地產論壇
登入名稱
密碼
頁數:
茶餐廳亂話(466)畫餅充飢
瀏覽人次:14281    回應:9
茶餐廳亂話(466)畫餅充飢
 
湯文亮博士
紀惠集團行政總裁
2019年2月6日

  今早茶餐廳老闆一早WhatsApp 給我,請我跑完步之後去茶餐廳食齋,仲話朝齋晚雜,生意湊合,於是恭敬不如從命,其實,除了齋菜之外,還有很多過年餸菜,最緊要有杯靚咖啡,老闆話今年鄉議局替香港抽到一條中籤,好過前幾年,幾乎每次都是下下籤,我睇籤文,好似唔係中籤,應該是下下籤,畫餅充飢仲唔係下下籤,還有什麼是下下籤。

  今次解籤佬捉到鹿都唔識脫角,說什麼家宅不吉,求財不遂,這與籤文根本沒有關係,講到明是畫餅充饑,即是講納米樓,CY在任時,任由地產商畫餅充饑,以納米樓當正常小型單位,今年納米樓開始入伙,買了那些納米樓的人發覺很難長住,因為沒有二手市場,亦很難出售,這將會是地產市場計時炸彈,老闆話並不是解籤佬不識得解,而是唔敢解,都是果一句,搵食啫。

茶餐廳亂話(466)畫餅充飢
1. Shimin
2019-02-06 12:48
畫餅充飢可能是指政府搵地計畫,土地問題沒能解決,樓價會繼續漲.
2. 李澤西
2019-02-06 13:10
畫餅充飢係指迷信樓價會繼續漲的人。
哈哈
3. 自我陶醉
2019-02-06 13:47
納米樓都算係住得嘅樓,又點算畫餅!  填海係提供將來可以起樓嘅地,算係增加麵粉,所以亦唔算畫餅。

畫餅可能係指政府房屋政策,又七三又六四,現在有地可用又唔去收,永遠得個講字,莫非係等廿年後填海幅地先起? 仲唔係畫餅充饑!

4. 李澤西
2019-02-06 17:03
凈係今年就有三萬一手樓供應,畫餅充飢的人總係掩耳盗鈴視而不見。哈哈
5. 真真薯片
2019-02-06 18:23
畫餅充飢?

http://ps.hket.com/article/14245/2013年全港可供發售新盤單位總數約29019個

http://ps.hket.com/article/41490/預計2014年全港可供發售新盤單位總數約31236個

http://ps.hket.com/article/510265/2015年供應收成期%20新盤百花齊放

http://ps.hket.com/article/1128754/2016新盤陸續有來%20逾3‧8萬伙供應壓境

http://ps.hket.com/article/1614471/【專題報導】2017新盤各具特色%20逾3.3萬個一手供應大放送

https://ps.hket.com/article/1977940/
全新盤明年2.7萬伙新界成供應重鎮康城大埔屯門供應重鎮共1.5萬戶

https://inews.hket.com/article/2244613/70新盤3萬伙年內可推%20聚焦新界
6. 湯瑪斯
2019-02-06 21:06
如果人人都好似粒米咁細粒,咁納米樓都係住得吓人既樓!
我幾年前喺首爾住過幾晚精品酒店,住幾晚冇問題。長住嘅話我諗我會發癲!
7. 向引刀‧土著‧自醉‧浪子說不
2019-02-06 21:53
特發新聞報導:致各區業主好消息

【車公求籤】「畫餅將來不充腸」 麥玲玲:預示明日大嶼一場空 換句話說 即是業主最好的新年賀詞

57,694
 
分享
建立時間 (HKT): 0206 11:52

新界鄉議局主席劉業強今早按照習俗,在沙田車公廟為香港求籤祈福,求得86籤中籤,籤文為「石田為業喜非常,畫餅將來未見香;怎曉田耕耘不得,那知餅食不充腸」,解曰: 出入謹慎,家宅不吉;自身平安,求財不遂。劉指籤文顯示香港儲備足夠是一塊福地,但香港的規劃、政府的施政都需要市民支持,才能有更好的明天。不過,「守護大嶼聯盟」在其fb專頁發文指,應該是講東大嶼計劃,「個個都問咁講畫餅仲唔係政府成日講嘅造大個餅嘅土地供應?一定係講東大嶼啦!」玄學家麥玲玲也認為,車公是預示「明日大嶼」的計劃最終令引刀一快‧土著‧自醉‧浪子‧淡淡一場空;有解籤師傅亦指香港未來籌謀規劃的基礎建設,將會諸事不順,無殼港人無法受惠。換句話說,預示簽文對全港業主是一項最佳的新年賀詞。



8. 李澤西
2019-02-07 08:51
好信唔信,信神棍同解籤佬?佢地讀書唔成,如果咁靈就唔使做神棍呃人啦!下話?哈哈
9. 引刀一快
2019-02-07 09:57
想充飢?要飛地。

今勻D簽文真係食到應。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。