地產論壇
登入名稱
密碼
頁數:
明年買新樓的人比今年開心
瀏覽人次:25633    回應:24

明年買新樓的人比今年開心

 

湯文亮博士

紀惠集團行政總裁
2019年1月31日

  在2019年之後,不少人見到我就會話好彩冇聽我講,他們在去年買了新樓,我被人問得多都覺得有小小悶,於是反問,如果時間可以返轉頭,他們會不會在去年買新樓,我唔講大家都會知道,答案是一定唔會買,今年地產商大減價,應該仲有排減,就算買唔到都唔緊要,新樓盤供應源源不住,今年買唔到,等明年買,可能明年地產商減價比今年減得更加徹底,明年買樓可能比今年更加開心,不過,他們的答案令我有點糊塗,點解他們又會話好彩冇聽我講,而在去年買了新樓,應該話最衰冇聽我講,在去年買了新樓。

  在政府推出新樓空置稅之後,其實大局已定,新樓要限時限刻賣,供應必然增加,樓價亦隨之下跌,不過,這亦需要最少半年時間發酵,因為在取得入伙紙之後頭半年,地產商仍然可以以出租來避過新樓空置稅,但在下半年,即是今年1月1日之後就避無可避,就算租出了都要交新樓空置稅,過了這個發酵期,租不出去已入伙的新樓就要減價出售,這樣才可以避免繳付新樓空置稅,而且將會規律化,新建的單位不但不可以囤積,已建成幾年而在囤積中的新樓單位亦要推出市場,太長的時間不敢說,今年買新樓的人比去年開心是可以肯定,明年買新樓的人亦有很大機會比今年開心,所以,點解要咁急買樓,話唔定愈遲買愈開心。

明年買新樓的人比今年開心
1. 李澤西
2019-01-31 13:34
愈遲買愈開心。哈哈
2. 不買其實更開心
2019-01-31 13:50
其實等多五年或是十年更好開心。香港地租樓長租必賺。日日賺,月月賺,年年賺。
3. 好開心
2019-01-31 14:03
明年一手樓比今年貴一成左右。寧買當頭起,在升浪中買樓的確心情都好啲。
4. Joe W
2019-01-31 14:08
源源不住? 源源不绝.
5. 李澤西
2019-01-31 15:47
有冇聽過地產神童"羅兆輝?點解佢要燒碳?哈哈
6. 湯瑪斯
2019-01-31 16:38

3樓話「明年一手樓比今年貴一成左右」。這是冇乜根據的判斷語。應該話「我係好友,我估明年一手樓比今年貴一成左右。理由係......」。

話時話,現在利淡利好樓市既消息都有,有些消息你話佢利好又得,你話佢利淡又得。得左!好友淡友都可以好輕鬆搵到持支自己立場既理由!

7. 博士
2019-01-31 17:45
湯瑪斯,五毛又有什麼論據,每發一貼有五毫就已經好開心。
8. 鳥5
2019-01-31 21:14
坐下覺得似97加長版,上次升9跌6年,今次拉長。。。不覺坐下 同意博士 ,財仔 係第一個 青 負資產 ,因為今年 收債500億 (每月 )到年尾 美國 收債 ,係好直接影響公司融資成本, 財仔融資成本急增急增 ,呢個應該係今年第一個行先....
9. 鳥5
2019-01-31 21:17
今次跌浪, 同上次97 我都覺得有啲相似 又係中產high嘢先  m字型社會結構, 趨勢再玩多次....
10. 五毛
2019-01-31 21:19
香港多五毛,多年來只識一咪買物業收租。每個月有十幾皮租金落袋,不務正業,所以好得閒常常發貼。爽😊

叻人專家去曬炒股。股市歡迎叻人,最怕你不夠叻。

11. 鳥5
2019-01-31 21:21
嗰啲高按新樓 都係嗰句 。。。。專 貴 係要piad捱幾年啦 打開銀包得兩兜, 幾年冇事就冇事啦, 唔講得咁白啦
12. 鳥粉
2019-01-31 21:28
跌浪後的升浪也是一樣,升到你生無可戀,懷疑人生。

時間站在強者手中。M型社會的特點就是貨源進一歩歸邊。更多人揸多過一個物業,也更多人做上不了車或是上唔番車而又上不了樓的租奴。

13. lc1
2019-01-31 21:32
要睇搵到錢既人今年搵唔搵到錢,其實唔係迫住供唔到樓, 香港人係唔會賤賣層樓,你見到地產商又流標(圍標),其實佢地既減價戰都唔會打好耐。
14. 李澤西
2019-01-31 21:57
正話中原王美鳳喺電視話:今個月多咗幾百個負資產,不過唔駛驚。

點解?因為陸續有嚟。哈哈
15. 鳥5
2019-01-31 22:13
12F, 你可能後生啲啦, 我自己啲朋友親身經歷過九七。。。我都希望香港冇事。。 但我睇到啲數 就似係咁囉
16. 湯瑪斯
2019-02-01 02:01
唔明點解負資產數目加得咁快,一個多月前都好似係一百多啲,而家二百幾,咁即係多咗一倍!
17. 香港土著
2019-02-01 08:36
今年經濟差已有共識,央行托巿會將投資市場同實體經濟差距再度拉開。好期待全攻型好友多多出場表演。
18. 望東樓
2019-02-01 08:48
大部份高按喺財仔,如果銀行有幾百,咁佢哋有幾多就大家諗諗啦。
19. 望東樓
2019-02-01 08:58
如果鳥粉相信M形社會,咁係咪應該搵機會投資劏房?
20. To 17
2019-02-01 09:04
十幾年大浪,全攻型選手一早已經搵夠,成日印印腳,不務正業。留底一班龜縮型淡淡尼度表演。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。