地產論壇
登入名稱
密碼
頁數:
小型地產商開盤難,不開盤亦難
瀏覽人次:25537    回應:16

小型地產商開盤難,不開盤亦難

 

湯文亮博士

紀惠集團行政總裁
2019年1月22日

  雖然現在是樓市小陽春,不過,大家只見到大型地產商開盤,不見到小型地產商賣樓。有了解內情的人對我說,小型地產商如果現在開盤,即使付出高昂佣金,成績也不會理想。理由是小型地產商的新樓數目有限,而且無以為繼,物業代理沒有興趣做他們的新樓盤,無謂浪費人力物力。不如將人力資源集中推售大型地產商的新樓盤,不但數量龐大,而且賣完一個,又可以立刻賣另外一個樓盤。所以,雖然樓市是小陽春,但對於小型地產商來說,可能是幻覺而已。

  如果小型地產商現在開盤,可以說是自取其辱,不但成交不多,就算到來睇樓的人甚至物業代理也不會多,所有物業代理都集中處理大型地產商的新樓。如果問物業代理點解銷售情況慘淡,答案大多數會話該樓盤樓價太貴,位置不佳,沒有會所,甚至有一些大家都想不到的理由。所以,小型地產商千祈唔好問物業代理要跌幾多才可以將新樓單位賣走,答案將會是很悲慘的,可以是一個不能接受的價錢。所以,現在沒有小型地產商開售新樓盤,無謂自取其辱。

  大型地產商願意減價賣樓,這代表樓市正式下調。不過,在大型地產商賣樓之後,購買力已經所餘無幾,除非小型地產商唔賣樓。否則,就要提供更多優惠,要付出更多佣金,這亦是小型地產商難處。老實說,如果沒有新樓空置稅,所有地產商都不會急於賣樓,或者只是逐少逐少賣,樓價一定不會大跌。有了新樓空置稅之後,各大小地產商都盤算如何賣樓。不過,優勢是在大型地產商手中,他們只要願意減價,付足佣金,賣樓是不成問題,小型地產商就比較頭痛。就算願意減價以及付足佣金,亦未必可以做到好成績,但是如果唔開盤賣樓,就要繳交新樓空置稅。正是開盤難,不開盤亦難。

小型地產商開盤難,不開盤亦難
1. 什麼也難
2019-01-22 11:58
不如乜嘢都唔好買賣
2. 湯瑪斯
2019-01-22 12:13

大家有沒在留意現在仍然看好後市的,大多是地產代理高層(有部份更說空置稅作用不大)。而現在看淡後市的大多是地產發展商,他們劈價賣樓,是經過深入研究的。尤其是大地產發展商,他們財雄勢大,一定投放大量資源做市場研究(加上大老闆個人觸角及眼光)。這些發展商,即使看淡後市也不會直說,所以我們只需看他們的行動。

我個人認為看樓市看得最準的,必定是大型地產發展商(李嘉誠就是最看得最準的一位)。幾年前他們一定暗中笑淡友。香港咁多人願意做樓奴,他們就以高成數按揭引他們上車然後大贏一筆。現在購買力減弱,光靠高按揭不夠,就劈價賣樓。這種擠盡最後一滴奶的銷售方式,必定看淡後市。幾個月後已經沒有奶了,必須過一、兩年時間等奶水充足再擠過。但一、兩年後供應可能到位。所以現在還看好樓市的人,會被發展商暗中笑佢地傻仔。不過發展商不會督爆好友,因為賣樓的人唱淡後市如何擠盡最後一滴奶。像長實咁坦白承認看淡後市是很有良心的發展商。

話時話,有沒有發展商看錯後市的呢?有,屯門龍床盤發展商是也。這一發展商要不經驗不足,要不沒有投放足夠資源做市場研究。只靠閱讀評論員的文章很危險,幾個月前仍有很多評論員看好後市,現在仍有評論員看好後市,不過比幾個月前少了。

