地產論壇
登入名稱
密碼
頁數:
茶餐廳亂話(464)樓市調整期即將完結
瀏覽人次:20550    回應:12
茶餐廳亂話(464)樓市調整期即將完結
 
湯文亮博士
紀惠集團行政總裁
2019年2月3日

  今早去到茶餐廳,聽到有人對老闆說,根據著名評論員非常肯定表示,樓市調整期即將在年初七完結,老闆話香港很多儍仔,不過,香港是言論自由,大家講乜都得,上一次自稱最準的評論員因為政府推售屋居有27萬份申請表,亦表示樓市在11月底會從谷底反彈,講到似層層,仲四出對傳媒發表意見,現在當然隻字不提,理由很簡單,在去年12月,樓價下跌了2.5%,今年1月,樓價亦大約下跌了2.5%,兩個月跌了5%,說什麼從谷底反彈,不過,很多評論員都是講完就算,大家都習以為常。

  其實,那位說樓市調整期完畢的評論員去年整年都叫人買樓,並且經常恥笑那些還未買樓的人,去年他講到樓市識飛,埋單計數,全年只不過上升了1.6%,今年1月,已經將這個升幅跌走,嚴格來說,去年買樓的人全是輸家,現在負資產重現,樓市才開始向下調整,所以我不明白點解有人會話樓市調整期結束,還未開始,又怎樣結束。

茶餐廳亂話(464)樓市調整期即將完結
1. 自我陶醉
2019-02-03 08:15
升1.6%都未夠俾一大堆交易費,呢幾年買新樓現在才上會的人就有苦自己知了。其實講嗰個唔傻,信嗰個先傻啫! 所謂精人出口,笨人出手。 香港唔多呢啲地霸推手同傻仔,地產商又點會入哂首富榜呢!

2. 因為呢兩年開始政府已經無地可賣了
2019-02-03 08:48
既然無供應,樓市頂多過多兩年好大機會井噴
4. 十一哥
2019-02-03 11:47
早期比人咗嘅…事實係上咗富貴列車喎、原來醉眼看世界…唔理好醜…乜都灑手 ?

5. 淡友靠山
2019-02-03 15:47
辣招同金管局乾預已經多年來壓制了好多上車,換屋,及投資需要。林鄭大幅減少未來私樓供應,空置稅又把動工量減到新低,美國又加唔到息。

淡友們的唯一寄望,就是侵侵。一但國內外四處樹敵的侵侵連任失敗,咁就大鑊。

唔知到事有甚麽可以阻擋香港樓價追落後狂升。
6. 淡友悪夢
2019-02-03 16:01
侵侵為了連任,已經多次施壓力迫Federal Reseve 停止加息。一但美股大跌,佢好可能兵行險著推QE4。

侵侵現在是淡淡的朋友,但好快可能是仇人。旨意侵侵幫手上車,是不是太天真?
7. 不要搞錯
2019-02-03 17:18
今次是長達數十年的Secular Bull Marker, 調整期是半年或是9個月問題不大。調整並不是轉勢,不要搞錯。


10. 望東樓
2019-02-03 19:41
春有百花秋有月,
夏有颱風冬冇雪,
海航予我人頭按,
日日買樓好時節。
11. 李澤西
2019-02-03 21:37
迷信樓市只升不跌的人,始終要付出代價,不可怨天尤人。

遏抑樓價從來係政府責任,正如要遏抑米價一樣,因為要保障民生,不能任人抬價擾亂市場。哈哈
12. 李澤西
2019-02-03 21:56
世上没有只升不跌的事物,除非是騙局,如18世紀歐洲狂炒鬱金香,仲貴過黃金,始終爆煲。

道理很简單,正如物理學已證明了世上没有“永動機器”(不需能量而永遠自動操作的機器),如果有人話你聽有的話,佢唔係白痴就係騙子。哈哈
15. 湯瑪斯
2019-02-05 03:16
經過最近半年嘅跌市,應該唔會重有人話樓價只升不跌。有部份好友轉為不斷大呼止跌回升。
有人搵到一個理由就話2018年11月29日之後六百萬樓下既樓價止跌回升。
而家又有人話初七人日之後調整結束。我相信遲啲會有人話淸明之後樓價跌完!
大家睇吓好友嘅文章,只列舉一系列利好因素就作出結論,完全沒有將利好同利淡因素作出比較和分析,咁嘅文章只要有呼吸嘅人都識吹。我預言這類磚家好快就會被沒有呼吸嘅AI取代!
16. 湯瑪斯
2019-02-05 03:46
原來真係有人仍然相信香港樓價只升不跌。佢哋嘅理據就係以四十年為一單元埋數。與四十年前相比(即係2019年與1979年相比),樓價係大升。咁大跌市嘅1998年、2003年算係乜?佢哋話算係短期既調整,大勢仍然係升。以呢個理論,未來四十年大勢都係升,而家所謂跌市,都只係短期調整,未來必升。
呢個只升不跌嘅宗教,應正名為四十年只升不跌教!
18. 引刀一快
2019-02-05 15:41
To 12樓李澤西兄

世界上真有永動機,據聞巴西嘅細哨,朗拿甸奴,就係床上永動機!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。