地產論壇
登入名稱
密碼
頁數:
弱勢一方才會扣押對手做人質
瀏覽人次:28017    回應:44

弱勢一方才會扣押對手做人質

 

湯文亮博士

紀惠集團行政總裁
2019年1月30日

  美國在引渡最後限期前兩日,才表示會起訴孟晚舟,不過,還未出正式引渡文件,其實,全世界都知道,美國是要孟晚舟做人質,希望中國在中美貿易談判跪低,我認為美國可以起訴孟晚舟,但不能引渡孟晚舟做人質,否則的話,即是向全世界示弱,話俾全世界知道,美國是要靠扣押孟晚舟做人質才可以在中美貿易談判中取得勝利,美國人不知道,從來只有弱勢的一方,才會扣押對手做人質,如果是強勢的話,中國會自動送上人質給美國扣押,類似的事,在春秋時代出現過不知多少次,美國政府可能唔知,以為扣押孟晚舟做人質就可以令中國屈服,最後可能會適得其反。

  雖然現在美國已經表示會起訴孟晚舟,但仍然還有最後一步可行,就是向外表示,正因為中美貿易談判在進行,為免令人誤會,美國是企圖用孟晚舟做人質以取得勝利,所以暫時不會引渡孟晚舟,但歡迎她到美國協助調查,這樣做不但有體面,並且可以幫助加拿大,現在小杜非常頭痛,放人難,不放人更難,如果不放人,將會有更多加拿大人在中國被補,如果放,大佬的面色又唔係幾好睇,唯有用拖字訣,希望孟晚舟上訴,利用司法程序無限期延長,如果美國知道加拿大政府是會這樣做,就不應申請引渡孟晚舟,其實,加拿大由一開始就已經做錯,即使大佬吩附,都唔好做得咁絕,又用腳鎖又唔准保釋,如果當時准孟晚舟保釋,而孟又棄保潛逃的話,代表華為的確有不法行為,雖然美國或者會怪責,但誰也不知道孟會棄保潛逃,中國就會十分多謝加拿大,這就是小國生存之道,小杜幼承庭訓,但很可惜沒有了解中國在春秋時代,小國是如何生存,任何一個小國如果太倚賴其中一個霸主,反而會更加容易被其他大國殲滅,小國生存之道是很有學問。

弱勢一方才會扣押對手做人質
1. Ben
2019-01-30 09:15
"如果放人,將會有更多加拿大人在中國被補,如果不放,大佬的面色又唔係幾好睇"掉轉了?
2. Admin
2019-01-30 09:20
謝謝1樓指正, 文章已修改
3. Will Hunting
2019-01-30 09:20
Thanks so much for Dr. Tong's sharing of this rare topic of how to handle relationship, it's real office politics strategy. 
4. 自我陶醉
2019-01-30 09:22
特朗普政府有冇能力影響司法部決定都好大個問號,既然無能力叫放人,又點可以攞佢做人質? 
5. To 4
2019-01-30 09:41
反正 captain 都換左, 今刻有沒有能力影響施法部得要看看通俄門報告反應。
7. 湯瑪斯
2019-01-30 10:14

以華為的科技能力,要解除「電子腳鎖」應該易過魔術師。若孟晚舟棄保潛逃,就等同向全世界說華為負責人必定有罪在先,才會畏罪潛逃。華為以後將難以抬起頭做大機構,西方國家就有大條道理封殺華為。所以,為公為私,華為負責人都不應該棄保潛逃。

話時話,特朗普真係厚顏無恥。匯豐等大機構都被美國政府罰過鉅款,但從沒有聽過刑事起訴公司負責人。再看特朗普明目張膽要求盟國封殺華為,就知道以他為首的美國政府對華為別有用心。所以全世界稍有正義感的人都應該支持華為,反對特朗普。

