地產論壇
登入名稱
密碼
頁數:
連老豆都信唔過
瀏覽人次:23078    回應:7

連老豆都信唔過

 

湯文亮博士

紀惠集團行政總裁
2019年1月7日

  在凱匯今次賣樓,大家見到一個很奇怪現象,就是一些年紀非常大的人去買樓,當他們收樓的時候,年齡已經超過100歲,這是其他地方的人無法想像,但香港人不同,沒有傳媒向那些高齡買家發出疑問,因為大家都知道,他們是被借人頭,是子女替他們買樓,當百年歸老時,他們所買的單位又會自動回歸子女手中,而點解要這樣迂回曲折去買樓,理由很簡單,就是不用付15%印花稅,因為任何香港人如果買第二個或更多的住宅單位,他們就要付15%印花稅,比正常最少多付10.75%,就是為了這10.75%,他們在表面上做一個孝順仔,其實,他們是玩火,母親所買的單位隨時不能夠收回,不過,相信他們暫時仍未察覺到危險性。
    
  我有一個朋友亦借了他的母親人頭買樓,他說已經做妥了防範措施,除了他的母親早已立遺囑之外,而且還寫了一份信託書,證明她所買的單位是由兒子全數支付,而事實上他的兒子才是那個單位真正業主,他以為做了雙重保障,有雙重效能,可以安枕無憂,其實,他的做法完全沒有保護作用,只要她的母親再立一份遺囑,那個單位可以在她離世之後送給任何人,至於那份信託書,嚴格來說是一個犯罪證據,為了避免繳付15%印花稅而做出行為,任何時候都不可以攞出來做證明,因為除了要重繳正常印花稅之外,可能要多付三倍甚至有牢獄之災,為了避稅而要坐監就似乎太過不值,朋友話明白,所以,他做了最重要的預防措施,就是用阿媽,而不用老豆的人頭買樓。
      
  大家可能沒有留意一個現象,就是那些高齡買家全部是女性,我最初以為是她們用自己的私己錢買樓,後來發覺原來是被借人頭,我問替母親買了樓的朋友,點解唔用父親的名義買樓,他竟然話信老豆唔過,就算阿媽過身後沒有將他所買的單位交回給他,最多是益了其他的兄弟姊妹,如果用老豆的名義買樓,則可能益了同父異母的兄弟甚至外人,講到這方面,連老豆都信唔過,但他可以保證阿媽不會有私生子,因為如果有的話,他應該可以見到,但不能保證老豆沒有私生子,我明白,難怪所有高齡買家都是女性,原來大家都信唔過老豆。

連老豆都信唔過
2. 連老豆都信唔過
2019-01-07 11:30
但要度水父幹時,連老豆都唔放過。
3. 真男人
2019-01-07 11:32
呢D借母親quota嘅買家肯定唔係呢個網站讀者。

呢度(高)人話來緊樓價會跌三至五成,而且照佢地三個月前講法2018年底應該已經跌三成,雖然暫時只跌了7%,不過希望在人間。

呢批買家現在借人頭買樓花只係慳咗區區10.75%印花稅,如果等到兩年後買跳樓二手現樓,照(高)人講法隨時用一半現價就買到,畀夠15%又點話,除笨有精呀。
4. 鳥5
2019-01-07 12:58
D果係人性。。5係春仔,不過係賭仔。。。
5. 鳥5
2019-01-07 13:46
數學上 10%印花稅 理論上 係利潤水位, 實際上 將來樓市跌 根本沒有首置印花稅, 即等同持平, 以上做法 十個percent印花稅 並不是永恆... 買平咗 並不等同賺多咗... 諗一諗呢條數學題.. 只係政府賺少咗.. 傻仔
6. 十一哥
2019-01-07 14:10
謝老肆早排都借個人頭比佢個郎買淺水灣豪宅啦!

7. 五哥
2019-01-08 06:33
點解睇得咁單純?洗唔洗去犯法做信託?借錢比亞媽買樓,做亞媽個二按債主綁實件貨兼攞埋個優先購買權,收高啲利息,如果亞媽賣樓賺錢就分紅利,如果亞媽送樓比人地就按市值分紅,分紅比例就留翻原買價嘅3%比亞媽,咁亞媽唔洗出錢就有機會賺3%都係化算同埋合法合理嘛,(湯老闆你日日搵啲投資比個機會我過過手賺0.3%我都做架!)自己就用啲利息同分紅黎保護自己嘅經濟利益,同時又唔洗去犯法逃避印花稅,亞媽百年歸老比翻間屋我時就一筆勾消,咁樣就連老豆都唔會胡思亂想信得過啦,會唔會好啲、安全啲?
8. 樓價的最大支持
2019-01-08 20:47
搞成咁都重要買樓。香港人對樓市真的是好熱愛。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。