地產論壇
登入名稱
密碼
頁數:
有錢也買不到新樓
瀏覽人次:24781    回應:11

有錢也買不到新樓

 

湯文亮博士

紀惠集團行政總裁
2019年2月28日

  近日天氣稍涼,火鍋店非常熱鬧。經營火鍋店的人都知道,要做得好,一定要有新鮮靚本地肥牛。所以,火鍋店買手都各出奇謀,努力張羅本地肥牛。對於那些本地肥牛供應商,火鍋店依期找數已經沒有吸引力。所以,有不少火鍋店買手每一日都會去各區街市,用現金購買所需的本地肥牛。因為大家都知道,沒有新鮮本地肥牛,不如唔好做火鍋生意。

  我有一個老友,他做火鍋生意做得非常成功,但他對我說,錢原來不是萬能。雖然有錢可以買到靚牛肉,但買唔到新樓。因為,他曾經試過幾次打算用現金買新樓,但物業代理對他說有錢都冇用,與那些用高成數按揭買樓的人沒有分別,一樣要入票抽籤。他唔明白地產商點解唔讓那些用現金買樓的人先買,第二輪才讓那些採用高成數按揭去買,況且業界有人話採用高成數按揭買樓的人不多,必要時甚至可以放棄那一班未合資格買樓的人。少一些人用高成數按揭,樓市會健康一些。

  我明白老友心情,有錢都買唔到樓的確很激氣。雖然業界有人話採用高成數按揭的人很少,其實是很多。任何一個樓盤如果沒有高成數按揭,銷情一定很慘淡,地產商基本上不敢放棄用高成按揭的買家,寧願放棄有錢買樓的人,將他們全部歸納在一個族群,一起排隊,一起抽籤。所以,有錢的確是可以買到靚牛肉,但買唔到新樓。

有錢也買不到新樓
1. 引刀一快
2019-02-28 10:59
俾現金有優先,好易予人話柄,歧視錢少嘅人,如果俾錢買優先揀樓權又唔同,比如俾十萬蚊可以優先揀,咁掹掹緊嘅人自然唔會同佢搶。
2. 俾錢買優先揀樓權
2019-02-28 11:06
又返去戴手襪㩒發仔嘅年代呀?
3. 白鴿眼
2019-02-28 12:18
同意一樓及2樓
4. 真真薯片
2019-02-28 12:50
就好似古董同名酒一樣,有錢都買唔到,先賣得貴嘛
5. 日日賺
2019-02-28 13:48
土地供應大減,動工量大減,政府已經束手無策,只能靠畫餅充饑。樓價井噴是必須的。
6. 十一哥
2019-02-28 14:52
正苦增加公營…減低私樓…整體供應冇減…衹係截糊行為、剛需用家望到梅…有期望何妨再等一會、私樓黃牛黨㩜上身…要等三年就好易瀨嘢。
要賭就玩千呎過外…大D嘅單位啦!

7. 一次性付款及大手買入其實巳有優先及優惠
2019-02-28 15:18
其實如果有錢,可買多一兩間,發展商會把你放在優先組別先選購,如以一次性付款更可享有高折扣,用高成數按揭及建築期付款只能於你揀完後才到他們揀!
8. 又係喎
2019-02-28 16:13
其實已經有了分別,真正有錢人已經優先揀樓
9. 真真薯片
2019-02-28 21:22
64轉73,係用黎填補公營房屋供應大缺口,大數其實係少左好多

【01獨家】公屋「黑洞」將至 2023年供應不足萬伙 輪候時間更長
https://www.hk01.com/sns/article/179094
10. 日日賺
2019-03-01 20:50
明知供應短缺,我做發展商也不急推盤。所以應該系俾到價也不會賣樓。
11. 淡淡加油
2019-03-02 08:30
淡友們不要灰心啊,今年樓價最多升15%,不要太擔心,要堅持自己的信念,每天瞓醒打心口大聲講三句,樓價一定會跌。😛😛😛😛😛
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。