地霸一早就收到風官地已經所剩無幾,在政府冇地可推,而港人反對一切增加土地供應(高球埸除外)的方法的情況下,樓價將倍升是必須的。今年下半年恆指破頂後,一手樓會以天價出擊,刺激入市意欲。

香港人好奇怪,越加價反而刺激越多人入市搶樓。今年下半年樓市將旺到冇人信。

大家不要太擔心,下半年樓價升20%左右,不會太多。
6. 淡定哥
2019-03-04 11:08
貴為大灣區龍頭的香港,如果每年樓價升幅連20%就冇,就太可恥了,連惠州都不如,更不要說同深圳比,特區如何對得起中央的厚爱?
7. 港人反對一切增加土地供應
2019-03-04 11:13
同有錢唔睇私家一樣, 人蠢冇藥醫。
8. 淡定哥
2019-03-04 11:26
全球經濟最旺的大灣區的重點城市樓價都不可能平宜,紐約,東京,三藩市都不會是樓價平的地方。

想要住的平,不妨考慮搬到江門惠州。信我,當地樓價一定平過西九龍。冇本事生活在香港,可移至大灣區其他地方。我估以後會推出大灣區身份証。

阿爺俾香港在大灣區定位,是一大堆的中心,但不包括人人免費置業,個個住萬尺大屋的天堂。



9. 想要住的平
2019-03-04 12:10
唔駛大遷徙咁麻煩, 只要香港關係法一 terminate, 同大媽區即刻睇齊啦。
10. 向泛民说不
2019-03-04 13:26
香港班废材官员真系不知所谓,其实只是私人楼供应下跌,居屋其实是提高了。也就是说想买楼的机会比以前高。但是班垃圾高官只是说私人楼减小。

如果加上居屋,想买楼的机会和选择应该会多左。

有好像之前的60岁到65岁的老人津贴问题。如果政府可以将香港人的人均寿命不断提高,现在男性已经超过81岁,而女性超过85岁,相信香港人都会明白60岁到65岁都吾算老人。但是班所谓高官只是口upup。Presentation skill真系好L差。结果令政府很被动。

以前70是古来稀,但是现在90已经是比比皆是。
11. 向泛民说不
2019-03-04 13:30
9楼,香港關係法一 terminate,你英爹美爹都不愿意啦,在香港,英国人的利益还有很多,汇丰恒生,东印度公司和太古仍然控制了3,4成的生意,还有美国也有很多利益。更加重要的是你美爹要用香港颠覆大陆的基地。退出关系法,香港正式回归,到时就可以将黄间谍驱逐出大海,或者抓去洗脑营。你美爹无甘蠢。
12. 引刀一快
2019-03-04 13:42
8樓

點解返大陸買屋都要求“冇本事”嘅?有本事唔俾買?

廣州深圳珠海佛山你有冇樓?你係咪好“本事”呢?呵呵
13. To 11
2019-03-04 14:06
邊個係你美爹?
14. To 12
2019-03-04 14:52
可能佢仲係停留響返大陸只係為左包二奶或者老柴娶妻果個層次。
15. 雲在青天水在瓶
2019-03-04 17:24

"賣樓業主話不是他們想反價,而是財政預算案中顯示未來的供應量會下降,暗示樓價會繼續上升..."

多數人會有這種直觀的思維,

但如果換一個角度來看: 可能政府看到樓市存在下跌的風險, 主動減少供應, 以免出現像97年8萬5政策實行時的後知後覺, 所造成的被動局面.

到目前為止, 並沒有人提出這種看法. 博士應有多面體的觀感, 想人之不敢想, 觀微知著! 


16. 以免出現像97年8萬5
2019-03-04 17:34
羅局長好似出黎講過 95-98 正苦都有買社福 office, 想法一是正苦摸了頂, 想法二是正苦準備了二百億準備救市。
17. To 15
2019-03-04 18:06
樓上真搞笑,又係為自己的幻想找理由去解釋,如政府咁叻咁有遠見,就唔使做乜都俾人小啦,師兄咁嘅思維,就唔怪得其他網友話你好快消失,我都咁覺得呀。
18. 二打六
2019-03-04 19:03
呢D就係走火入魔。
19. 真真薯片
2019-03-04 20:17
雲兄,在下認為如果正苦驚跌市減少供應,亦唔需要打開口牌,佢可以地照造,地造左出黎唔賣,一樣可以減少供應

64轉73表面上居屋多返大數不變,但係首先私樓地轉公營房屋唔係全部轉晒居屋,大部份會係對私樓影響不大既公屋,更大問題係2022-23年公營房屋出現黑洞式斷層,當年一萬公屋都冇,正常一年應該有二萬公居屋+萬7私樓,2022-23年公屋不足一萬既話,減左既私樓撥過去做公居屋,公居屋私樓條數仍缺成萬伙,非常大鑊

比較大片又可以發展既地一隻手數得晒,康城地賣晒後,靠啟德,白石角同掃管忽,西九又唔起樓,呢三度都頂唔到兩年,跟住要靠錦上路,東涌填海同其他一個半個地鐵站,市建局項目頂到明日大愚落城,財財爺報告,明年萬五供應有3800係“私人重建項目”,真係好笑,私人重建項目幾時賣佢又知?私人重建唔受官地條約限制幾時起好,可以起足30年,市好先賣,你吹佢唔漲,農地補地價?你旨意地霸自己加大供應推低樓價等自己搵少d? 

如果話港樓會因為經濟因素而跌都仲講得通,但係如果講未來因為供應增加而跌,就講唔通啦
20. 真真薯片
2019-03-04 20:20
https://www.hk01.com/社會新聞/179094/01獨家-公屋-黑洞-將至-2023年供應不足萬伙-輪候時間更長


香港房屋供應嚴重失衡,近年公營房屋供應大落後或趨惡化,皆因公屋供應「黑洞」將至!據了解,房委會興建的出租公屋,於2023/24年度的落成量竟然不足1萬伙,是近年新低,比《長遠房屋策略》訂定每年平均2萬出租公屋目標少逾五成。

雪上加霜的是,上屆政府在2014年提出的《長策》十年建屋目標中,一直倚靠「後五年」追落後,但消息人士形容,由2023年至2026年的公屋供應,將會出現「斷崖式」下滑,現屆政府覓得土地發展公屋,亦似乎有遠水不能救近火之弊。

民主黨立法會議員尹兆堅表示,擔心公屋供應下跌,會令輪候公屋申請人等候時間更長,估計特首林鄭月娥任內平均輪候時間有機會衝破6年大關,並相信公屋供應短缺問題,可能未來15年也不能解決

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。