3. 香港人
2019-01-22 12:50
小型發展商應立即大幅減價去貨,現可賣的價錢,肯定會多過將來取的價錢。
4. 自我陶醉
2019-01-22 13:33
孟晚舟單嘢又出籠,中美隨時又反枱。

“香港冇賣唔去嘅樓,只有賣唔去嘅價”,呢句講得最啱。開價夠平自然賣得去,欠債高嘅小發展商,尤其是內地發展商,根本冇能力坐貨。

5. 自我陶醉
2019-01-22 13:39
冇自知之明,開價進取嘅下場有板睇:

龍床盤菁雋主要發展商、早前單日股價曾跌近九成的佳源國際(2768),聯交所披露權益資料,其大股東兼主席沈天晴(又稱沈玉興)當日在場內沽售其持有的9,362萬股。

6. 真真薯片
2019-01-22 15:31
佣金係以公司計,做一個2000個單位既盤,老屍食到一半,閒閒地有半億以上,做一個200個單位既單棟盤,老屍都唔知分唔分到1000萬,你係老屍你做邊個盤?
7. 真真薯片
2019-01-22 15:33
唔知大地霸有冇興趣買“銀主盤”,細地霸唔惦時成個盤買左佢?
8. 成個盤買左佢?
2019-01-22 16:22
果啲咁嘅樓, 買黎拆左佢起過?
9. 老屍你做邊個盤?
2019-01-22 16:25
發發減價賣, Lucy 可否要求加佣立於不敗? 發發打九折, 老屍得返八五。
10. 望東樓
2019-01-22 16:28
四叔早排咪接咗幅地囉。
11. 湯瑪斯
2019-01-22 16:40

7樓既建議係唔係話大地霸收購全數龍床盤,然後打通佢兩間變一間,成為雙人床龍床盤。再劈價開賣。唔知咁樣有冇犯例?

據悉鄧成波購入菁雋的樓面呎價近$7,900,沈天晴從波叔買入七成股份唔知作價幾多錢。上年底如果唔好咁大貪賣萬二蚊一呎(平均呎價)應該已經清袋。竟然開價萬七蚊平均價。香港有冇咁多傻仔呀?

四樓轉述聯交所資料話沈天晴沽售其持有的9,362萬佳源國際股份。睇黎大股東已經唔想玩。不如當銀主盤賣左菁雋算吧啦!

12. To 4
2019-01-22 16:41
醉哥, 孟姜女自己行路過老美, 相信都唔敢啪左佢, 老美停擺, 自損幾千, 老襯射個波俾佩洛老西, 等多幾日一夠期, 老加即刻踢佢返大陸也, 此時, 肥恩又有動靜, 貿易戰似乎依依哦哦又要傾多六十日。
13. To 11
2019-01-22 17:02
唔理作價幾多錢, 晴晴係咪印公仔紙俾波叔換取內含磚頭的股份先?
14. 自我陶醉
2019-01-23 10:14
12樓

死其實一啲都唔可怕,最可怕係唔生唔死,打官司打十年,再坐十年監,仲慘過死。

至於貿易戰,係長期作戰,再多十個60日,矛盾都唔會完全消失。
15. To 14
2019-01-23 10:15
醉哥, 佢行得過去, 就有哩個準備, 老美只係講利益, 人唔要, 錢多多的罰, 但罰得太多又到自己冇生意, 同肥平唔同, 佢冇野俾人揸, 睇黎要響果邊洗厠所過世。
16. 十一哥
2019-01-23 11:52
打交唔好怕痛、阿爺點會因標參而脚軟、你急我唔急、限期就到…引渡咗就真頭痕、要出力諗計點砌完美嘅生豬肉、唔引渡又輸到好惡睇、好彩民主黨又合作玩到正苦停擺、儍侵就望頂埋呢幾日…停擺冇人做嘢、引渡唔到當打和…係技術問題!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。