8. 香港土著
2019-01-30 10:16
有始至終,貿易戰都只係美國佬棋局一部份,真正目標係打壓中國科技外交,以至整體國際影響力。

如果話扣押太子女係為貿戰添籌碼,在美國佬立場,哩個講法係本末倒置。
9. 自我陶醉
2019-01-30 10:23
話美加用人質外交嘅人,其實根本唔知咩係法治,你估好似美國佬在大陸偷嘢咁,審都唔洗審就可以即時放人咩!
10. 十一哥
2019-01-30 11:00
字詞係攞嚟用…唔可以要嚟信、巧言令色~詞彙豐富正係偽君子特色、什麼司法獨立/法治/民主/三權分立等等都係詞彙、係霸權嘅操弄工具、現今實話實說就好笨7、總之做型要高貴、説話要唔怕人笑、成個老千咁碼頭足…老襯就任你loop。

陀地~醉猫、點解撈極始終咁低端 ? 8、9樓就説出端倪。
11. 湯瑪斯
2019-01-30 11:03

中美貿易戰睇黎有排打!其實利好和利淡香港樓市的消息都有。除貿易戰外,近兩個月一手盤劈價推售已消化了一大批購買力,需要時間讓未來買家休養生息。這對未來幾個月算是利淡的消息。

今日《文匯報》話大埔白石角逸瓏灣8銷情轉慢,昨日發售次輪118伙,全日售出約37伙,銷售率僅31%。再看將於農曆年假後推出的十幾個一手盤,全沒有劈價推售,有幾個盤更比首輪提價幾個%推售,其他盤大都以雞碎咁多的所謂現金回贈招徠。如果農曆年假後的一手盤不狠劈兩成以上推售,我相信春節後的樓市將一如博士所料,不會有小陽春!

12. 自我陶醉
2019-01-30 11:06
總之做型要高貴、説話要唔怕人笑、成個老千咁碼頭足…老襯就任你loop?

衰11係咪講緊自己? 呢個世界真係有咁多老襯俾你loop咩? 

心照喇! 哈哈哈!
13. 人鬼不分
2019-01-30 11:48
美國還有法治?咁on 9 都有人信
15. 美國還有法治?
2019-01-30 12:30
其實應該係有嘅, 因為佢可以選擇檢唔檢控嘛, 正如符合利益嘅, 美國企業都同伊朗做生意格, 不過朗幾重同收多啲洗用咁, 到符合另一啲利益嘅時候, 咪拎返出黎講收割檢控話你呃佢咁囉, 總之千錯萬錯都係打手嘅錯啦。
16. 十一哥
2019-01-30 12:54
自以為好醒~硬係唔明點解唔富貴、睇住鄉下仔老表而家咁巴閉、梗係特別特別閉翳、好心點醒…咪成日學扯哈咁小學鷄啦!

17. 鳥5
2019-01-30 21:12
12個月內第二次發生流標, 今年年尾..窄... 唔好抱任何幻想呀
18. 鳥5
2019-01-30 21:21
海航公開合購 賣地, 但若在下見解 一有買家 但想試下 想高啲 2 頂住阿爺 關水找數返國內。。。
19. LC1
2019-01-31 00:18
中國其實唔改,美國都吹佢唔帳,中國過美國頭係遲早既事,中國只需要拖長時間黎玩就係,美國都知道,所以要係最短既時間內得到最好既效果,所以先會有人質,以美國實黎和中國實力,美方不會是弱方,只是不易幾招打倒中國,心理戰為上,這人質比較重要的不是這人質重要得要讓中國呼天搶地,是因為如果先例一開,中國人在全世界就會投鼠忌器,才是中共高調要人原因。
20. LC1
2019-01-31 00:31
也許美國會以剎一警百既可能,因為中國現時還没有能力和美國在國際地位上爭長短,如果歸還對美國有利,還是定他罪會更合美國利益? 

    因美國同其他國家對中國最大既指控是科技偷取,如果中國應承還個人質給中國不會再偷取,實在講唔過去,只有長期扣著剎一警百才顯美國和中國實力差距,因為本身trade war 中國一早就應承在錢方面讓步,如開方internet 這些影響中共管治既題目,就算拉一千個姓孟既,也不會有任何分別,所以我估拉過去定罪實在更合乎美國利益,且看共黨會否用對加國的方法對付美國? 
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。