地產論壇
登入名稱
密碼
頁數:
現在的負資產並不可怕
瀏覽人次:22370    回應:14

現在的負資產並不可怕

 

湯文亮博士

紀惠集團行政總裁
2019年2月4日

  有老友話現在的大學講師不知所謂,正當負資產出現之際,如果有發表都應該警惕打算買樓市民,最低限度都講一句量力而為,現在竟然有講師話負資產僅對心理有影響,老友又唔需要咁火滾,香港是言論自由,任何人都可以發表他們的意見,在政府推出新樓空置稅之前,不少大學教授,學者都指新樓空置稅沒有效,甚至是花招,現在他們當然不會提,我夠膽講,如果沒有新樓空置稅,中原指數早已再創新高,不過,今次我話那位講師說得對,現在雖然出現了262宗負資產,但是毫無殺傷力,那些負資產有可能不是負資產,既然不是實質的負資產,只是對心理上有影響亦說得通。

  我有一個在銀行工作的年輕朋友,他去年問銀行借盡九成按揭買樓,現在樓價下跌已經超過一成,理論上他的物業是負資產,不過,他是有相當多積蓄,Full Paid也可以,但他在銀行做工,有這個優惠,不吃白不吃,一定會借盡,何況利息又咁低,所以,他按在銀行的物業是負資產,但是他不是負資產者,至於那些用按揭保險借了九成買樓的人,就算他們放棄,按保公司都會替他們找銀行按揭欠款,他只能算買了保險的負資產者,現在出現的262宗負資產,全部是上述個案,如果情況不再惡化,現在的負資產的確並不可怕。

  不過,情況一定會惡化下去,因為那262宗負資產,是官方的數字,但藏在民間的有幾多,大家連提也不敢提,而事實上大家都知道,不少人採用地產商提供的高成數按揭,呼吸Plan 買新樓,問財務公司借錢買二手樓,用地產商的高成數按揭的還好,因為最少有3至5年低息期,如果問財務公司借錢,條利息數會相當犀利,如果還唔起利息,在複式計算之下,就算樓價唔跌,很快就會變成負資產,所以,有專家話樓價跌一成,負資產增加至千宗,如果是真的話,香港樓市絕對沒有危機,我擔心的是,樓價跌一成,負資產增加至萬宗,當然,要將官方的以及民間的合併計算才可以得到這個數字,好了,唔再嚇大家,祝大家豬年行大運。

現在的負資產並不可怕
1.
2019-02-04 09:45
 手中持樓賺超過10%既人佔左99%
266個只係一粒沙,即0.1%都唔夠

一日內地落黎既配額都150人

好快消化完


2. 負資產
2019-02-04 10:03
負資產只是樓價下跌一成的結果,大部分是銀行職員用銀行對員工的的優惠按揭,并不俱備前瞻性。千祈唔好因果倒轉。
3. 八妹
2019-02-04 10:49

一個單位的成交可炒起成個市!

政府話居者有幾十萬個,一年白居二五千個,不會炒個市,結果是......?

"266個只係一粒沙"??????

說以上的話他的背景是????


4. 鳥5
2019-02-04 12:35
一間屋曱甴點會得一隻?
5. 鳥5
2019-02-04 12:37
美國收債 其實已經等於 響融資成本 企業融資成本 加咗 2.5厘, 年尾持續。。。
6. 一間屋曱甴點會得一隻
2019-02-04 14:04
一間屋有曱甴有乜出奇,有老鼠就唔好啫,我間屋就一定冇老鼠,其他人屋企有冇我唔知。
7. 鳥5
2019-02-04 14:25
6F, 歷史以嚟樓價爆破 其他地區 都係少數人, 連累大多數人 呢個係歷史 成個美國 爆煲 開波只係幾千個 斷供。。 壞帳 係最隱蔽最仔後嘅數據。。。 當年美國 06年樓價見頂 真正爆大鑊 係零七年 持續12個月。。。。
8. 鳥5
2019-02-04 14:37
1/F, 而家係大陸佬響香港古貨返國內, 唔係14年嗰個時候。。 而家接貨 係本地人
9. 我夠膽講
2019-02-04 14:38
如果唔係中美貿易戰任何空置稅或乜乜說都是花招而已,林鄭好彩狗屎撞馬棍。
10. 一間屋曱甴點會得一隻
2019-02-04 15:39
就算屋企多咗隻老鼠,即刻諗屋企有鼠疫?唔好自己嚇自己。
就算隔離有非洲豬瘟,就諗豬瘟立即傳人?
就算高按爆煲,嗰啲低按都爆?
咁中美不是冷戰,是熱戰了。
11. 真真薯片
2019-02-04 16:06
極度同意九樓
12. 湯瑪斯
2019-02-05 08:36
任何人嗰腦入面有一粒,唔死都痴呆!所以唔好睇小嗰粒沙,可以致命!
13. 恭喜發財 !
2019-02-05 11:13
12樓你講呢粒屎呀

14. 從來都不怕
2019-02-07 20:21
輸就銀行的而贏就是我的。怕?怕甚麼?好過去澳門。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。